Genesis 15:2 - God Vonana Vovokaravina

² Ma Abram ivonapotei bo, “O Bada, bera kudubina na tam kibadei. Miiya ghamana kuta vereku na iyamna kegha. Taku na gagariku, natuku kegha. Tuna kubiine ana rabobo na aku bigabiga tomowina mura kudubina rapekuwai ina viiya. Tuna na Damaskas tomowa Eliyesa.”

Genesis 15:2 ပူးပေါင်းရင်းမြစ်များ

Genesis 14:15

Ma Abram ina ghaviya wawayisi ivorereghisi da koroto bogii ma bogiiyai ma didibara rogunai iravisi da ighegavovorisi. Ma ikwavinisi da ku Hoba, Damaskas kwanatuna ku nevanevana.

Genesis 15:1

Nani murinai Abram, Bada mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”

Genesis 15:3

Ma bade ivona meyei, “Kevi yana. Kesago natuku sago kuta vereku, tuna kubiine bigabiga wawayina aku mura ina viiya da ina buderi.”

Genesis 24:10

Bigabiga tomowina inae da Abraham ina kamel ivi 10 irutinapiyesi ma mura ghamana, sawara bogii ma bogiiyai ku tepasi ivi tawanepeyana. Ma ivomiiri inae ku Aram Nayaraim dobuna. Ibaba inenae da Nayo ina ku kwanatu inekiibau.

Genesis 24:2

Mara sago ina bigabiga tomowina ikwatui ipisi kurina, tuna tomowina na Abraham ina bera peyarina ivivi gayamei. Ma ivonei bo, “Imam ku tepaku keterei kevi matakira da aku kayowana kuna berai.

Genesis 25:21

Ma Rebeka na gagarina. Tuna kubiine Aisiki inipowana Bada kurina da iti tuwa ma ina nipowana ivi yanei. Vaghina ma, Rebeka iropeya.

Genesis 39:9

Weni numana kamonai na taku kava aku rewapana emakamakai da ani bada, ke sago iyai. Ma ke sago aviyavisina sago iti tarapaparanei da tam kava. Ikikava da taku weni berana inimayamayana ana berai? Tuna na berabero God kurina.”

Genesis 43:19

Varevaresina inekiibau da Josepa ina numa matuketinai na ivi sisiya bigabiga wawayina kurina.

Genesis 44:1

Josepa ina bigabiga wawayina ivonei bo, “Witi kiuwana kirakai nani tomotomowisi i ku kutu da ina kavara ma i kutu tepasiyai na sagosago duma i mane kiuwaname.

Apasol 7:5

Ma God ke sago tano ita verei da iti rapenei. Ke gisi vaghina ita vere tovoni. Ma nani maranai Abraham natuna kegha ma God vonakiiyapa bagibagina iterei da mara sago tupurereghina yavata weni dobuna kudubina iti rapenei.