Genesis 27:4 - God Vonana Vovokaravina

⁴ Kaku siya kekavarapiyei ma vavai yavata kevokuya monamonai da ana kam. Ana kam ina kovi na muriyai da ana rabobo na ani biibiinim.”

Genesis 27:4 ပူးပေါင်းရင်းမြစ်များ

Genesis 14:19

Ma Abram kurina ivona bo, “God Kiidamo Makamakiina kunuma ma dobu iyamoni. Ma ainowi kurina da ini biibiinim.

Genesis 24:60

Ivomiiri da ita nae ma Rebeka ina rakaraka ivonakiiyaragha kurina bo, “Novukai, kevi tuwa kirakai da natunatum ina peyari. Tupurereghim ini rewapana kirakai ma kii ghavighaviya ina ghegavovorisi da i kwanatu ini rapenei.”

Genesis 27:14

Vaghina ma, inae da irutinisi ipisi ina maduwa kurina. Ma ikikava ina mamai ikayokayowei na nakanani ina maduwa ivokuya monamonai.

Genesis 27:17

Vaghina ma, nani vavina ivokuya monamonai na iverei.

Genesis 27:19

Ma Jeikap ivi bero, ivonapotei bo, “Taku na natum iyarokoku ma aviyavisina kuvoneku na aberai, tuna kubiine kemakiivomiiri da kam siya kuna kani ma vibiibiina kuna vereku.”

Genesis 27:23

Jeikap imana igerei da korokorona nakanani ma Iso imana, tuna kubiine Aisiki ke ita vogii tovoni. Tuna kubiine karakava, kam murinai na ivi biibiini.

Genesis 27:25

Ma ivona bo, “Natuku, siya kuvowai na kepiyei ana kani ma muriyai na ani biibiinim.” Vaghina ma, Jeikap siya ma vavai ikavaraneyei da ina mamai ikam ma bade wain yavata iverei da iuma.

Genesis 27:27

Inae kurina da iyoni na ina mamai na kana gara pughuna iyoni da weni nakanani ivi biibiini. Ivona bo, “Natuku, pughum ibiibii kirakai. Tuna nakanani ma tano pughuna. Tano Bada ivi biibiini na pughuna ibiibii kirakai.

Genesis 27:31

Iso bade vavai da siya ivi tava monamonai ma ikavara inae ina mamai kurina ma ivonei bo, “Mamai, kemakiivomiiri da weni siyana akavarapiyei na kuna kani ma kuni biibiiniku.”

Genesis 27:5

Aisiki nakanani ivivi sisiya Iso kurina na Rebeka ivivi yana. Iso ivomiiri ikiibau ku warere da siya sago ita vowai ma ita kavarapiyei,

Genesis 27:7

Ivona bo, ‘Siya sago kekavarapiyei ma vavai yavata kevokuya monamonai da ana kani. Ma muriyai da ana rabobo na Bada matanai ani biibiinim.’ ”

Genesis 27:9

Kenae da gote yavona kamonai na dodosi ivi ruwa kuna vinetawei ma kuna rutinapiyei da ana vokuya monamonai. Ikikava am mamai ekayokayowei na nakanani ani tavi.

Genesis 28:3

Ainowi God Rewapana Kirakiina kurina da ini biibiinim ma ina berai da natunatum ina peyari ma am koroto ina rakata da dam sago ina tupuwa.

Genesis 48:9

Ma Josepa ina mamai ivonapotei bo, “Weni ededisi na taku natunatuku. Egypt dobunai amakamakai na God ivereku.” “Kerutinapiyesi kuriku da ani biibiinisi.”

Genesis 49:28

Ma vaghina, Jeikap nakanani ivi sisiya natunatuna kurisi, sago sago duma i bera nununai ivi biibiinisi. Ma natunatuna, ti na Israel kana dam ivi 12 i kaekiki mau.

Luk 2:34

Ma Simiyon ivi biibiinisi ma Meri kurina ivona bo, “God weni wawaya kikina ivinei da tuna tepanai wawaya viya Israel kamonai ina tereoruwesi ma viya ina terepisi. Ma bade ini matakira da wawaya viya ina vonavikoniyei

Luk 24:51

Ivivi biibiinisi kamonai na God iviitawei da ighae.

Hibru 11:20

Aisiki ina vitumaghana kubiine na natunatuna Jeikap da Iso i mara murina kubiine ivi biibiinisi.