Apasol 26:3 - God Vonana Vovokaravina

³ Ainuwabiibiiyei, iyamna tam na Jiu damsi i kiki ma i vigheviravira kuakova kirakiiyei. Tuna kubiine ainowi kurim da aku sisiya kuni yana bubuni.”

Apasol 26:3 ပူးပေါင်းရင်းမြစ်များ

Apasol 21:21

Ma sisiya ivi yanei da tam kuvi beyebeyena da Jiu damsi iyavo kava kupuna damsi kamosiyai emakamakai, ti na Moses ina vonaviyoyovana ke ina kivini. Kuvonesi da natunatusi tomotomowisi kwimata bekasi ke ina tuviviratawei ma Jiu damta ita kiki ke ina nunuri. Tuna kubiine nuwanuwasi epughupughu kurim.

Apasol 24:10

Ma kiivavo Pirikis ituparorona Pol kurina da iti sisiya. Pol ivona bo, “Akovi da madegha ipeyari wawaya kuvi tupaviresi weni dobuna kamonai, tuna kubiine ainuwabiibii kirakai da maghinomuwai amiimiiri da kaku papara ana vowai.

Apasol 24:4

Ke kata kayokayowei da kaninibarim, ma akii kayowana da akii sisiya tupona kava kuti yanei.

Apasol 25:26

Ma ke sago sisiya maninina ata panani da Kiivavo Ghamana Sisa kurina ata giruma. Tuna kubiine arutinapiyei peyarimi ku maghinomi da tam kiivavo Agripa yavata koni tupavirei. Ma nani kamonai sisiya vaghata ana viiya da ana giruma Sisa kurina.

Apasol 26:2

“Kiivavo Agripa, ainuwabiibai da karako tam maghinomuwai amiimiiri ma Jiu i babada iwavuku na ana vonapotesi da kaku papara ana vowai.

Apasol 26:26

Ma tam, Kiivavo Agripa, weni berasi peyarina namada kuakovi, tuna kubiine debapunai aisisiya. Ma anotanotai da weni sisiyisi peyarina kuvi yana bubuni, iyamna weni berasi kudubina na debiiyai itupuwa.

Apasol 26:7

Jiu damkai kaitumaghana da ikikava God vonakiiyapa bagibagina iterei kurikai na karakava ina berai. Tuna kubiine na kamokiiyai dam ivi 12 nuwanuwakii kudubinai mariyai ma didibarai God kavovokavakavari. Kiivavo Agripa, God ina vonakiiyapa bagibagina aitumaghanei kubiine na Jiu damsi viya iwavuwapawapiku.

Apasol 28:17

Mara aroba ikovi ma Pol ivi yonayona da Jiu babadisi ita riyesi. Iriyesi ma Pol ivonesi bo, “Varevaresiku, taku ke sago avi berona ata berai ita wawaya kurisi ma bade ita kaekiki mau i kiki ke ati kiigiiyei. Ma kegha da, Jerusalem kamonai ipatumiku da Rome damsi ku imasi itereku.

Apasol 6:14

Kavi yanei, ivona da Nasaret tomowa Yesu ina pisi na Taparoro Numana ina rikai ma ita kiki katamanina Moses ivereta na ina virai.”

1 Korint 13:2

Mikeda kaku puyo da ati peroveta ma bade akova kudubina ma nota gavugavusi atakova yavui, ma bade ati tumaghana kirakai da koya ata vonei da ita nae ku gawara sago ma ita tupuwa, ma weni berasi kamonai nuwaviina gwabikuwai kegha na taku na kwebuku.