Sinale 8:9 - Patep

⁹ Xomxo ti dô Samelia lê nêbê Saimon. Saimon mi yong i nêbê i xomxo levac dɨ mi vông pɨleac om xomxo Samelia yê dɨ yetac ên.

Sinale 8:9 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 7:18

Ên xomxo ti obêc nêl ici va kɨyang ge od xovô nêb ob vông ici va lê i vô levac. Lêc xomxo ti obêc vông xomxo ti wê vông i lam ge lê i vô levac ge od i xomxo kɨyang nôn dɨ kɨyang kɨtyooên ti o yêp vac i nɨlô lêm.

Sinale 13:6

Mêd yon la tup vac vɨgwe nipwo vɨhati dɨ mɨla vɨgwe ti lê nêbê Pepos. Mêd yon tulec xomxo Yuda ti lê nêbê Ba-Jisas. Ba-Jisas ge plopet kɨtyooên ti wê mi vông vɨloo hɨxôn yevac ge,

Sinale 13:8

Lêc Ba-Jisas wê lê ngwe vac Glik vya nêbê Elimas ge nêl nipaên lec Banabas yuu Sol, ên nêb ob pɨlepac gavman levac tyo nɨlô ên i o lêc vông i vin Yesu lêm.

Sinale 5:36

Xam xovô pyap wê ilage Tiudas yong i nêb i xomxo levac, dɨ xomxo tɨbeac tɨyi 400 tɨmu vô i vɨxa, lêc gavman hi i yib dɨ xomxo vɨhati wê tɨmu vô i gee pec sea dɨ yuac wê he vông ge tô mɨ la.

Sinale 8:11

Dɨ he yetac ên do levac wê Saimon mi vông ila ila ge om he vô nɨnya lehe vô Saimon kɨyang.

2 Tesalonaika 2:4

Lêc xomxo nipaên tyo ob val le seac lê, lêc vông vevac vô Anutu nôn dɨ anutu baba wê xomxo vaci vɨnoo ge hɨxôn susu ngɨbua vɨhati yang, dɨ ob yong ici va lê ên nêbê i tu levac dɨ luu susu ngɨbua vêl. Om ob la vac Anutu xumac ngɨbua dɨ la dô dɨ kɨtyoo xomxo ên nêbê, “A ga a Anutu tyo mêga.”

2 Timoti 3:2

Ên xomxo ob tɨmu vô môp nipaên bêga nêbê he ob xovô heche va, dɨ he ob doma vô mone, dɨ he ob yong heche va lê, dɨ he ob kô he lec vô xomxo, dɨ he ob nêl xomxo lê nipaên, dɨ he ob vô nɨnya kɨtu vô tae mae, dɨ he ob pɨmil xomxo wê ngɨdu he xôn ge lêm, dɨ he ob la vac Anutu kɨyang kwa ngɨbi lêm,

2 Timoti 3:5

dɨ he ob yê da dɨ kɨtaa lê, lêc he nêl vac mya pɨleva, ên he vô nɨmi vô Anutu hɨxôn xêkɨzêc wê i vông ge. Timoti, ông le teva ên he wê mi vông môp nipaên tibêgee.

2 Pita 2:18

Xomxo tigee kô he lec dɨ keac vya levac lec kɨyang pɨleva wê nôn maên ge. Dɨ he kɨtyoo xomxo wê gên sea môp nipaên wê tɨbii madɨluhu vông ge, dɨ dɨdii he lax mɨ la vac môp yôdac hɨxôn môp nipaên wê he ninɨvi xovô ge.

Levelesen 22:15

Lêc xomxo nipaên, dɨ xomxo wê he mi vông yevac ge, dɨ he wê vông yôdac vêx yuu vux ge, dɨ he wê hi xomxo yib ge, dɨ he wê kɨtaa vô anutu kɨtyooên ge, dɨ he vɨhati wê xêyaa vin lec kɨyang kɨtyooên dɨ tɨmu vô ge, xomxo tigee wê he ob dô vɨxun ên Anutu ben dɨ ti tɨyiên ma wê ob la vac nɨlô ge.