Genesis 3:17 - God Vonana Vovokaravina

¹⁷ Vaghina ma, Adam ivonei bo, “Avonem da kii amena ke kuta kani ma kawam gamona kuvi yanei da kukani. Tuna kubiine dowa aimimagi, da kuni inipika kirakai am yawasa ku kudubina da kuna kam.

Genesis 3:17 ပူးပေါင်းရင်းမြစ်များ

Genesis 3:11

Ma Bada God ivona bo, “Iyi ivonem da iyum kava? Avonatanim da nani kiina amena ke kuta kani. Ma tam kukani, bo?”

Genesis 3:18

Ma am wayowa kamonai inamona ma iyiyo ina gogo. Ma dipiyai yabayaba kunekwa yawara da kuna kam.

Genesis 3:6

Ma wavinena ikita da nani kiina iame ikitai da ivi nuwaviivai. Ma inotai da ibiibai da ita kani. Ma bade ina kayowana ghamana da nani akovina ita viiya. Vaghina ma ipura da ikam. Ma tomowina na yavata da wavinena viya iverei da tuna bade ikani.

Genesis 5:29

Ma ivi vavei Nowa. Ma Lameki ivona bo, “Bada dowa imagi da ita biga irakata ma tikamaghiyei, ma weni wawaya kikina kara ini viteta ma ini yawasita.”

Genesis 8:21

Bada suwara ghabuna iyoni ma nuwanuwana iviiya ma ivona bo, “Ke meyani dobu animaga meyei wawaya i berabero kubiine. Akovi da gegeyai da i ku rabobo na i nota didibarisi emakamakai. Akovi ma namanaki, ke meyani da bera yavu yawayawana ana kiipupuna meyei.

Matiu 22:12

Ma ivonei bo, ‘Aku tomo, tam ke gara biibiina kuta kotei. Avi kubiine kurui?’ Ma tomowina ke sago ita vonapotei.

Matiu 25:45

Ma kiivavo ina vonapotesi bo, ‘Vonavaghata avonavonemi, wawayota vivikamyuyuwina kokitakuyowei ma ke koti vitei na tuna nakanani ma taku kuriku kota berai.’

Luk 19:22

Ma ina bada ivonapotei bo, ‘Tam bigabiga berom! Tam mani am sisiya ikikava kutereterei na nakanani ani wavum! Kuakoviku da wawaya bagibagiku sago. Aviyavisina ke rapekuwai ma kegha da aviiviiya, ma aviyavisina ke ata vovoni ma kegha da ayabayaba.

Jon 16:33

Weni berasi kudubina aiakovimi da nuwanuba gwabikuwai kona viiya. Weni dobunai komakamakai na nuwapoya ipeyari kona panapanani. Ma ami nota evirewapana, iyamna taku weni dobuna ina bera kudubina aghegavovori.”

Rome 3:19

Takovi da vonaviyoyovana na Jiu damsi kubiisi ma tuna kamonai kii sisiya eberaberai da ti na berabero wawayisi. Ma bade God vonaviyoyovana ivokiibuwei na dam kudubina kawasi kiipotana kubiine da ke ini tupariyei, iyamna peyarisi na God ini tupaviresi.

Hibru 6:8

Ma tano berona na inamona ma iyiyo ina gogo da iyamna kegha. Ma God tuna tanona inimagi ma ina kapuni ina karai.