2 Korint 4:8 - God Vonana Vovokaravina

⁸ Nuwapoya ipeyari kirakai kapanapanani ma vita irakata kirakai kakavakavari ma kegha da patana da kamiimiiri. Mara viya akii nota eragharagha da aviyavisina kata berai ma ke meyani akii nota ita peku.

2 Korint 4:8 ပူးပေါင်းရင်းမြစ်များ

Jon 14:18

“Ke ana nae vaghata da tami nakanani ma kami koyakoyagha kegha. Ana vovira kurimi.

1 Korint 10:13

Ruyagha ikikava kopanapanani na maghimaghighina mara nonowa wawaya peyarisi nakanani epanapanani. Ma God na biibiina da ikikava vonakiiyapa bagibagina iterei da ini viteta na nakanani ina berai. Ini vitemi da ruyagha ke ina rakata kirakai da ami rewapana ina ghekuyowei. Ma bade keta ini beyemi da ruyagha kona veruvuvurei ma yawasa maninina kamonai kona miirikikina.

2 Korint 12:10

Ainuwabiibai da Keriso kubiine ana vokwarakwara. Ke ani nuwapoyei maranai taku mitamitaku, bo wawaya iavaberoweku ma itupaketowaneku, bo aku yawasa ipiropiro, iyamna aku rewapana ina gisi na Keriso ina rewapana gwabikuwai ina rakata.

2 Korint 6:12

Tokai nuwanuwakai ke kata gudui kurimi, ma tami na nuwanuwami kogudui kurikai.

2 Korint 6:4

Kegha da bera kudubina kaberabera bubuni na kaimatakira da tokai na God ina bigabiga. Namanaki nuwapoya ma piropiro kapanapanani, ma nuwanubiiyai ma akii nota kudubinai kabigabiga.

2 Korint 7:5

Maranai kanekiibau ku Masedoniya dobuna na ke kati yakam, akii nuwapoya patana da ipeyari, vitupaketowana irakata ma nuwanuwakai kamonai na kayabuyabumana.

Gareisiya 4:20

Ma aku kayowana ghamana da tami yavata kata makai ma aku sisiya ata virai da pikakuwai kurimi ati sisiya, iyamna ainuwapoya kirakiiyemi.