Genesis 24:1 - God Vonana Vovokaravina

¹ Abraham na kana madegha ine kirakai da imorapa ma mara nonowa Bada ina vibiibiina gwabinai da ina yawasa kamonai na biibiina kavakava, kesago nuwapoya ita panani.

Genesis 24:1 ပူးပေါင်းရင်းမြစ်များ

Genesis 12:2

Ana berim da tupurereghim ina peyari da am dam ina rakata. Ani biibiinim, ma ana berai da kam vava ina rakata kirakai. Aku vibiibiina gwabimuwai ina makai, tam tepamuwai da wawaya nani vibiibiinina ina viiya.

Genesis 13:2

Ma Abram tuna tomowa mumurina, ina ghamoghamo yavoyavosi ipeyari, ina silva ma ina gold yavata.

Genesis 18:11

Abraham da Sera imagura kirakai, ma Sera inota meyei da tuna imorapa da vituwa kana mara ikovi.

Genesis 21:5

Tomowa kikei itupuwa na ina mamai kana madegha na 100.

Genesis 24:35

Ma Bada aku bada ivi biibiini ma iberai da ina mura irakata kirakai. Ivi biibiini da sipu ma kau yavoyavosi, ina silva ma gold irakata, ina bigabiga wivinesi ma tomotomowisi ipeyari ma ina kamel da donki yavata.

Genesis 25:20

Aisiki kana madegha 40 ma itavine, kawana na Rebeka. Rebeka ina mamai na Betuwel ma novuna na Leiban. I dobu ghamana na Arameya ma i dobu gisina kana vava na Padan Aram.

Genesis 26:12

Ma vaghina, Aisiki gwabisiyai imakai ma Bada ivi biibiini, nani dobunai iwayowa da mura ghamanakina ipanani.

Genesis 49:25

Iyamna am mamai ina God ini vitem, God Rewapana Kirakiina ini biibiinim. Kunuma da dobu kana vibiibiina ina verem ma tupurereghim ini biibiinisi da ini tuwa ma ini susu bubuna.

Matiu 6:33

Kunona God ina vikiivavona konekwai ma ina kayowana kona berai na aviyavisina mara nonowa koekwekwai da dobuwai kota makai bubuna na ina veremi.

Luk 1:7

Ma natusi kegha, iyamna Elisabet na gagarina ma kawana yavata imorapa kirakai.

Gareisiya 3:9

Tuna kubiine iyavo kava God itumaghanei Abraham nakanani na peyarisi ini biibiinisi.

Epesas 1:3

God tavokavakavari, tuna ita Bada Yesu Keriso ina Mamai ma kanuma ina ku nevaneva ibiibiinita. Yesu Keriso yavata tavi nuwasago da vibiibiina bogii ma bogiiyai peyarina everevereta.

1 Timoti 4:8

Tupuwim kekoyagha bubuni ma ini dagudagu kirakai da ini rewapana, tuna na bera biibiina. Ma kanumim kevi beyebeye bubuni da God ina kayowana kava kuna berai, tuna berana na ibiibii kirakai. Kuna berai da kanumim ini rewapana ma ini vitem da am yawasa dobuwai ina biibai, ma ku tepana rabobo murinai na am yawasa ina biibii kirakai.