Epesas 5:14 - God Vonana Vovokaravina

¹⁴ iyamna yasegana gwabimiyai ekarakarata na bera peyarina idebei da matatiyai takitakitai. Tuna kubiine tavonavona bo, “Kenanunuwapim, kerumataka! Rabobowai kevomiiri, ma Keriso ku yasegana ina terem.”

Epesas 5:14 ပူးပေါင်းရင်းမြစ်များ

Luk 1:78

Ita God nuwanuwana nubana, tuna kubiine ivi kamyuyuweta. Karako mara itom, iyamna ina yasegana kunumai ioru kurita,

Luk 15:24

iyamna natuku na irabobo ma iyawasa, tuna iwapa ma ivovira.’ Ma vaghina, kamporagha ivi karei.”

Jon 8:12

Yesu ivi karei da koroto kurisi ivi sisiya na ivonesi bo, “Taku na dobu kana yasegana. Wawaya ina kiviniku na ke meyani nubakutuvai ina baba, ma nani yaseganinai na yawasa vaghata ina panani.”

Jon 9:5

Wekarakava taku dobuwai amakamakai na taku na dobu kana yasegana.”

Apasol 13:47

Ma Bada sisiya bagibagina ivonekai na weni, ‘Avinem da tam na yasegana kupuna damsi kubiisi, tam tepamuwai na dam ma dam dobu kudubinai yawasa makamakii nonowina ina panani.’ ”

Rome 6:13

Ke koni vaghinei da berabero tupuwimi ini badei da bera beroberosi ina beraberai. Ma ami yawasa kudubina God koverei, iyamna tuna iberimi da rabobowai kovomiiri ma yawasa vuna iveremi. Tupuwimi kudubinai bera maninisi kava kona beraberai ami yawasa kamonai.

1 Korint 15:34

Konota kiimatana, kovovira ku keta maninina ma bera beroberosi kovoterei. Avonavonemi, kotinimaya, iyamna tami viya na God ke kotakovi.

2 Korint 4:6

God ivona bo, “Yasegana nubakutuva kamonai ina ruyaghari.” Ma bade iberai da ina yasegana nuwanuwata kamonai ina ruyasegana. Ma Yesu maghighina ina yasegana takitakitai na God kana kadara akovina taviiviini.

Epesas 2:1

Rorova ami berabero ma kawakiikai kubiine, kanumimi na raborabobosi.

Epesas 2:5

Ita berabero kubiine kanumita na raborabobosi ma nani kamonai God iberai da Keriso yavata tayawasa. God ina agabiibiiyai ivi yawasimi.

Kolosei 3:1

Ikikava Keriso rabobowai ivomiiri na tami bade nakanani da Keriso yavata koyawasa patapata. Tuna kubiine aviyavisina kunumai na tuna kona notai da nuwakamomiyai ina makamakai, nani gawarinai na Keriso emakamakai, God katagheyanai.

1 Tesalonika 5:6

Iyavo kava ke iti tumaghana na ekayokayobara ma ekenakena. Ma tota na ke nakanani taberai, matata ini kiivirevire ma tipotepote meyeta.

2 Timoti 1:10

Ma nani agabiibiina ivi debei maranai kata Viviyawa Yesu Keriso inekiibau. Yesu rabobo ina rewapana ivi kovi tuwanonowi ma varana biibiinai yawasa makamakii nonowina ivi debei.

2 Timoti 2:26

Nota ina viiya da Devil ina ku poko ikona da ivovotekatekei na pokona ina kiibutawei.