2 Korint 2:11 - God Vonana Vovokaravina

¹¹ Weni berana aberai ini matakira da Seitan ke ina ghekuyoweta, iyamna tota ke neghaneghata, ina bera takova yavui.

2 Korint 2:11 ပူးပေါင်းရင်းမြစ်များ

Matiu 4:10

Ma Yesu ivonapotei bo, “Seitan, kenetaweyana! Giruma katamana evonavona bo, ‘Am Bada God ina kina kava kevokavakavari ma kevotekatekei.’ ”

Luk 22:31

Yesu ivona bo, “Saimon, Saimon, Seitan ivi nowi God kurina ma vivaghina gwabinai iviiya da ina ruyaghimi.

Jon 13:2

Ravi ipika, ikamkam ma nani kamonai na namada Saimon Iskariyot natuna Judas nota berona Devil gwabinai iviiya da Yesu iti wawanei.

Apasol 1:25

da aposol bigana ina berai. Judas kana gawara ina viiya, iyamna ikuyowekai inae ku gawara berona.”

1 Korint 7:5

Tuna kubiine tatavinemi tupuwimi ke kona panikowei, kegha da kunona ami viruwa koni vaghinei da koni siya mara gisina da Bada kurina kona nipowana. Nani murinai na kona vovira ami ku tavine yawasina da Seitan ke ina ruyaghimi, iyamna tami ami nota ke iti rewapana da kona miirikikina.

2 Korint 11:14

Weni berasi na ke taveyiyei. Seitan bade eberaberavigayagaya da tuna nakanani ma aneya kadakadarina.

2 Korint 11:3

Ma ayabuyabumana da aviyavisina itupuwa Adam kawana Eve kurina na ina tupuwa kurimi. Mota iakova kirakai, iberai da Eve bera berona iberai. Maghimaghighina tuna ami nota yagharisi ini beroi da tami na ke koni patutu kamowa Keriso kurina,

2 Korint 4:4

Nani wawayisi Keriso varana biibiina ke ita vivitumaghanei iyamna Seitan, tuna weni dobuna ina bada berona, imiiripaparisi da ke kovokovoghina da varana ina yasegana ita kitai. Ma Keriso na God maghimaghighina.

2 Timoti 2:25

Ma nani wawayisi ikawapatem na nuwapikamuwai ku keta maninina kuna teresi na mikeda God ini vaghinei na i berabero ininimayei ma ina miirikupukuputei da vonavaghata inakovi.

1 Pita 5:8

Kokitaruvimi, ami nota evi rewapana. Kami ghaviya Devil mara nonowa taraboga iekwekwai da ina vowimi. Tuna nakanani ma layon kayakayayina dipiiyai eyebayebagha, kana siya ekwekwai da ina kutasikasikai ma ina kam yavui.

Revelation 13:8

Ma wawaya kudubina dobuwai ina vomiiri da nani yegai ghamoghamona ina vokavakavari. Ti damsi na Yawasa Bukana kamonai kii vava ke ita giruma, nani bukana na God ina Sipu Gegeyina ina buka. God nota namada iviiya da wawaya ita vomiiri da Sipu Gegeyina ita kiivunui ma muriyai da dobu iyamoni.

Revelation 2:24

‘Ma tami viya Tayatira kamonai kami sisiya na weni. Nani wavinena ina vibeyebeyena ke kota vovotani, ma bade Seitan ina bera akovina ke kota viiya. Viviberosi evonavona da bera ghamaghamasi ma kegha. Kovi patutu kubiine na kami vita ke ani taratatanei.’