Epesas 5:10 - God Vonana Vovokaravina

¹⁰ Ma kovi paparana da aviyavisina Bada ekayokayowei ma inuwabiibiiyei na akovina kona viiya.

Epesas 5:10 ပူးပေါင်းရင်းမြစ်များ

Rome 14:18

Tuna kubiine iyavo kava Keriso kovovotekatekei da weni berasi ami yawasa kamonai emakamakai na God ini nuwabiibiiyemi. Ma wawaya bade ina kitimi ma ini gheghenimi.

Pilipai 1:10

Tuna kubiine tami kovokovoghimi da keta biibiina kava kona vinei da maranai Keriso ina vovira na tami maninimi ma nuwanuwami yagharina.

Pilipai 4:18

Epaporodaitas inekiibau da ami verena kovonatawei kuriku na ivereku da wekarakava na aku mura irakata kirakai. Ami verena na nakanani ma suwara ghabughabuna God kurina, tuna suwarina ivi vaghinei ma inuwabiibiiyei.

Kolosei 1:10

Nakanani kaniponipowana da Bada ina kayowanai kona makai ma aviyavisina kudubina kona beraberai na ini nuwabiibiiyei. Bera biibiisi mara nonowa kona beraberai na tami nakanani ma kii biibiina, iuwa da amena peyarina. Ma bade kainowi da God akovina gwabimiyai ina rakata.

1 Tesalonika 5:21

Ma kovi nuwanotanota bubuni da sisiyina damina kona vii kiimatani ma sisiya biibiisi kava kovotani.

1 Timoti 2:3

Tanipowana babada kubiisi na tuna bera biibiina God kata Viviyawa ku matana.

1 Timoti 5:4

Ma kwapura ere natunatuna bo tuputupuna na ti damsi i biga da kwapura ina koyaghi. Magurisi ikoyaghita na bade takoyaghisi. Wawaya itakovi da Keresiyana ita biga da ita rakaraka takoyagha bubunisi. Nani bigana ini nao ma God ku matana na bera biibiina.

Hibru 12:28

Tota na vikiivavona makamakii nonowina ku kamona tarui, tuna kubiine na God tikiikiiwei ma ere yabuyabumanita tavopepeta ma tavokavakavara bubuni da ini nuwabiibiiyei,

1 Pita 2:20

Ma koakovi da mikeda berabero kona berai ma ami bada kovogha ina veremi ma ina widimi boni na damidamina, God ke ini gheghenimi. Ma mikeda bera biibiina kona berai ma kegha da ami bada kovogha ina veremi ma ami vokwarakwara kamonai ere nuwanubami kona miirikikina na God ini biibiinimi.

1 Pita 2:5

iyamna tami bade na wakima yawayawami. Ma God iviinimi da Kanumina ina taparoro numana evowavowai. Ma numana kamonai na tami nakanani ma taparoro babadimi. Tami na vovokaravimi ma ami biga da kanuma ina ku nevaneva God kurina ami vokavakavara kona verena. Ma Yesu Keriso avanai God ami suwara ini nuwabiibiyei.