Epesas 5:20 - God Vonana Vovokaravina

²⁰ Bada Yesu Keriso avanai mara nonowa ita Mamai God tikiikiiwei bera kudubina kubiine.

Epesas 5:20 ပူးပေါင်းရင်းမြစ်များ

Jon 15:16

Ma ke tami kota vineku, taku tami avinemi da kona kiibau ma koname da amemi ina makii nonowa. Nani maranai aviyavisina kona kayokayowei na avakuwai aku Mamai kurina koni nowi na ina veremi.

Apasol 5:41

Apasol Sanhidran dughuna ikiibutawei ma ivi nuwabiibai, iyamna God ivinesi da Yesu kana vava kubiine ita vokwarakwara.

Rome 1:8

Kunona ata vonemi da Yesu Keriso avanai aku God aikiikiiwei kubiimi, iyamna namada dobu ku kudubina wawaya ami vitumaghana varana iyanei.

1 Korint 1:4

Mara nonowa tami kubiimi aku God aikiikiiwei, iyamna ina agabiibai kurimi irakata kirakai Yesu Keriso notanai.

1 Korint 15:24

Nani murinai na mara damona ina nekiibau na Keriso ina vomiiri da kiikiivavo, kanuma beroberosi i babada rewapanisi yavata kudubisi ina ghegavovorisi. Ma murinai ina vikiivavona ini damani ina Mamai God kurina,

Epesas 5:4

Ma bade vivarabero, sisiya dowadowasi bo tomowa da wavine tupuwisi vonaviiviiyakesi na ke ita biibai. Ma mara nonowa ami sisiya kamonai na God koni kiikiiwei.

Pilipai 1:3

Mara nonowa aku God aikiikiiwei maranai anotanotimi.

Pilipai 4:6

Ke sago aviyavisina koni nuwapoyei. Bera peyarina kubiine na konipowana, kovi nowi ma kovi kiikiiwa ma ami kayowana kudubina God kurina kona terei.

Kolosei 3:17

Ma aviyavisina kudubina kona beraberai bo kona vivisisiyei na Bada Yesu avanai koberai ma tuna tepanai Mamai God koni kiikiiwei.

1 Tesalonika 3:9

Tuna kubiine akii vikiikiiwa God kurina irakata kirakai. Kanotanotimi ma kainuwabiibiiyemi God matanai.

1 Tesalonika 5:18

Mara biibiina bo mara berona ma kegha da patana God kovi kiikiiwei. God ina kayowana da tami iyavo kava Yesu Keriso yavata kovi nuwasago na weni nakanani kota makai.

2 Tesalonika 1:3

Varevaresikai, ibiibai da mara nonowa God kani kiikiiwei kubiimi, iyamna ami vitumaghana erakarakata kirakai, ma bade tami sago sago duma ami nuwaviina erakarakata da kamomiyai koinuwaviinavivirana.

2 Tesalonika 2:13

Varevaresikai, Bada inuwaviina kirakiiyemi, ma ibiibai da mara nonowa God kati kiikiiwei kubiimi. Ivinemi da koti nao, yawasa makamakii nonowina damina kota viiya. God ivi yawasimi iyamna vonavaghata kovi tumaghanei ma Kanuma Vovokaravina ami yawasa kamonai idagudagu ma ivinetawemi da wawaya maninimi ma vovokaravimi.

Hibru 13:15

Tuna kubiine Yesu tepanai mara nonowa God tighegheni, tuna na ita verena. Mara nonowa kawatiyai kana vava tavokavakavari, tuna na ita suwara.

1 Pita 2:5

iyamna tami bade na wakima yawayawami. Ma God iviinimi da Kanumina ina taparoro numana evowavowai. Ma numana kamonai na tami nakanani ma taparoro babadimi. Tami na vovokaravimi ma ami biga da kanuma ina ku nevaneva God kurina ami vokavakavara kona verena. Ma Yesu Keriso avanai God ami suwara ini nuwabiibiyei.

1 Pita 4:11

Ma tam God ivinem da vonana kuna dimei, bo? Vaghina, kedima. Ma God ina kayowanai kava kevi sisiya. God ivinem da wawaya kuni vitesi ma kubiisi kuna biga, bo? Vaghina, kevi vitesi. Ma rewapana God gwabinai kuviiya na tuna tepanai kebiga kirakai. Nakanani kona berai na Yesu Keriso avanai wawaya i vigheghena ghamana God kurina ina ghae. Tuna rewapana ma kadara kudubina rapenai, karako ma mara nonowa. Amen.