Genesis 17:1 - God Vonana Vovokaravina

¹ Abram kana madegha 99 na Bada inekiibau kurina ma ivona bo, “Taku na ‘El Sadai,’ God Rewapana Kirakiiku. Kevotekatekeku ma kevi wawaya bubuna da am yawasa na maninina kavakava.

Genesis 17:1 ပူးပေါင်းရင်းမြစ်များ

Genesis 12:1

Bada ivi sisiya, Abram kurina ivona bo, “Am dobu kekuyowei, am dam ma am mamai ina rakaraka kekuyowesi ma kenae da ku dobu sago ani beyem nake.

Genesis 12:7

Ma nani dobunai Bada inekiibau Abram kurina ma ivonei bo, “Weni dobuna na tupurereghim ana veresi.” Tuna kubiine Abram wakima ivi daburi da suwara kana kema iyamoni ma nani dobunai Bada ivokavakavari.

Genesis 16:16

Natuna itupuwa na Abram kana madegha 86.

Genesis 18:1

Mara sago Bada inekiibume Abraham kurina. Abraham ina yobe na Mamre ina kii ghamaghamasi ririnai ma imuyamuya kirakai da tuna na ina yobe maghinonai imakamakai. Madegha punai na

Genesis 18:14

Bada kurina bera kudubina itekateka kirakai. Ikikava avonemi na ina tupuwa. Murina madeghinai ana vovirame. Muriyai da ana pisi na kawam ini tuwa da tomowa.”

Genesis 24:40

Ma ivoneku bo, ‘Bada mara nonowa gwabikuwai na tuna ina aneya ina vonatawei ini vitem da wiwike kuna panani. Aitumaghana da kuna nae na wavine sago aku rakaraka kamosiyai kuna rutini da natuku ini kawanei.

Genesis 26:2

Bada inekiibau Aisiki kurina da ivonei bo, “Ke kunoru ku Egypt, avonavonem da weni dobunai kemakai.

Genesis 28:3

Ainowi God Rewapana Kirakiina kurina da ini biibiinim ma ina berai da natunatum ina peyari ma am koroto ina rakata da dam sago ina tupuwa.

Genesis 35:11

Ma God ivona bo, “Taku na ‘God Rewapana Kirakiina’. Ma kevi tuwa kirakai da tupurereghim ina peyari da dam ma dam ma kiikiivavo na tami kamomiyai ina kiibau.

Genesis 43:14

Ma ‘God Rewapana Kirakiina’ kurina ainowi da ina berai da tomowina ini kamyuyuwemi ma ini vaghinei da varesimi sago ma Benjamin yavata kona vovirame. Ma ke ini vaghinei ma natunatuku ivi ruwa ani wapisi na vaghina, nuwapoya kamonai ana makai.”

Genesis 46:3

Ma God ivona bo, “Taku na God, am mamai ina God. Ke kuna yabumana da kunoru ku Egypt, iyamna nani dobunai ana berim da tupurereghim ina rakata da dam ghamana ina tupuwa.

Genesis 48:15

Ma Josepa na ke iti nuwabiibai, ikitai da ina mamai katagheyana Eperaim ku gayamina tepana iterei. Tuna kubiine ina mamai imana ivotani ma ina kayowana da Eperaim gayaminai ita votawei da Manase ku gayamina ita terei. Ma Josepa ina mamai ivonei bo, “Kegha mamai, ke nakanani, weni tuna na iyarokona katagheyam ku gayamina keterei.” Ma kegha, ina mamai ke iti vaghinei ma ivona bo, “Akovi, natuku, akovi. Ma tuna bade tupurereghina ina rakata kirakai. Ma kegha da tina kikei ina rewapana ina rakata kirakai ke iyarokona nakanani. Ma tupurereghina ina rakata da kamosiyai dam ma dam ina tupuwa.” Nani murinai na Josepa natunatuna yavata ivi biibiinisi ivona bo, “Ainowi da God ini biibiinimi. Aku doboro Abraham da aku mamai Aisiki na God ivokavakavari ma i yawasa kamonai ivotekatekei. Ma bade God na taku kaku koyakoyagha, aku yawasa karenai da weni ku marana ivi noweku. Ma ina aneya ivivi tarapaparaneku da berona ke ata panana tovoni. Ainowi da weni ededisi ini biibiinisi! Ainowi da ti na kaku vava ma Abraham da Aisiki kii vava ina voviteteyanei. Ma ainowi da dobuwai i koroto ina rakata kirakai.”

Genesis 48:3

Ma natuna Josepa kurina ivona bo, “Mara sago God Rewapana Kirakiina irumatara kuriku Lus kwanatunai, tuna na Keinan dobuna kamonai. Ivi biibiiniku

Genesis 5:22

Nani murinai Inoka, God yavata ivi nuwasago da yavata ibababa. Ma madegha 300 imakai ma kamonai na natunatuna viya tomotomowisi ma wivinesi itupuwa.

Genesis 5:24

God yavata ivi nuwasago, tuna kubiine ke ita rabobo ma God iviitawei.

Genesis 6:9

Weni tuna na Nowa ina varagutugutu. Tuna ina mariyai wawaya kudubisi na beroberosi. Ma Nowa ina kina kava na tomowa maninina. Ma ina yawasa kamonai God yavata ivivi nuwasago ma yavata ibababa.

Matiu 19:26

Ma Yesu ikitakunukunusi ma ivonesi bo, “Aviyavisina ipiropiro kirakai da wawaya ke kovokovoghina ita berai na God kurina na itekateka kirakai.”

Matiu 5:48

Ma tami na kovi wawaya kiimatana da ami Mamai kunumai nakanani.”

Luk 1:6

Ma ivi ruwa God yavata ivi nuwasago ma ina vonaviyoyovana kudubina inununura bubuni.

Apasol 23:1

Pol Sanhidran babadisi ikita bogiisi ma ivonesi bo, “Varevaresiku, mara nonowa aku yawasa God ku matana na maninina kavakava da nuwanuwaku yagharina.”

Apasol 24:16

Tuna kubiine na mara nonowa God ma wawaya matasiyai aberabera tovoni da aku yawasa maninina da nuwanuwaku yagharinai ata makai.”

Epesas 3:20

God ina rewapana kamotiyai ebigabiga da aviyavisina kudubina kata notai bo kati nowi da ita berai kubiita na God ruvaruvana. Ma ke tuna kava, ina bera ine kirakai da ita nota ighekuyowei.

Pilipai 4:13

Keriso ina rewapana ivereku da bera kudubina ana bera bubuni.

Hibru 12:28

Tota na vikiivavona makamakii nonowina ku kamona tarui, tuna kubiine na God tikiikiiwei ma ere yabuyabumanita tavopepeta ma tavokavakavara bubuni da ini nuwabiibiiyei,

Hibru 7:25

Tuna kubiine, iyavo kava Yesu ina keta ina kivini da God kurina ina neriya na Yesu kovokovoghina da ini yawasa tuwanonowisi. Yesu na makamakii nonowina da tuna mara nonowa ini nowi God kurina vitumaghana damsi kubiisi.