Genesis 1:24 - God Vonana Vovokaravina

²⁴ Muriyai ivona bo, “Dobu, gwabimuwai ghamoghamo etupuwa, ghamoghamo manamisi ma dowatetetesi ma ghamoghamo dipa. Bogii ma bogiiyai iti tuwa da natunatusi na ti mani maghimaghighisi.” Ma nakanani itupuwa.

Genesis 1:24 ပူးပေါင်းရင်းမြစ်များ

Genesis 1:23

Ravi ipika, ididibari ma mara itom. Weni tuna na mara kana vimiikovi.

Genesis 2:19

Bada God namada dowa iviini da ghamoghamo ma kiu peyarina ivopasipasisi. Ma ineyesi tomowina kurina da ita kitai ikikava iti vavesi. Ivi vaghinei da tomowina ina kayowanai sago sago duma kii vava iveresi.

Genesis 6:20

Nani kamonai kiu bogii ma bogiiyai, ruwa ruwi duma, ere kakawasi ma ghamoghamo dipa ere kakawasi ma bade dowatetetesi ere kakawasi na kudubina ina pisi kurim. Ma kerutinisi ku waka kona rui da ke ina rukwa.

Genesis 7:14

Ma bade ghamoghamo manamisi ma siya dipa, ghamaghamasi ma gisigisisi, rovorovosi ma dowatetetesi, kiu bogii ma bogiiyai na peyarina ere kakawasi namada irui.

Genesis 8:19

Ma bade ghamoghamo manamisi, siya dipa, dowatetetesi ma kiu na peyarina ere kii nevaneva waka ikiibutawei.