Taitas 1:11 - Patep

¹¹ He nêb he ob kô mone yuu susu vô xomxo, om he tɨxuu he ya môp nipaên wê o tɨyi wê il ob vông ge lêm. Om kɨyang wê he nêl ge vông xomxo hɨxôn he tae mae lie vô nipaên. Mêgem ông le vac he xôn ên he i o nêl kɨyang nipaên tibêge lêm.

Taitas 1:11 ပူးပေါင်းရင်းမြစ်များ

Matyu 23:13

“Xam wê xam xovô Moses xolac gee hɨxôn xam Palisi, xam tɨbii kɨtyooên, xam nɨlôm pɨtal pyap. Xam tung vuayen lag puunê lec ên xomxo. Xacxam va ob la vac lêm, lêc he wê nêb ob la vac Anutu ben ge xam le vac he xôn.

Yesu Kɨlisi xolac wê Luk kɨvuu ge 20:40

He nêl bêge, ên he xona om he nêb he ob kɨnêg kɨyang i tii vac vô Yesu lêm.

Yesu Kɨlisi xolac nivɨha wê Jon kɨvuu ge 10:12

Xomxo ti obêc viac sipsip nêb ob kô mone lec, lêc i o xomxo viacên nôn lêm, dɨ sipsip o tu ixe lêm, om xomxo tige obêc yê wê noo nipaên val ge od obêc sea sipsip dô dɨ pec mɨ la, dɨ noo nipaên obêc lam nga sipsip dɨ tii he la sea.

Kɨpihac wê Pol kɨvuu vô tɨbii Lom ge 3:19

Il xovô ên il nêbê kɨyang wê yêp vac xolac ge Anutu nêl vô xomxo wê dô vac xolac nɨlô ge ên nêb he i tɨmu vô, lêc il o tɨmu vô vɨhati lêm, om xomxo ti o tɨyi wê ob nêl vô Anutu bê i xomxo nivɨha wê tɨmu vô xolac vɨhati ge lêm. Nge, xomxo kɨbun ga vɨhati tɨyi wê ob tulec myavɨwen vô Anutu manôn ge.

2 Kolin 11:10

Kɨyang nôn wê Kɨlisi vông ge yêp vac a nɨlôg om a nêl hɨxôn nôn ên a nêbê a o kɨtaa susu ti vô xam lêm, dɨ xomxo vac vɨgwe levac Glik vɨhati ge ti o tɨyi wê ob le vac môp xôn ên kɨyang tige lêm.

1 Timoti 5:13

Dɨ he vêxôv wê gên dô vêxwo ge, he lê obêc yêp vac kɨpihac mɨ konglegesen viac he ya susu ge od he ob vô ni maên ên yuac, dɨ he ob la vɨlee vɨlee vô lie dɨ vôngên yuac ob ma. Dɨ he ob vông môp nipaên wê luu vêl ge hɨxôn bêga bê he ob la ngô xomxo nên kɨyang pyap dɨ la tɨyoo i la, dɨ he ob nêl kɨyang nipaên tɨyi wê xomxo vông vinên nêlên ob ma ge.

1 Timoti 5:4

Lêc vêxôv bue nue obêc dô ge od he i viac bu vêx tyo dɨ viac tae mae hɨxôn, i tɨyi wê he ob hi myavɨwen wê tae mae vông vô he ge. Ên he obêc viac tae mae bue nivɨha ge od Anutu ob yê he nivɨha.

1 Timoti 6:5

dɨ he kunacma vaxvax. Xomxo tibêgee sea kɨyang nôn om he pɨyôp vô yacyac. He so ên he nêb he obêc tɨmu vô Anutu vông môp ge od he ob tulec susu tɨbeac.

2 Timoti 2:18

Yuu sea kɨyang nôn dɨ nêl kɨyang kɨtyooên bêga ên nêbê, “Il kɨdi lec vac yibên pyap.” Yuu mi nêl bêge mɨ xomxo vông vinên ya ngô, om vông vinên wê he vông ge vô nipaên.

2 Timoti 3:6

Ên he ya nêl xolac kɨtyooên vô vêx wê o vông i vin xêkɨzêc lêm ge. Vêx tigee mi vông môp nipaên wê vông he nɨlô vô vɨyin ge, dɨ he vông pɨyôp la vô kɨyang nipaên tɨbeac.

Taitas 1:7

Ên he gyovɨxa wê ob viac Anutu yuac, om he i tɨmu vô môp nivɨha ên xomxo i o lêc tulec he nên nipaên ti lêm, dɨ he i o lêc kô he lec vô xomxo lêm, dɨ he xêyaa i o lêc vô myavɨnê lutibed lêm, dɨ he i o lêc num mɨ vô mavmav lêm, dɨ he i o lêc hi xomxo vaxvax lêm, dɨ he i o lêc doma vô mone i luu vêl lêm.

Taitas 1:9

dɨ he i hôm Anutu kɨyang nôn wê xomxo tɨxuu he ya ge xôn pɨlihi, ên he obêc hôm xôn pɨlihi ge od he tɨyi wê he ob nêl xolac nôn vô tɨbii dɨ hi he wê yax xolac vun ge nên kɨyang i tô.

Taitas 3:10

Xomxo ti obêc lam nêl kɨyang ti wê ob vông xomxo vông vinên hɨbu sea mɨ la le kɨdu kɨdu ge od ông nêl i nên nipaên vô i manôn lu ti me lu yuu. Lêc ngôên obêc ma ge od ông vô nɨmim vô i,