1 Korint 13:6 - God Vonana Vovokaravina

⁶ Nuwaviina wawayina na bera beroberosi ke ita vivinuwabiibiiyei, ma vonavaghata na tuna ini nuwabiibiiyei.

1 Korint 13:6 ပူးပေါင်းရင်းမြစ်များ

Matiu 18:13

Nani sipuna sago kava ita panani na avonavonemi da iti nuwabiibii kirakiiyei, ke nakanani ma ivi 99.

Luk 22:5

Babadisi ivi nuwabiibii kirakai ma ivi vaghinei da Judas imana ita kovoghi.

Rome 1:32

Wawayisi iakovi da God ivonakiiyaragha da iyavo kava weni berasi eberaberai na kii kovogha na rabobo. Ma kegha da berasi sago patana da eberaberai. Ma ku tepana iyavo kava turaturasi kamosiyai weni berasi eberaberai na igheghenisi.

Rome 12:9

Wawaya kurisi koinuwaviina na ke nuwatepamiyai kona berai. Berona kobarakamtawei ma biibiina kava kovokikini.

Pilipai 1:18

Ma ke sago avai, nota gavugavusiyai bo nota yagharisiyai edimadima. Keta ipeyari ma bera ghamanakina da Keriso varana biibiina edimadimei. Tuna kubiine ainuwabiibiiyei ma mara nonowa ani nuwabiibai,

Pilipai 1:4

Ma peyarimi kubiimi aniponipowana na mara nonowa nuwabiibiiyai aniponipowana,

Pilipai 3:18

iyamna, mara ipeyari avonemi ma wekarakava ere matadogaku avonavona meyemi, wawaya ipeyari i yawasa kamonai ivi debei da Keriso ina korosi ikawapatei.

2 Tesalonika 2:12

Nuwabiibiiyai bera beroberosi ina beraberai ma vonavaghata ina barei, tuna kubiine maranai God ini tupaviraviresi na ina vonakiiyaragha da kovogha berona ina veresi.

2 Jon 1:4

Ainuwabiibii kirakai, iyamna namada apanani da natunatum viya na vonavaghata yawasina kamonai emakamakai. Ita Mamai God ikikava ina sisiya bagibagina ivoneta na ekivikivini.