2 Korint 4:4 - God Vonana Vovokaravina

⁴ Nani wawayisi Keriso varana biibiina ke ita vivitumaghanei iyamna Seitan, tuna weni dobuna ina bada berona, imiiripaparisi da ke kovokovoghina da varana ina yasegana ita kitai. Ma Keriso na God maghimaghighina.

2 Korint 4:4 ပူးပေါင်းရင်းမြစ်များ

Matiu 13:22

Pei iyiyo ku kamosi iririgha na nakanani ma iyavo kava God varana biibiina ivi yanei ma dobu yawasina inuwapoya kirakiiyei ma mura ikirokirorowei da God vonana ipanigudagudai ma amena gwabisiyai kegha.

Jon 1:14

Ma Vonana ivi wawaya da yavata tamakii patapata. Tuna na God Natuna sago kava na kana kadara kakitai. Ma agabiibai ma vonavaghata gwabinai irakata kirakai.

Jon 1:18

Ke meyani wawaya sago God ita kitai. Natuna sago kava na God yavata ivi kovokovoghana. Tuna ina Mamai yavata na sago. Ma ivi akakovita da God na iyai.

Jon 12:31

Marana inekiibau da God wawaya dobuwai ini tupaviresi ma ini wavusi da berabero iberai. Ma bade weni dobuna kana kiivavo ina rewapana ina kutawei.

Jon 12:35

Ma Yesu miibiiyai ivonesi bo, “Wawaya nubakutuva kamonai ina bababa na ke itakovi da mike enenae. Tuna kubiine yasegana gwabimiyai emakamakai na kobaba, iyamna gisina kava ma yasegana koni wapai da nubakutuva ina kamowanimi.

Jon 12:40

“Matasi ikiipotai, ma nuwanuwasi igudui da ke kovokovoghina ita kita, ma ke kovokovoghina da sisiya iyamna itakovi. Ma Bada ivona bo, ‘Tuna kubiine damsi ke ita miiritavire kuriku da ati yawasisi.’ ”

Jon 12:45

Ma taku ekitakitiku na bade wawayina ivonataweku ekitakitai.

Jon 14:30

Aku mara ke ita guri da ani sisiya kurimi, iyamna weni dobuna kana kiivavo epipisi. Ma tuna ina rewapana ke kovokovoghina da taku ina ghekuyoweku.

Jon 15:24

Mikeda taku bera ghamaghamasi ke ata berai na wawaya i berabero wavuna ke ita kavari. Ma nani berasi gwabisiyai aberai na ke sago wawaya dobuwai nakanani ita berai. Wawaya bera ghamaghamasi matasiyai ikitai ma kegha da taku aku Mamai yavata ebabarekai.

Jon 16:11

Ma bade ina vonesi da mara sago God ini tupaviresi, iyamna namada ivonakiiyaragha da weni dobuna kana kiivavo wavu iviiya ma kovogha ina panani.”

Jon 8:12

Yesu ivi karei da koroto kurisi ivi sisiya na ivonesi bo, “Taku na dobu kana yasegana. Wawaya ina kiviniku na ke meyani nubakutuvai ina baba, ma nani yaseganinai na yawasa vaghata ina panani.”

Apasol 26:18

tam matasi kuna votawei da nubakutuva ina barei ma ina kiibau ku yasegana. Ma Seitan ina vibadana ina barei ma ina damana God kurina da i bera beroberosi ina notatawei. Ma wawaya ini tumaghaneku na kii gawara God ina wawaya vovokaravisi kamosiyai ina panani.’ ”

Apasol 26:23

Ivoneta da God ina Vivinevine Wawayina ita vokwarakwara ma ita rabobo. Ma iti nao da rabobowai ita vomiiri. Nakanani ita berai da yasegana ma yawasa ketana Jiu damsi ma kupuna damsi kudubisi iti beyesi.”

1 Korint 10:20

Aviyavisina aisisiyei na weni, iyavo kava God vaghata ke iti tumaghanei na kanuma beroberosi kurisi esuwasuwara, ke God kurina. Ma ke ata kayokayowei da tami kanuma beroberosi yavata koni kiikapu.

2 Korint 2:11

Weni berana aberai ini matakira da Seitan ke ina ghekuyoweta, iyamna tota ke neghaneghata, ina bera takova yavui.

2 Korint 2:12

Anae ku Troas kwanatuna ma apanani da Bada taraboga biibiina ivereku da Keriso varana biibiina ata dimei.

2 Korint 3:11

Vivaghina katamanina kana kadara ekirikiriri ma vivaghina vuna kana kadara na ke meyani ina peki.

2 Korint 3:14

iyamna Israel damsi i nota na gudugudusi, rorova da ku karako vonaviyoyovana katamana iyiyavi na patana da i nota nani terepaparina egudugudui. Ma ini Keresiyana na Keriso kava nani terepaparina ina votawei.

2 Korint 3:18

Tota na maghighita kana terepapara kegha, tuna kubiine wawaya Bada kana kadara gwabitiyai ina kitai. Nani kadarina Bada Kanumina gwabinai epipisi na ita yawasa kudubina eviravirai da tuna maghimaghighina, ma kana kadara gwabitiyai erakarakata kamokamowa.

2 Korint 4:6

God ivona bo, “Yasegana nubakutuva kamonai ina ruyaghari.” Ma bade iberai da ina yasegana nuwanuwata kamonai ina ruyasegana. Ma Yesu maghighina ina yasegana takitakitai na God kana kadara akovina taviiviini.

Gareisiya 1:4

Ita Mamai God ina kayowanai da natuna Yesu Keriso ivere meyei ita berabero kubiine, da karako weni kimtina berona kamonai ita tinakiibutaweta.

Epesas 2:2

Dobu yawasina ina kayowana beroberosi kokivikivini ma kanuma beroberosi kunumai i bada kovovotekatekei, ma karako iyavo kava God ke ita vovotekatekei na nani kanumina patana da ibadesi.

Epesas 6:12

iyamna tota ghaviya kamonai ma ke wawayota yavata kata vivighaviya ma momosika makiigavugavusi, ma nubakutuva ina kiikiivavo dobuwai, ma kanuma beroberosi bogii ma bogiiyai kiidamowai na peyarisi yavata tighaviya.

Pilipai 2:6

Tuna ma God na sago. Ma kegha da aviyavisina rapenai na ke ita vokikini.

Kolosei 1:15

Keriso na God maghimaghighina. Ke kovokovoghina da God takitai ma kegha da wawaya Keriso ikitai ma tuna ivi debei kurita da God na ikikava. Keriso na iyarokona ma bera kudubina ibadei, iyamna tuna namada imakamakai ma muriyai da God bera kudubina iyamoni.

Kolosei 1:27

Ivi akovita da ke tokai Jiu damkai kava ma kupuna dami yavata ini biibiinita da kanuma ina ku nevaneva na mura ghamana ma kadakadarina ina vereta. Ma nota gavugavuna na weni, Keriso na kamomiyai irunuma, tuna kubiine koakova bubuni da kana kadara ku kamona kona rui.

1 Timoti 1:11

Ma God ivi tumaghaneku da kana kadara kubiine nani vibeyebeyena kiimatanina ati beyebeyena. Ma Keriso varana biibiina kuriku ivi damani da ata dimei.

Taitos 2:13

Nakanani tamakamakai ma tabanebanenega da maranai Yesu Keriso ere kadarina ina nekiibau. Tuna ita God ma bade kata Viviyawa rewapana kirakiina.

Hibru 1:3

Yesu gweyurina na God kana kadara evonavonapotei, ma ivi ruwa na sago. Ma Yesu vonana ivi rewapana kirakai da gamona etereterei na bera kudubina emakamakai, ke ita wapawapa. Ma wawaya i berabero kudubina ikowatawei ikovi, ma muriyai ighae da ina Mamai rewapana kirakiina na katagheyanai imakai.

Hibru 6:4

Ma iyavo kava Keriso ivi tumaghanei ma muriyai God itakuputei na ke kovokovoghina da tarutinisi da ina vovira God kurina. Ti na rorova God ina yasegana ma ina puyo biibiina ipanani, ma Kanuma Vovokaravina itowatepanisi,

2 Pita 1:19

Tuna kubiine akii nota ivi rewapana da aviyavisina peroperoveta igirugirumi na vonavaghata. Ma ibiibai da nani girumisi na koni nuwanotanota bubuni. Tuna nakanani ma kibe nubakutuva kamonai ita karakarata da mara ita tom. Ma Keriso ina nekiibau na tuna nakanani ma tughuwara ita ghetawei da nuwanuwami kamona ita yasegana yavui.

1 Jon 2:11

Meni wawayina varesina ibarakamtawei na tuna na didibara yawasina kamonai emakamakai ma ke itakovi da mike enenae, iyamna matana ididibarapotai.

1 Jon 2:8

Tuna katamanina ma kegha da Keriso ipisi na sisiyina ivi vuni ma bade taku kurimi agirugirumi. Takovi da nani sisiyina bagibagina na vonavaghata, iyamna namada Keriso ina yawasa ivi debei ma bade ami yawasa idebei. Takitakitai da gwabimiyai didibara berasi na ekovikovi ma yasegana vaghata namada erakarakata.

1 Jon 5:19

Ma takovi da tota na God natunatuna. Ma dobuwai iyavo kava ke God ina rakaraka kamonai na peyarisi Seitan ibadesi.