2 Korint 1:5 - God Vonana Vovokaravina

⁵ Ikikava Keriso ivi kamaghi kirakiiyei na nakanani ina vikamaghi idamana kurikai da tokai yavata damina kaviiviiya. Ma bade Keriso tepanai da God ina nuwanuba ghamana idamana kurikai.

2 Korint 1:5 ပူးပေါင်းရင်းမြစ်များ

Luk 2:25

Ma Jerusalem kamonai tomowa sago imakamakai, kana vava Simiyon ma tuna na wawaya maninina ma God iyabuyabumanei. Ma ivivi koyakoyagha da Israel kana Viviyawa ita nekiibau, iyamna Kanuma Vovokaravina gwabinai irunuma

Apasol 9:4

Ipeku ku dowa ma wawaya gamona ivi yanei, ivona bo, “Sol, Sol, avi kubiine kitupaketowaneku?”

Rome 8:17

Tota na God natunatuna kubiine, God ina mura makamakii nonowina ina vorereghi kurita. Aviyavisina Keriso rapenai na tota bade rapetiyai. Ma ikikava ivi kamaghiyei na nakanani tikamaghiyei da mara sago kana kadara ku kamona tarui.

Pilipai 1:20

Aku kayowana ghamana ma aku nota rewapanina da ke meyani ana bera beroi da aninimaya. Ma ani tepatora kamowa da aku yawasa kamonai, karako ma mara nonowa ana bera bubuni da Keriso kana vava ani rakati. Namanaki wawaya ini raboboku bo yawayawaku.

Pilipai 2:1

Keriso yavata koinuwasago na rewapana kopanapanani, bo? Keriso ina nuwaviina damina koviiviiya na nuwanuba kopanapanani, bo? Kanuma Vovokaravina yavata koisagomi, bo? Nuwapika ma vikamyuyuwa gwabimiyai, bo?

Pilipai 3:10

Akayokayowei da Keriso anakova bubuni, ma ina rewapana damina ana viiya, tuna rewapaninai da rabobowai ivomiiri. Ma akayokayowei da ikikava ivi kamaghiyei, nakanani ani kamaghiyei. Ma ikikava irabobo, nakanani ana rabobo.

Kolosei 1:24

Ma wekarakava na ainuwabiibai da tami kubiimi gabura kamonai avovokwarakwara. God ivineku da ikikava Keriso ivi kamaghiyei nakanani aku biga kamonai ati kamaghiyei da biga ati kovini vitumaghana damsi kubiisi, ti na Keriso tupuwina.

2 Timoti 3:11

ikikava wawaya ivi tupaketowaneku ma bade aku vokwarakwara. Tam kuakovi aviyavisina kuriku itupuwa Antiyok, Aikoniyam ma Listra kamonai. Nani dobusiyai na wawaya ivi tupaketowaneku da berona ghamanakina apanani. Ma kegha da weni berasi kudubina kamonai Bada ivi yawasiku.

1 Pita 4:13

ma kovi nuwabiibiiyei da ikikava Keriso ivokwarakwara na tami yavata kovovokwarakwara patapata. Ma mara sago kana kadara ini debei na nani maranai ami nuwabiibai ina rakata kirakai.