Genesis 29:4 - God Vonana Vovokaravina

⁴ Jeikap sipu kii koyakoyagha ivi tarakiiyanesi bo, “Varevaresiku, tami na meni dobuna wawayimi?” Ma ivonapotei bo, “Tokai akii kwanatu na Haran.”

Genesis 29:4 ပူးပေါင်းရင်းမြစ်များ

Genesis 11:31

Mara sago Tera ina rakaraka irutinisi da Uru dobuna ikiibutawei. Natuna Abram kawana Serai yavata ma tupuna Lot (tuna ina mamai na Haran) na peyarisi iviinisi da ita nae ku Keinan dobuna. Ma keta borinai ku Haran kwanatuna inekiibau na nani dobunai imakii kirakai.

Genesis 24:10

Bigabiga tomowina inae da Abraham ina kamel ivi 10 irutinapiyesi ma mura ghamana, sawara bogii ma bogiiyai ku tepasi ivi tawanepeyana. Ma ivomiiri inae ku Aram Nayaraim dobuna. Ibaba inenae da Nayo ina ku kwanatu inekiibau.

Genesis 27:43

Natuku, aviyavisina ana vonem na keberai. Tam na keverau! Yaghiyaghinai kuna nae ku Haran, novuku Leiban kurina.

Genesis 28:10

Jeikap Beyaseba dobuna ikiibukuyowei inenae ku Haran.

Genesis 29:3

Ma sipu yavosi kudubina ina riyesi nani ku dogona na sipu kii koyakoyagha wakimina ina tabiratawei da sipu ini umiisi. Ma ini umiisi ina kovi na dogona kawana bade ina gudui.

Apasol 7:2

Ma ivonapotei bo, “Varevaresiku ma mami mau, kovi yaneku. Muriyai da ita kaekiki Abraham ita nae ku Haran kwanatuna na Mesopotemiya dobunai imakamakai ma God ere kadakadarina inekiibau kurina.

Apasol 7:4

Vaghina ma Kaldiya dobuna ikiibutawei ma inae ku Haran ma nani kwanatunai imakai. Imakamakai da ina mamai irabobo, muriyai na God ivonatawei ipisi weni ku dobuna.