Genesis 14:7 - God Vonana Vovokaravina

⁷ Ma ivovovira da keta borinai inae ku En Misipati (Karako dobuna kana vava Kades). Ma Amaleki damsi nani dobunai ighegavovorisi da i dobu kudubina ivi badei. Ma bade Amon damsi ighegavovorisi, ti na Hasason Tama dobunai.

Genesis 14:7 ပူးပေါင်းရင်းမြစ်များ

Genesis 16:14

Tuna kubiine wawaya nani dogona ivi vavei Be Layai Roi, iyamna “God yawayawana ekitakitiku na tuna ina dogo.” Ma dogona na patana da Kades ma Beredi basusiyai emakamakai.

Genesis 20:1

Abraham, Mamre dobuna ikuyowei ma inae ku warere kana vava Negev da kwanatu kii vava Kades da Sura na basunai imakai. Ma bade mara gisina Gera kwanatunai imakamakai,

Genesis 36:12

Ma bade bigabiga wavinena sago ivi kawanei, kana vava Timna, ma tuna ivi tuwa da natuna tomowina na Amaleki. Weni damsi na Iso kawana Ada tuputupuna.

Genesis 36:16

Kora, Gatam ma Amaleki. Weni tomotomowisi na Edom dobunai ivivi makiiyana. Peyarisi na Eripas tupurereghina, Ada tuputupuna.