Genesis 26:30 - God Vonana Vovokaravina

³⁰ Vaghina ma, Aisiki kamporagha ghamana iberai kubiisi da ikam ma iuma.

Genesis 26:30 ပူးပေါင်းရင်းမြစ်များ

Genesis 19:3

Ma ikiikiitupesi da damonai na ivi vaghinei ma inae ina ku numa. Ma Lot ina bigabiga ivi yonesi da parawa ke yist yavata ita kapuni ma vavai ita vovunaghi da kii numataya kubiisi. Ivovunagha ikovi na ikam.

Genesis 21:8

Ma vaghina, Aisiki imagura ma vikaratawena kubiine na Abraham kamporagha ghamana iberai.

Genesis 26:31

Mara itom ma mara boiboiyai peyarisi vivaghina iberai, sagosago duma vonakiiyapa bagibagina iterei. Nani murinai Aisiki ivi kiikiiwesi ma nuwanubiiyai ivonatawesi da inae.

Genesis 31:54

Ma ghamoghamo sago ikiivunui da koya tepanai isuwara God kurina ma ina wawaya ikwatusi ipisi da yavata ikam. Ikam ikovi ma koya tepanai ivi keneyana.

Rome 12:18

Tami sago sago duma ami biga da vikawapata kamomiyai kovovinubai, kobera tovoni da wawaya kudubina yavata nuwanubiiyai kona makai.

Hibru 12:14

Kobera tovoni da wawaya kudubisi yavata ere nuwanubami kona makamakai bubuna. Ma koekwa da ami yawasa na maninina ma vovokaravina kavakava, iyamna iyavo kava ke vovokaravimi na Bada ke kona kitai.

1 Pita 4:9

Nuwabiibiiyai wawaya korutinisi da gwabimiyai ina kam bo ina kena ma nani kamonai ke kona vonakunukunura.