1 Korint 5:9 - God Vonana Vovokaravina

⁹ Namada agiruma kurimi ma avonemi da vipekana wapawapa wawayisi ke yavata koni kiikapu.

1 Korint 5:9 ပူးပေါင်းရင်းမြစ်များ

1 Korint 5:10

Ma iyavo kava evonavona vibero da Keriso itumaghanei na ti damsi aisisiyesi. Viya na vipekana wapawapasi, matakirokirorosi, sawara yamoyamonisi erurunomesi, viviyanuwesi, umaneghaneghasi bo yapiyapisi. Nani miiriruwaruwasi, ti na evonavona da Keriso itumaghanei ma ibero na ke yavata koni kiikapu bo kona kam patapata. Ma ke ata vonavonemi da iyavo kava Keriso ke iti tumaghanei kona kuyowesi. Kota kuyowesi na weni dobuna kota kiibutawe tuwanonowi. Ti bade na vipekana wapawapasi, matakirokirorosi, yapiyapisi ma sawara yamoyamonisi erurunomesi.

1 Korint 5:2

Avi kubiine kokayokayotata da tami Keresiyana? Nani tomowina ina berabero kubiine na kade kotinimaya ma koti nuwapoya kirakai. Tuna tomowina na kamomiyai koti kiibuni.

1 Korint 5:7

Nani tomowina bero kirakiina kokwavini da ina kiibutawemi ma tami biibiimi kava kona makai. Koberai da tami nakanani ma parawa kavakava, kamomiyai yist kegha. Vonavaghata da tami na yawasa vuna koviiya da wawaya biibiimi, iyamna Keriso ita Pasova sipu gegeyina, isuwara meyei da irabobo kubiita.

2 Korint 6:14

Iyavo kava ke ita vivitumaghana na ke yavata koni kiikapu. Ikikava biibiina ma berona ini kiikapu? Yasegana ma nubakutuva ke ina makii patapata.

2 Korint 6:17

Tuna kubiine Bada ivona bo, “Iyavo kava ke iti tumaghana na kokiibutawesi da bogiiyai kona makai. Sawara ma wawaya puyapuyakisi ke kona votovoni na ani vaghinei da tami na aku wawaya.”

Epesas 5:11

Nubakutuva berasi iyamsi kegha na ke nani berasi ku kamosi kona rui. Kegha da nani berasi ku deba kona terei da yasegana nubakutuva ina rewapana ini kovini.

2 Tesalonika 3:14

Wawaya iyai akii vibeyebeyena weni girumina kamonai ke ina kivikivini na vitumaghana damsi kudubisi kovi akovisi da wawayina na nakanani. Ma peyarimi wawayina kokitatawei da ininimaya.

2 Tesalonika 3:6

Varevaresikai, ita Bada Yesu Keriso avanai sisiya bagibagina kavereveremi da Keresiyana turaturata kayobarisi kokitatawesi, iyamna ti na akii vibeyebeyena ke ita kivikivini.