Epesas 6:9 - God Vonana Vovokaravina

⁹ Tami babada, ami sleiv wawayisi kokoyagha bubunisi, ke kona vonaviyabuyabumanisi. Konotai da tami ma ami sleiv wawayisi na ami Bada sago kava kunumai. Tuna na ke wawaya sago ku murina ina miiri ma sago na kegha.

Epesas 6:9 ပူးပေါင်းရင်းမြစ်များ

Matiu 22:10

Vaghina ma, ina bigabiga ikiibau ku keta da wawaya wapawapa irutinisi, biibiisi ma beroberosi yavata irui da kam gawarina ivi tupoi.”

Matiu 22:8

Muriyai ina bigabiga ikwatusi ma ivonesi bo, ‘Tavine kamna avovunaghi ikovi. Ma wawayisi akayokayowesi na ke wawaya kiimatanisi da yavata kata kam, tuna kubiine abaresi.

Matiu 24:48

Ma mikeda bigabiga tomowina na wawaya berona na ina vona bo, ‘Aku bada ina numataya iguri.’

Matiu 24:51

Ma numa badana bigabiga berona ini tarabedibediyanei ma ina tawanakiibuwei da miiriruwaruwasi yavata ina vivitutuwana ma okesi ina vivitarakikitei.”

Matiu 7:12

“Ikikava kekayokayowei da wawaya ina berai kurim na nakanani keberai kurisi. Weni sisiyina na Moses ina vonaviyoyovana ma peroperoveta i giruma kudubina ivi kiisagoi da iyamna ivi debei.”

Luk 6:31

Ikikava kekayokayowei da wawaya ina berai kurim na nakanani keberai kurisi.”

Jon 13:13

Tami kovonavoneku da taku na ami Bada ma ami vibeyebeyena wawayiku. Ma kovona bubuna, taku na nakanani.

Apasol 10:34

Ma Pita sisiya ivi karei, “Wekarakava akovina aviiya da God ku matana wawaya peyarita na sago.

Rome 2:11

iyamna God ina vitupavira maranai na ke sago iyai ku murina ina miiri. Peyarita na sago.

1 Korint 1:2

Tami vitumaghana wawayimi kurimi Korint kwanatuna kamonai. God ivovinemi da tami ina wawaya vovokaravimi na Yesu Keriso yavata kovi nuwasago. Ma wawaya dobu nununai Yesu Keriso evovokavakavari na ti yavata kurisi kagirugiruma. Keriso na kudubita ita Bada.

1 Korint 7:22

Mikeda tam na sleiv maranai Bada ikwatum na kenota bubuna da karako Bada ivotawem da berabero ina rewapana kukiibutawei da ke ini badem. Bo mikeda tam na vovotawem, ke sleiv, maranai Bada ikwatum na kenota bubuna da karako na kuvi sleiv, iyamna Keriso ibadem.

Kolosei 3:25

Ma iyi tam berabero kuna berai na kovogha kuna viiya, iyamna God kudubita ini tupavireta ma nani kamonai ke ina kitai da tam wawaya avatetem bo tam wawayota, peyarita na sago.

Kolosei 4:1

Tami babada, ami sleiv na nota manininai koni badesi ma kona koyagha bubunisi. Konota bogai da tami bade ami Bada kunumai emakamakai.

Jemes 2:13

Tam iyai wawaya ke kuta vivikamyuyuwesi na God ina vitupavira maranai na ke ini kamyuyuwem. Tam iyai wawaya kuvivi kamyuyuwesi na vitupavira ke kuna yabumanei.

Jemes 2:8

Ma God vonana kamonai Bada ina sisiya bagibagina iterei na weni, “Ikikava tam mani kinuwaviina meyem na bade nakanani kwinam nuwanuwana keviiya.” Tuna kona nununura kiimatani na kona berabera bubuni.

Jemes 5:4

Kovi yana! Iyavo kava ami biga eberaberai ma ke koti miiyesi na evonavona dimadima. Nani touna namada ighae da Bada Rewapana Kirakiina ivi yanei.