Apasol 24:6 - God Vonana Vovokaravina

⁶ Ma bade ibera tovoni da Taparoro Numana vovokaravina ita puyaki na kapatumi.

Apasol 24:6 ပူးပေါင်းရင်းမြစ်များ

Jon 18:31

Ma Pailat ivonesi bo, “Korutinaneyei da tami mani ami vonaviyoyovana ina rewapana gaburinai koni tupavirei ma koni wavui da berona iberai.” Ma Jiu babadisi ighakiya da ivonapotei bo, “Kegha. Akii rewapana kegha da wawaya kani raboboi ma tami Rome dami kava nani rewapanina gwabimiyai.”

Apasol 19:37

Weni tomotomowisi korutinapiyesi na ke avi berona ita berai. Ma taparoro numana kamonai ke ita yapi bo ita god wavinena kana vava ita kiiviberoi.

Apasol 22:23

Peyarisi ikiikiirara ma kii tarasovo ivi votaweyana da itapitapi ma bade popoku ku kiidamo itawetawei.

Apasol 24:12

Ma viwavu damsi ke sago ita pananiku da Taparoro Numana kamonai wawaya yavata kata vivigamowana. Ma bade ke sago ita pananiku da kiki numasiyai bo kwanatu kamonai wawaya ata vivinuwapughupughusi da ita viviruwa.