Genesis 29:34 - God Vonana Vovokaravina

³⁴ Ma bade iropeyame ma ivi tuwa da natuna tomowa, ivi vavei ‘Livai’ na ivona bo, “Natunatuku tomotomowa ivi aroba avi tuwesi, tuna kubiine wekarakava na kawaku nakeda ini nuwaviina kirakiiyeku ma kuriku ini riya.”

Genesis 29:34 ပူးပေါင်းရင်းမြစ်များ

Genesis 46:11

Levi natunatuna tomotomowisi na Geson, Koyati ma Merari.

Genesis 35:23

Liya natunatuna na Ruben (tuna Jeikap natuna iyarokona), ma bade Simiyon, Livai, Juda, Isaka ma Sebulun.

Genesis 34:25

Mara aroba murinai patana da inivisi damina iviiviiya ma Jeikap natunatuna ruwa Simiyon da Livai, ti na Daina novunovuna, i seri iyuna ma irui ku kwanatu da wawaya imakamakii nunuwapa ma ikunisi da tomotomowa kudubisi ivi kiivunuwana yavu.

Genesis 4:1

Adam kawana Eve yavata ikena da iropeya. Ma ivi tuwa da tomowa ma ivona bo, “Bada ivi viteku da natuku tomowa avi tuwei.” Ma ivi vavei Kein.

Genesis 30:20

Ma Liya ivona bo, “God puyo kiimatanina ivereku. Wekarakava na kawaku ina vokaraveku, natunatuna tomotomowa ivi miikovi ma sago avi tuwesi kubiine.” Ma natuna ivi vavei ‘Sebulun.’

Revelation 7:7

Ma Simiyon kana dam kamonai na 12 tausan ikirumisi, ma Livai kana dam kamonai na 12 tausan ikirumisi, ma Isaka kana dam kamonai na bade 12 tausan ikirumisi.