1 Korint 9:16 - God Vonana Vovokaravina

¹⁶ Keriso varana biibiina adimadimei na aku rewapana kegha da ati gheghena meyeku, iyamna God ivi yoneku na adimadima. Ma ata bara na nuwapoya ghamana ata panani.

1 Korint 9:16 ပူးပေါင်းရင်းမြစ်များ

Matiu 25:16

Bigabiga tomowina 5 tausan iviiya na maninina inae da ivi gimagimara ma bade ku tepana 5 tausan ipanani.

Luk 9:62

Ma Yesu ivonapotei bo, “Wayowa wawayina ina kayowana da ina tano inuwata bubuni na uwata sawarina ina votani da bagibagina maranai ox nani sawarina etitini. Ma bade ku maghinona kava ina kitakita da maninina ina nae ma ke ina tavire. Iyi tam am kayowana da God ina vikiivavona kubiine kuna biga ma mikeda kuna tavire na tam ke kovokovoghim da ina biga kuna berai.”

Apasol 4:20

Aviyavisina kakitai ma kavi yanei na kani sisiyei, ke kovokovoghina da kani kawapotapota.”

Apasol 9:15

Ma Bada ivonei bo, “Kenae! Nani tomowina avinei da kubiiku ina biga. Ana vonatawei da kupuna damsi kurisi, i kiikiivavo yavata ma bade Israel damsi kurisi da kaku vava ina dimei.

Apasol 9:6

Kevomiiri ma kuna rui ku kwanatu ma nani dobunai wawaya ina vonem da aviyavisina kuna berai.”

Rome 1:14

Taku aku biga God ivereku na Grik ma bade ke Grik damsi kamosiyai. Wawaya akakovisi ma bade wawaya neghaneghasi kamosiyai.

Rome 15:17

Tuna kubiine ainuwabiibii kirakai da Yesu Keriso tepanai na God kubiine abigabiga.

Rome 4:2

Ke Abraham ina bera biibiisi kubiine na God ita vonakiiyaragha da tuna wawaya maninina. Nakanani ita tupuwa na Abraham ita kayotata wawaya kurisi, ma ke kovokovoghina da God kurina ita kayotata.

1 Korint 4:15

Namanaki ami vikeresiyana yawasina kamonai ami vibeyebeyena wawayisi ipeyari, ma kegha da ami mamai na sago kava. Taku na ami mamai, iyamna Keriso varana biibiina apiyei kurimi.

1 Korint 9:12

Wawaya viya Bada ina biga eberaberai na i rewapana emakamakai da vivita tami gwabimiyai ita viiya. Ma tokai bade nani rewapanina gwabikiiyai bo kegha? Akii rewapana emakamakai da kata vonemi da kami tupi koti miiyei kurikai, ma kegha, ke kata vonemi da koti miiyei. Tokai kakoyagha meyekai. Nani kamonai kavi kamyuyuwa kirakai, iyamna ke kata kayokayowei da ami nota kati beroi da Keriso varana biibiina ke koti yanei.

1 Korint 9:14

Ma bade, Bada evonavoneta da wawaya Keriso varana edimadimei na iyavo kava ina dima iyanei na ti damsi tepasiyai ina makai.

2 Korint 2:12

Anae ku Troas kwanatuna ma apanani da Bada taraboga biibiina ivereku da Keriso varana biibiina ata dimei.

Kolosei 4:17

Akipas kovonei da biga Bada gwabinai iviiya na ini koviya.