Apasol 13:3 - God Vonana Vovokaravina

³ Peyarisi visiya ma nipowana ivi kovini na imasi ku tepasi iterei da ivi biibiinisi ma vaghina, ivonatawesi inae.

Apasol 13:3 ပူးပေါင်းရင်းမြစ်များ

Luk 2:37

Ma namada imagura kirakai, kana madegha na 84. Mariyai ma didibarai Taparoro Numana ikivukivui da Bada ivovokavakavari, ivivi siya ma iniponipowana.

Apasol 1:24

Ma peyarisi inipowana da tomowa kiimatanina ita vinei. Ivona bo, “Bada, wawaya peyarina nuwanuwasi tam kuakovi. Kevi beyekai da meni tomowina kekayokayowei

Apasol 13:2

Mara sago ivivi siya ma Bada ivovokavakavari ma kamonai na Kanuma Vovokaravina ivonesi bo, “Kamomiyai Banabas ma Sol na aku vivinevine, kovi biibiinisi ma kovoteresi da aku biga kava ina berai.”

Apasol 13:4

Kanuma Vovokaravina Banabas da Sol ivi nowesi inae ku Selusiya kwanatuna ma nani dobunai ku kukakuka igeru da ku nuwa sago kana vava Saipras.

Apasol 14:23

Ma bade kwanatu nununai ekalesiya kii vinoraveraveyana ivinevinesi. Ma ivivi siya ma iniponipowana da iyavo kava ivinevinesi na Bada ku imana itereteresi. Ti i nota ma i vitumaghana na Bada Yesu kava kurina itereterei.

Apasol 14:26

Ma ku waka igeru da Ataliya ikiibutawei ma inae ku Antiyok Siriya dobuna kamonai. Karenai nani kwanatunai ivomiiri da baba ivi karei, tuna kubiine ivovira nake. Rorova kava vitumaghana damsi Antiyok kamonai Pol da Banabas God ku imana iteresi ma ivonatawesi da ina biga ita berai. Ma wekarakava God ina agabiibiiyai nani bigana ivi kovini na ivovira kurisi.

Apasol 15:40

Ma Pol, Sailas ivinei da iti kaeturanei. Ma vitumaghana damsi Pol da Sailas ivi biibiinisi, Bada ku imana iteresi da ina agabiibai gwabisiyai ina makai. Ma ivonatawesi inae.

Apasol 6:6

Ivinesi ikovi ma irutinisi aposol kurisi. Apasol inipowana kubiisi, imasi ku tepasi iterei ma ivi biibiinisi.

Apasol 9:17

Vaghina ma, Ananayas inae da nani ku numana irui ma imana Sol ku tepana iterei. Ivona bo, “Varesiku Sol, ketiyai Bada Yesu kupanani na tuna ivonataweku apisi kurim da kuna kitame ma Kanuma Vovokaravina gwabimuwai ina runuma.”

Rome 10:15

Ma vitumaghana damsi na dima wawayisi ke ina vonatawesi ina kiibau na iyi ina dima? Giruma katamana ivona bo, “Yonayona vara biibiina ina viini ina pisi ma maranai ina nekiibau na tinuwabiibii kirakiiyei.”

1 Timoti 4:14

Ma kam puyo ke kuni notawapei, nani puyona peroperoveta ivivi sisiyei ma vinoraveraveyana kudubisi imasi ku tepam iterei na Kanuma Vovokaravina iverem.

1 Timoti 5:22

Ma ke kuni yaghiyaghina da imam wawaya ku tepasi kuna terei. Kunona i yawasa kuna kita bubuni ma muriyai kuna vinei da ekalesiya kamonai ini bada. Ma wawaya viya berabero ina beraberai na ke ku kamosi kuna rui. Keberai da tam maninim kavakava.

2 Timoti 1:6

Tuna kubiine ata vonavinotim da nani puyona God iverem maranai imaku ku tepam aterei na ketapiya da ina karata bubuna,

2 Timoti 2:2

Ma koroto matasiyai aviyavisina avivi sisiyei kuvi yanei na kevi damani ita wawaya kiikiimatanisi kurisi da ti bade ini beyebeyena.

3 Jon 1:6

Nani wawayisi viya ibaba ipisi da am nuwaviina ivi sisiyei vitumaghana wawayikai kurikai. Ma ainowi da maranai ita wawaya viya kurim ina nekiibau na berana sago kuna berai ma i vomiiri kana ku mara na kevi tamiinesi ma kevonatawe bubunisi da God ini nuwabiibai.

3 Jon 1:8

Tuna kubiine tota vitumaghana wawayita tivitesi. Nakanani taberai da nani wawayisi yavata tabiga patapata da vonavaghata tarereghi.