1 Korint 7:30 - God Vonana Vovokaravina

³⁰ Iyavo kava ina tutusiyasiyapa na ita makai da nakanani ma ke nuwapoya kamonai. Bo, iyavo kava ina vivinama na ita makai da nakanani ma ke nuwabiibii kamonai. Bo, iyavo kava ina gimagimara na ita notai da nani sawarisi na nakanani ma ke rapesiyai.

1 Korint 7:30 ပူးပေါင်းရင်းမြစ်များ

Luk 16:25

Ma Abraham ivonapotei bo, ‘Natuku, kevi nuwanotanota da am yawasa dobuwai na biibiina, am kayowana kudubina rapemuwai. Ma Lasaras na ke sago biibiina rapenai. Ma karako na tuna inuwabiibai ma tam na inivisiyai kemakamakai.

Luk 6:21

Tami iyavo kava wekarakava vitonara ekarakarimi na God ini biibiinimi da koni nuwabiibai, iyamna kona kam dodo. Tami iyavo kava wekarakava kotutou na God ini biibiinimi da koni nuwabiibai, iyamna koni nama.”

Luk 6:25

Tami iyavo kava wekarakava kokamkamdodo na koti nuwapoya kirakai, iyamna vitonara ina karimi. Tami iyavo kava wekarakava koinama na koti nuwapoya kirakai, iyamna kona siyapa ma kona tou.”

Jon 16:22

Ma tami nakanani damina koviiviiya, wekarakava na koinuwapoya. Ma gisina kava ana kita meyemi na koni nuwabiibii kirakai. Ma nani nuwabiibiina ke sago iyai ina viitawei.”

1 Korint 7:29

Varevaresiku, aviyavisina avivi sisiyei na iyamna ghamana na weni, mara inetupo. Tuna kubiine karako wawaya tatavinemi kovi karei da ami tavine yawasina ke koni nuwapoya kirakiiyei. Tavine yawasina ini tinaviraviremi na Bada ina biga ke kona bera bubuni.

1 Korint 7:31

Iyavo kava dobu kana sawara evovotovotovoni na ke ina vokikini. Ma iyavo kava dobu ina biga eberaberai na ke nuwanuwasi kudubinai ini nuwapoyei, iyamna weni dobuna yawasina na ke ina makii nonowa, kara ina kovi.

Revelation 18:7

Ikikava imakiigheghae da dobu yawasina ma ina mura inuwabiibiiyei na bade nakanani kekutawei inoru da ini moyaka ma ininina ina visi ma ina vokwarakwara. Tuna mani inota meyei na ikayokayotata ivona bo, ‘Taku na kiivavo wavineku. Taku na ke meyani ana kwapura ma kwapukwapura ikikava ikamyuyuwa na karakava ke nakanani ani kamyuyuwa tovona.’ ”

Revelation 7:17

iyamna kii koyakoyagha na Sipu Gegeyina, tuna vikiivavo gawarinai imakamakai. Tuna ini nowesi da ku okowa yawayawana meni dobunai evusivusira nake. Ma matadogasi kudubina na God ina kiipupunatawei.’ ”