Genesis 1:26 - God Vonana Vovokaravina

²⁶ Muriyai ivona bo, “Wawaya tayamonisi da maghimaghighita. Ti na dobu kudubina ini badei. Iyana yegiyai ma kiu kiidamowai ma bade ghamoghamo manamisi ma dowatetetesi ma ghamoghamo dipa na kudubina dobuwai ini badesi.”

Genesis 1:26 ပူးပေါင်းရင်းမြစ်များ

Genesis 11:7

Toru da weni wawayisi i gamo tavirai da ke kovokovoghina ini akovavivirana.”

Genesis 2:19

Bada God namada dowa iviini da ghamoghamo ma kiu peyarina ivopasipasisi. Ma ineyesi tomowina kurina da ita kitai ikikava iti vavesi. Ivi vaghinei da tomowina ina kayowanai sago sago duma kii vava iveresi.

Genesis 3:22

Nani murinai Bada God ivona bo, “Karako nani wawayisi ivi ruwa na tota nakanani, biibiina ma berona iakovi. Ma ke vaghina da ita vororona da Yawasa Kiina amena ita viiya. Amena ita kani na yawasa makamakii nonowina ita veresi.”

Genesis 5:1

Weni girumina na Adam, tupurereghina yavata ikikava ivi tuwa ma kii vava itura. Karenai na God wawaya iyamonisi da tuna mani maghimaghighina.

Genesis 9:6

‘Wawaya ayamonisi da taku mani maghimaghighiku. Tuna kubiine meni wawayina kwinana ina kiivunui na tuna bade tarana ina sororo, wawaya kana kovogha ina verei da ini raboboi.’

Jon 14:23

Ma Yesu ivonapotei bo, “Wawaya iyai aku vibeyebeyena iyanei ma evovotekatekei, tuna wawayina nuwanuwaku iviiya. Ma aku Mamai wawayina nuwanuwana ina viiya. Ma taku aku Mamai yavata kana nae kurina da gwabinai kana makii patapata.

Jon 5:17

Ma Yesu ivonesi bo, “Aku Mamai mara nonowa ebigabiga, tuna kubiine taku bade nakanani ana biga.”

Apasol 17:20

Bera viya kuvi sisiyei na kaveyaveyiyei ma kakayokayowei da akovina kata vii bubuni.”

Apasol 17:26

Karevaghinai tomowa sago kava iyamoni ma nani tomowinai na wawaya itupuwa da dam bogii ma bogiiyai ma dobu kudubina imakii yavui. Tuna ina kina kava wawaya kii mara iterei ma bade i parata iterei da meni dobunai kava iti makiiyana.

1 Korint 11:7

Ma tomowa gayamina na ke ina kwarewi, iyamna tuna God iyamoni da maghimaghighina ma kana kadara kamonai. Ma wavine tuna kawana kana kadara kamonai,

2 Korint 3:18

Tota na maghighita kana terepapara kegha, tuna kubiine wawaya Bada kana kadara gwabitiyai ina kitai. Nani kadarina Bada Kanumina gwabinai epipisi na ita yawasa kudubina eviravirai da tuna maghimaghighina, ma kana kadara gwabitiyai erakarakata kamokamowa.

2 Korint 4:4

Nani wawayisi Keriso varana biibiina ke ita vivitumaghanei iyamna Seitan, tuna weni dobuna ina bada berona, imiiripaparisi da ke kovokovoghina da varana ina yasegana ita kitai. Ma Keriso na God maghimaghighina.

Epesas 4:24

Ma yawasa vuna koni karei, tuna yawasina na God maghimaghighina ma ini debei da tuna na yawasa vaghata, maninina ma vovokaravina.

Kolosei 1:15

Keriso na God maghimaghighina. Ke kovokovoghina da God takitai ma kegha da wawaya Keriso ikitai ma tuna ivi debei kurita da God na ikikava. Keriso na iyarokona ma bera kudubina ibadei, iyamna tuna namada imakamakai ma muriyai da God bera kudubina iyamoni.

Kolosei 3:10

God iyamonimi ma bade gwabinai yawasa vuna koviiviiya, mara nonowa ivunimi da tami na tuna maghimaghighina. Nakanani eberaberai da tuna akovina kona vii bubuni da konakova kiimatani.

Jemes 3:7

Tota wawaya na ghamoghamo bogii ma bogiiyai takiikiivimanamanamisi, kiu ma iyana ma dowa tetetesi yavata.

Jemes 3:9

Nani pepanai tikiikiiwa Bada ita Mamai kurina ma bade nani pepanai wawaya timimagisi ma takiikiiviberosi, ma kegha da God wawayisi iyamonisi da tuna maghimaghighina.

1 Jon 5:7

Bera ivi aroba imamatareta,