Genesis 1:21 - God Vonana Vovokaravina

²¹ Vaghina ma yegai ghamoghamosi ma bade iyana bogii ma bogiiyai iyamonisi da yawayawasi ma bababasi. Ma kiu ere mapemapesi iyamonisi da bogii ma bogiiyai. Ma ikitai da biibiina.

Genesis 1:21 ပူးပေါင်းရင်းမြစ်များ

Genesis 1:18

da didibara ma mara iti badei, ma yasegana da nubakutuva iti bogebogesi. Ma ikitai da biibiina.

Genesis 1:20

Muriyai ivona bo, “Yegai, gwabimuwai iyana etupuwa da ina peyari kirakai. Ma bade kiu kotupuwa da kiidamowai kona rovo.”

Genesis 1:22

Ma ivi biibiinisi ma ivona bo, “Kovi tuwa kirakai da kona peyari. Iyana, yegai da okowa kovi tupoi. Kiu, kovi tuwa da kona peyari dobuwai.”

Genesis 1:25

Nani ghamoghamosi kudubina iteresi da iti tuwa da natunatusi na ti mani maghimaghighisi. Ma ikitai da biibiina.

Genesis 1:31

God bera kudubina iyamoni ikovi na ikitai da ibiibii kirakai. Ravi ipika, ididibari ma mara itom. Weni tuna na mara kana vimiikovimasago.

Genesis 2:19

Bada God namada dowa iviini da ghamoghamo ma kiu peyarina ivopasipasisi. Ma ineyesi tomowina kurina da ita kitai ikikava iti vavesi. Ivi vaghinei da tomowina ina kayowanai sago sago duma kii vava iveresi.

Genesis 6:20

Nani kamonai kiu bogii ma bogiiyai, ruwa ruwi duma, ere kakawasi ma ghamoghamo dipa ere kakawasi ma bade dowatetetesi ere kakawasi na kudubina ina pisi kurim. Ma kerutinisi ku waka kona rui da ke ina rukwa.

Genesis 7:14

Ma bade ghamoghamo manamisi ma siya dipa, ghamaghamasi ma gisigisisi, rovorovosi ma dowatetetesi, kiu bogii ma bogiiyai na peyarina ere kakawasi namada irui.

Genesis 8:17

Ma bade ghamoghamo waka kamonai, kiu, ghamoghamo manamisi, siya dipa ma dowatetetesi na peyarina kerutinakiibuwesi. Ina kiibau da ini tuwa ma ina peyari kirakai dobuwai.”

Genesis 8:19

Ma bade ghamoghamo manamisi, siya dipa, dowatetetesi ma kiu na peyarina ere kii nevaneva waka ikiibutawei.

Genesis 9:2

Ma ghamoghamo dipiyai, kiu kiidamowai, dowatetetesi ma iyana yegiyai na kudubisi ina yabuyabumanemi ma ami rewapana gaburinai ina makamakai.

Genesis 9:7

Ma vaghina, tami na kovi tuwa kirakai da kona peyari da rakarakami dobu ina makii yavui.”

Matiu 12:40

Ikikava Jona mara aroba ma didibara aroba iyana ghamanakina kamokamona kamonai imakai, nakanani ina tupuwa Wawaya Natusi kurina da mara aroba ma didibara aroba tano kamonai ina kena.