Genesis 12:11 - God Vonana Vovokaravina

¹¹ Ma muriyai da parata ita damani ku Egypt ita rui na kawana ivonei bo, “Kuvi karawata kirakai.

Genesis 12:11 ပူးပေါင်းရင်းမြစ်များ

Genesis 12:14

Vaghina ma, Abram ina wawaya yavata ku Egypt inekiibau. Ma Egypt damsi Serai ikitai da ivi karawata kirakai.

Genesis 20:13

Rorova kava God ivonataweku da aku mamai ina rakaraka ma ina dobu kakiibutawei ma dobu viruwa kamosiyai kabababa. Baba kavi karei na wavinena avonei bo, ‘Weni nakanani kuni debe meyem da am nuwaviina irakata kuriku, dobu nununai tarurui na wawaya kevonesi da tam na novuku.’ ”

Genesis 20:2

na nani dobuna damsi ivonesi da kawana Sera na novuna. Tuna kubiine, Gera kana kiivavo Abimaleki wawaya ivonatawesi da Sera irutinapiyei kurina.

Genesis 24:16

Wavinena ivi karawata kirakai, tuna wiwike gubugubu, ke meyani tomowa damina ita viiya. Ioru ku dogo da ina kibubuwai okowa ivui ma ighae.

Genesis 26:7

Ma nani dobuna tomotomowisi ipisi kawana Rebeka kubiine ivi tarakiiyanei. Kawana ivi karawata kirakai ma Aisiki iyabumana, inotai da ita vona bo, “Tuna kawaku,” na tomotomowisi ita kiivunui ma kawana ita rutini. Tuna kubiine ivi bero, ivona bo, “Tuna novuku.”

Genesis 29:17

Liya tuna na matanenenerina ma ke iti karawata kirakai. Ma Risera tuna tupuwina ghamana ma ivi karawata kirakai.

Genesis 6:2

Ma God natunatuna tomotomowa ikita da wawaya natunatusi wivinesi na karakarawatisi ma i kayowanai irutinisi da iravaghisi.