Genesis 20:6 - God Vonana Vovokaravina

⁶ Abimaleki ina vimatu kamonai God ivonapotei bo, “E, akovi da am nota manininai weni berana kuberai, tuna kubiine atarapaparim da ku mataku berabero ke kuta berai, akovi da wavinena ininina ke kuta votovoni.

Genesis 20:6 ပူးပေါင်းရင်းမြစ်များ

Genesis 20:18

Abimaleki, Sera irutini ina ku numa da ita ravaghi, tuna kubiine Bada God iberai da wivine peyarisi ina rakaraka kamonai i vituwa ketana igudui.

Genesis 26:11

Vaghina ma, Abimaleki ina sisiya bagibagina iterei ina wawaya kudubisi kurisi, ivonesi bo, “Meni wawayina Aisiki bo kawana ini kayotiranei na vaghina, wawayina kani raboboi.”

Genesis 3:3

Ma ivonatanikai da vao basunai kii sago kava na ‘amena’ ke kana kani bo kiina ke kana votovoni. Kana berai na kana rabobo.”

Genesis 31:24

Nani maranai, God inekiibau Leiban kurina, ina matu kamonai ivonei bo, “Kawam kekoyagha bubuni, ke avi sisiyina berona kuna karatawei da Jeikap kuni yabuyabumani.”

Genesis 31:7

Ma kegha, ami mamai ivivi beroberoweku da aku miiya na mara imaruwa nakanani iviravirai. Ma God ke iti vaghinei da ku tepana ita kiiviberoku.

Genesis 35:5

Idogo ikovi na ina wawaya yavata ikiibau da inae. Ma meyagai kudubisi nani dobuna kamonai wawaya ivivi makiiyana na yabumana ikunisi da ke ita verukivinisi ma ke ita kayaya kurisi.

Genesis 39:9

Weni numana kamonai na taku kava aku rewapana emakamakai da ani bada, ke sago iyai. Ma ke sago aviyavisina sago iti tarapaparanei da tam kava. Ikikava da taku weni berana inimayamayana ana berai? Tuna na berabero God kurina.”

Matiu 27:19

Ma Pailat vitupavira gawarinai imakamakai na kawana sisiya ivonatawei kurina. “Nani wawayina kevoterei. Ke aviyavisina sago kuna berai kurina. Tuna ina berabero kegha. Taku didibarai wawayina avi matuwei na ayabumana kirakai.”

1 Korint 7:1

Ma wekarakava na aviyavisina kovi tarakiiyanei ami giruma kamonai na ani sisiyei. Vonavaghata, ibiibai da tomowa ke meyani wavine yavata ini pekana.

2 Korint 6:17

Tuna kubiine Bada ivona bo, “Iyavo kava ke iti tumaghana na kokiibutawesi da bogiiyai kona makai. Sawara ma wawaya puyapuyakisi ke kona votovoni na ani vaghinei da tami na aku wawaya.”

2 Tesalonika 2:11

Ibara kubiine, God ina berisi da vibero ini tumaghana kamokamowi.

2 Tesalonika 2:7

Ma berabero ina rewapana gavugavuna namada idagudagu da wawaya peyarisi God ina kayowana ikiigiiyei. Ma God ina wawaya sago emakamakai ma tuna nani rewapanina berona emiimiiripotei, ina nenae da God ina vona na wawayina ina miiritawei.