Genesis 20:7 - God Vonana Vovokaravina

⁷ Wekarakava na kawana kevere meyei, iyamna Abraham na peroveta ma tuna ina nipowana kubiim da ke kuna rabobo. Ma wavinena ke kuna vere meyei na kuakovi da tam ma am wawaya na kona rabobo.”

Genesis 20:7 ပူးပေါင်းရင်းမြစ်များ

Genesis 12:15

Ma bade kiivavo Pero ina wawaya ghamaghamasi na wavinena ikitai, ma inae ivonei da wavine sago karawatina ipanani. Vaghina ma, Serai irutinaneyei ina ku numa ghamana.

Genesis 12:17

Ma ke mara gurina na Pero ina wawaya yavata igubaga. Abram kawana irutini kubiine na Bada gubaga beroberosi iveresi.

Genesis 2:17

ma kii sago kava na amena ke kuna kani. Tuna na Akova Kiina. Wawaya ina kani na akova ina veresi da nuwanuwasi kamonai inakovi da meni berana na biibiina ma meni berana na berona. Kuna kani na vonavaghata da kuna rabobo.”

Genesis 20:18

Abimaleki, Sera irutini ina ku numa da ita ravaghi, tuna kubiine Bada God iberai da wivine peyarisi ina rakaraka kamonai i vituwa ketana igudui.

Genesis 20:3

Didibara sago Abimaleki ivi matu da God inekiibau kurina ma ivonei bo, “Nani wavinena kurutini na tatavinena, tuna kubiine tam na kurabobo ma kemakamakai.”

Genesis 20:8

Mara itom ma mara boiboiyai Abimaleki ina wawaya ghamaghamasi ikwaturiyariyesi ma ivonesi da aviyavisina itupuwa kurina na iyabumana kirakai.

Genesis 23:6

“Bada, kevi yanekai, kamokiiyai tam na kiivavo ghamam. Nuwabiibiiyai kaivaghinei da am kayowanai akii karawaga sago biibiina kevinei da kawam tupuwina kuna terei.”

Apasol 8:24

Ma Saimon ivi nowi kirakai, ivona bo, “Kubiiku konipowana Bada kurina da aviyavisina kovi sisiyei na ke ina tupuwa kuriku.”

1 Korint 14:4

Ma iyai kunuma gamosiyai isisiya na tuna mani ivite meyei, ma iyai God ina sisiya idebei na ekalesiya kudubisi ivitesi.

Hibru 1:1

Mara katamaninai God ina keta ipeyari bogii ma bogiiyai da ivivi sisiya peroperoveta kurisi. Ma bade ti ivivi damadamani ita kaekiki mau kurisi.

Hibru 13:4

Tavine na bera vovokaravina, tuna kubiine kudubita tavopepetei. Kawam vaghata na tuna kava yavata koni pekana, ma ke meyani da wawaya sago yavata koni pekana tovona. Ma iyavo kava kwinana ini tuneboi bo ini pekana wapawapa na God ini tupaviresi ma kovogha ina veresi.

1 Jon 5:16

Ma iyi tam kuakovi da varesim berabero eberaberai na God kurina kuna nipowana da ini yawasi. Ma berabero sago kava emakamakai na tuna ibero kirakai da damona na wawaya kanumina ina rabobo. Wawaya nani bera berona ina berai na ke ata vonavonemi da kuna nipowana wawayina kubiine, ke ruvaruvana.