1 Korint 11:3 - God Vonana Vovokaravina

³ Wekarakava akayokayowei da konakovi da Keriso ina Bada na God. Ma tomotomowa kudubita ita Bada na Keriso. Ma wavine ina bada na kawana.

1 Korint 11:3 ပူးပေါင်းရင်းမြစ်များ

Genesis 3:16

Vaghina ma wavinena ivonei bo, “Ana berai da am ropeya kamonai am inivisi ina rakata da ere vokwarakwaram kuni tuwa. Ma ana berai da am kayowana ghamana da kawam. Ma tuna ini badem.”

Matiu 28:18

Yesu kurisi imiiririya ma ivonesi bo, “God rewapana ivereku da bera kudubina kunumai ma dobuwai ani badei.

Jon 14:28

Namada avi akovimi ikovi da ana nae ma bade ana vovira kurimi. Tami nuwanuwaku kota viiya na koti nuwabiibai da taku anenae aku Mamai kurina, iyamna aku Mamai na ighe kirakai, ke taku nakanani.

1 Korint 3:23

Ma tami na Keriso rapenai. Ma Keriso na God rapenai.

Epesas 4:15

Kegha da ere nuwaviinita vonavaghata tisisiyei da bera kudubina kamonai tagogo da ita yawasa na Keriso maghimaghighina, iyamna tuna na gayamina.

Kolosei 1:18

Ma Keriso na gayamina ma ekalesiya na tupuwina. Ma tuna na iyarokona, ivi nao da rabobowai ivomiiri na keta ivotawei da tota bade rabobowai tavomiiri. Tuna kubiine Keriso ighe kirakai da bera kudubina ighekuyowei.

Kolosei 2:10

Tuna na kiikiivavo i kiivavo ma kanukanuma babadisi i bada ghamana. Ma tuna yavata koinuwasago kubiine, yawasa kuduba yavuna namada gwabinai koviiya.

Kolosei 2:19

Wawayisi na Keriso ivoterei, ma tuna na Keresiyana gayamina. Keriso tupuwina na tota vitumaghana damta, ina vibadana gaburinai na tuna kwarokwarona tupuwa ikabakabai da evovokikini. Ma God ina berai da Keriso tupuwina ini rewapana ma nota magura ina terei.

Kolosei 3:18

Tami wivine, kakawami kovotekatekesi da i vibadana gaburinai kona makai, iyamna iyavo kava Keriso rapenai na i biga da nakanani ina berai.

1 Pita 3:1

Wivine, tami bade kakawami kovotekatekesi da i vibadana gaburinai komakai. Ma mikeda kakawami God vonana ke iti tumaghanei na ke kona darusi da ini tumaghana. Ami yawasa maninina ina kitai na nota ina viiya da vitumaghana ini karei.