Genesis 24:10 - God Vonana Vovokaravina

¹⁰ Bigabiga tomowina inae da Abraham ina kamel ivi 10 irutinapiyesi ma mura ghamana, sawara bogii ma bogiiyai ku tepasi ivi tawanepeyana. Ma ivomiiri inae ku Aram Nayaraim dobuna. Ibaba inenae da Nayo ina ku kwanatu inekiibau.

Genesis 24:10 ပူးပေါင်းရင်းမြစ်များ

Genesis 11:26

Tera kana madegha 70 muriyai na ivi tuwa da natunatuna Abram, Nayo ma Haran.

Genesis 11:29

Ma bade Abram ma Nayo wivine ipanana da itavine. Nayo kawana na Milka. Milka ma tina kikei Iska ivi ruwa i mamai na Haran. Ma Abram kawana na Serai.

Genesis 11:31

Mara sago Tera ina rakaraka irutinisi da Uru dobuna ikiibutawei. Natuna Abram kawana Serai yavata ma tupuna Lot (tuna ina mamai na Haran) na peyarisi iviinisi da ita nae ku Keinan dobuna. Ma keta borinai ku Haran kwanatuna inekiibau na nani dobunai imakii kirakai.

Genesis 11:32

Tera imakai da kana madegha 205 ma Haran kwanatuna kamonai irabobo.

Genesis 22:20

Mara sago Abraham imakamakai na tina kikei Nayo varana ivi yanei da natunatuna tomotomowisi ipeyari kirakai. Nayo kawana Milka ivi tuwa

Genesis 24:2

Mara sago ina bigabiga tomowina ikwatui ipisi kurina, tuna tomowina na Abraham ina bera peyarina ivivi gayamei. Ma ivonei bo, “Imam ku tepaku keterei kevi matakira da aku kayowana kuna berai.

Genesis 24:22

Kamel iuma ikovi na bigabiga tomowina ivororona da kamel sago tepanai giyayodi ma bade imakwasi ruwa iviiya ma wiwikena iverei, sawarisi na goldiyai iyamoni.

Genesis 24:53

Ma posaru, imakwasi ma yodi, silva ma goldiyai iyamona na Rebeka ipuyoi ma bade gara yavata. Muriyai na ina maduwa ma novuna ipuyosi, nani puyosi na miiyanisi irakata kirakai.

Genesis 27:43

Natuku, aviyavisina ana vonem na keberai. Tam na keverau! Yaghiyaghinai kuna nae ku Haran, novuku Leiban kurina.

Genesis 29:1

Vaghina ma Jeikap ibaba inenae da maramatana wawayisi i ku dobu inekiibau.

Genesis 29:2

Ma nani dobunai ikita ku warere da dogo sago ikitai. Ma dogo baranai na sipu yavona aroba ivivi keneyana iyamna nani sipusi na nani dogonai iumuma. Ma dogona kawana kana gudu wakimina na ghamana ma vitana.

Apasol 2:9

Ita dobu na Patiya, Midiya, Elam, Mesopotemiya, Judiya, Kapadosiya, Pontas ma Eisiya,