2 Korint 4:10 - God Vonana Vovokaravina

¹⁰ Mara ku peyarina akii ku biga kamona ininikai eriririmona da wawaya ini rabobokai Yesu nakanani. Ma tokai yawayawasikai kubiine, kaimatakira da Yesu tuna yawayawana.

2 Korint 4:10 ပူးပေါင်းရင်းမြစ်များ

Jon 14:19

Ke mara gurina ma iyavo kava dobuwai ke ita vivitumaghaneku na ke ina kita meyeku. Ma tami kava na kona kitiku. Ma taku yawayawaku kubiine na tami bade yawasa kona panani.

Rome 6:5

Keriso irabobo na yavata tarabobo patapata, ma bade ikikava rabobowai ivomiiri na nakanani tavomiiri.

Rome 6:8

Keriso yavata tarabobo kubiine, nuwanuwata kudubinai titumaghana da ita yawasa kamonai na Keriso yavata tinuwasago.

Rome 8:36

Giruma katamana evonavona bo, “Tam kubiim na mara nonowa ere iniririmonikai kamakamakai. Wawaya enotanotai da tokai na sipu nakanani da ina kiivunutawekai.”

2 Korint 1:5

Ikikava Keriso ivi kamaghi kirakiiyei na nakanani ina vikamaghi idamana kurikai da tokai yavata damina kaviiviiya. Ma bade Keriso tepanai da God ina nuwanuba ghamana idamana kurikai.

2 Korint 1:9

Vonavaghata, nuwanuwakii kamonai damina kaviiya da nakanani ma wawaya iti tupavirekai ma ita vonakiiyaragha da kakii kovogha na rabobo. Ma weni nakanani itupuwa na ivi beyebeyekai da ke takii mani akii rewapana kati tumaghanei, ma God kati tumaghanei. Tuna wawaya raborabobosi iyawasisi.

2 Korint 13:4

Namanaki da ere mitamitana korosiyai irabobo ma karako na tuna yawayawana, God ina rewapana tepanai emakamakai. Ma ikikava Keriso korosiyai imitamita na tokai bade nakanani kamitamita. Ma kegha da akii yawasa kamonai na Keriso tepanai kamakamakai da God ina rewapanai kabigabiga kubiimi.

2 Korint 4:11

Akii yawasa kamonai mara nonowa kanotanotai da mara sago wawaya ini rabobokai Yesu kubiine. Tupuwikai ke makamakii nonowisi ma kegha da kaidebei da Yesu tuna yawayawana.

Gareisiya 6:17

Vaghina aku sisiya turina na weni. Ke sago iyai weni berasi kubiine nuwapoya ina vere meyeku, iyamna pitara ininikuwai imatakira da aku yawasa na Yesu rapenai.

Kolosei 1:24

Ma wekarakava na ainuwabiibai da tami kubiimi gabura kamonai avovokwarakwara. God ivineku da ikikava Keriso ivi kamaghiyei nakanani aku biga kamonai ati kamaghiyei da biga ati kovini vitumaghana damsi kubiisi, ti na Keriso tupuwina.

2 Timoti 2:11

Weni sisiyisi na vonavaghata. “Keriso yavata tarabobo patapata, na bade yavata tamakai.

1 Pita 4:13

ma kovi nuwabiibiiyei da ikikava Keriso ivokwarakwara na tami yavata kovovokwarakwara patapata. Ma mara sago kana kadara ini debei na nani maranai ami nuwabiibai ina rakata kirakai.

1 Pita 4:14

Keriso koitumaghanei kubiine, wawaya ini avaberowemi na kovi nuwabiibiiyei, iyamna Kanuma kadakadarina gwabimiyai, tuna na God Kanumina.

Revelation 1:17

Akitai na ku maghinona apeku da avi kiiparoroweku. Ma katagheyanai ivororona da ku tepaku iterei ma ivona bo, “Ke kuna yabumana. Taku na Alfa ma Omega, bera karena ma bera damona.”