Genesis 12:6 - God Vonana Vovokaravina

⁶ Abram ina wawaya yavata Keinan dobuna kamonai ibaba inae da ku Sekem kwanatuna. (Tuna maranai na Keinan damsi patana da ivivi makiiyana.) Ma Sekem ririnai na kii sago ghamana imiimiiri ivi matakira da gawara vovokaravina, kana vava More.

Genesis 12:6 ပူးပေါင်းရင်းမြစ်များ

Genesis 10:15

Keinan natuna iyarokona na Saidon, tuna na Saidon damsi i kaekiki.

Genesis 13:7

Ke mara gurina na Abram ina ghamoghamo kii koyakoyagha ma Lot ina ghamoghamo kii koyakoyagha vikawapata ivi karei. Ma bade Keinan damsi ma Perusa damsi i ghamoghamo yavata patana da ivivi makiiyana nani dobunai.

Genesis 33:18

Ma vaghina, nakanani itupuwa da Jeikap mau Padan Aram ikiibutawei da inae ku Sekem kwanatuna Keinan dobuna kamonai. Ma i baba kamonai na biibiina kavakava. Kwanatu ririnai ina taki iyamoni ma i yobe itina da imakai.

Genesis 34:2

Ma Hivi tomowa sago wiwikena ikitai, tomowina kana vava Sekem, tuna na Hamo natuna ma Hamo na nani dobuna paratina kana kiivavo. Vaghina ma, Daina ikitai na ivotani ma ikenei.

Genesis 34:30

Nani murinai Jeikap natunatuna Simiyon da Livai ivonesi bo, “Tami ku nuwapoya kotereku, karako Keinan damsi da Peres damsi ma nani dobuna makamakiisi kudubisi ini kawapateku. Taku aku iyo wawayisi ke ita peyari ma mikeda nani damsi ina tarakapu ma ina kayaya kuriku na ita rakaraka kudubina ina kiipupunatawei.”

Genesis 35:4

Ma vaghina peyarisi i kokoitau iviiya da iverei ma kii tinayodi ivivi kote na ivi votaweyana da bade iverei. Jeikap kudubina iyuna ma inae da Sekem kwanatuna baranai ‘oak’ kiina kunukununai idogo.

Jon 4:5

da ku kwanatu sago inekiibau, kana vava Saika. Nani kwanatuna ririnai na mara katamaninai Jeikap, natuna Josepa dowa iverei. Ma nani dobunai Jeikap kana okowa iyabai.

Apasol 7:16

Ma tupuwisi ikavara ivovira ku Sekem dobuna ma kii karawagai itura. Nani dowana Josepa ina nosi Abraham, Hamo natunatuna gwabisiyai igimari da kii karawaga.”

Hibru 11:9

Ma ina vitumaghana kubiine nani dobunai imakamakai da nakanani ma dobu viruwa wawayina. Ma kegha da ivi tumaghana da ikikava God vonakiiyapa bagibagina iterei na nakanani ina berai. Ikikava yobe kamonai imakamakai na nakanani bade natuna Aisiki ma tupuna Jeikap imakai. Ma God nani vonakiiyapina Abraham kurina iberai na ivi damani Aisiki da Jeikap kurisi.