Genesis 22:9 - God Vonana Vovokaravina

⁹ Gawarina God ivonavonei na inekiibau nake ma wakima ivi daburi da suwara kana kema iyamoni ma keyama ikemai. Ikemai ikovi na natuna imana da kaena ikutatana ma ipewai da kema ma keyama tepanai ivi kenai.

Genesis 22:9 ပူးပေါင်းရင်းမြစ်များ

Genesis 12:7

Ma nani dobunai Bada inekiibau Abram kurina ma ivonei bo, “Weni dobuna na tupurereghim ana veresi.” Tuna kubiine Abram wakima ivi daburi da suwara kana kema iyamoni ma nani dobunai Bada ivokavakavari.

Genesis 12:8

Vaghina ma, ivomiiri inae ku koya nuwasi da nake Betel kwanatuna ma wike ku maramatana na Ayi kwanatuna ma basunai na ina yobe ivowai. Ma bade suwara kana kema sago iyamoni da Bada ivovokavakavari.

Genesis 13:18

Vaghina ma Abram ina wawaya yavata i yobe irika ma inae. Ibaba da ku Hibron dobuna ma nani dobunai imakai. Hibron kamonai na kwanatu sago kana vava Mamre, ma ririnai na kii viya ivivi miimiiriyana, ivi matakira da tuna na gawara vovokaravina. Kiisi ririsiyai i yobe itina da imakai ma Abram suwara kana kema sago iyamoni da Bada ivovokavakavari.

Genesis 22:10

Vaghina ma, ivororona naipi iviiya da natuna ita gwarivunui.

Genesis 22:8

Ma ivona bo, “Natuku, God tuna mani suwara kana sipu ina vokiibuwei.” Ma ivi ruwa ibaba inae.

Genesis 8:20

Nani murinai Nowa wakima ivi daburi da suwara kana kema iyamoni. Ma meni ghamoghamosi ma kiusi Bada ivi vaghinei da suwara kubiine na kamosiyai viya iviinisi ma ivunuwa da suwara kana kema tepanai ikapuna, Bada God kurina isuwara.

Matiu 27:2

Ma imana ikuni ma irutini inae Pailat kurina. Tuna na Rome kana bada sago ma ivonatawei da Judiya dobuna ivivi badei.

Mak 15:1

Mara boiboi vaghata Sanhidran damsi ivi kiidaburana. Ti na taparoro babadisi i babada ma Jiu damsi i babada ma vonaviyoyovana vibeyebeyena wawayisi na kudubisi Yesu ivivi dughuwei da vivaghina iberai. Ma imana ikutatani ma irutini inae Pailat kurina.

Apasol 8:32

Ma giruma katamana ivivi yavi na weni, “Tuna nakanani ma sipu, irutinaneyei da iti raboboi, Ma nakanani ma sipu gegeyina, vunivunina eboribori na ke ita tutou, Tuna bade nakanani, ke iti sisiya.

Gareisiya 3:13

God ina imaga kamonai kata makamakai ma kegha da Keriso kata kovogha iviiya, igimarataweta da vonaviyoyovana ina rewapanai ivi kiibunita. Giruma katamana evonavona bo, “Wawaya tupuwina kii tepanai ini rorokei na ivi matakira da tuna wawayina na God ina imaga kamonai emakamakai.”

Epesas 5:2

Ami yawasa na nuwaviina ini badei. Ikikava Keriso ina nuwaviina irakata kurita da ivere meyei kubiita na nakanani koni nuwaviina. Keriso isuwara meyei na God ivi nuwabiibiiyei, tuna nakanani ma suwara ghabughabuna ita gheghae kurina.

Hibru 9:28

Tuna kubiine na Keriso ivere meyei da ivi suwara ma irabobo da mara sago kava na wawaya peyarisi i berabero ikowatawei. Ma ina vovira na ke ita berabero kitameyena kubiine. Nani maranai na iyavo kava Keriso ikoyakoyaghi na yawasa makamakii nonowina ina veresi.

Jemes 2:21

Ita kaekiki Abraham konotanotai bo kegha? Natuna Aisiki suwara kana kema tepanai iterei da ita suwara, tuna kubiine God ivona da tuna na wawaya maninina.

1 Pita 2:24

Keriso tuna mani ita berabero vitana tupuwinai ikavari da korosiyai irabobo. Weni berana iberai da kubiita berabero ina ruyagha damina ivi rabobo tuwanonowi da ke ini nuwatinita ma ita yawasa na maninina kavakava. Keriso iwidiya ma ina ku inivisi na ivi yawasimi.