Sinale 3:23 - Patep

²³ Lêc xomxo vɨhati wê obêc vô nɨnya kɨtu vô plopete tyo vya ge, Anutu obêc kɨtya he vêl, dɨ he ob dô hɨxôn Anutu nue tii vac lêm.’

Sinale 3:23 ပူးပေါင်းရင်းမြစ်များ

Yesu Kɨlisi xolac wê Mak kɨvuu ge 16:16

Dɨ xomxo ti obêc vông i vin dɨ lipac mia ge od Anutu obêc kɨtya i nên nipaên vêl dɨ ob dô mavɨha luta. Lêc xomxo ti obêc vông i vin lêm ge od ob tulec myavɨwen nipaên wê ob kɨtya i vêl ge.

Yesu Kɨlisi xolac nivɨha wê Jon kɨvuu ge 12:48

Xomxo ti obêc vô nɨmi vô a dɨ ngôên a kɨyang obêc ma ge od i nên wê ob yaxên i ge yêp, ên kɨyang wê a nêl ge obêc yaxên i vô buc tɨmuên.

Yesu Kɨlisi xolac nivɨha wê Jon kɨvuu ge 8:24

Kɨyang bêge om a nêl vô xam gwêba ên a nêbê xam obêc wib hɨxôn nêm nipaên. Ên xam obêc vông i vin bê a Anutu nu lêm ge, od xam obêc wib hɨxôn nêm nipaên.”

Sinale 2:41

Mêgem he wê vông i vin Pita kɨyang ge he lipac mia dɨ la dô hɨxôn xomxo vông vinên. He wê lipac mia lec buc tige, he tɨyi xocbê 3,000.

Hiblu 10:39

Kɨyang nêl bêge, lêc il o tɨyi xomxo wê sea vông vinên wê he vông ge wê Anutu kɨtya he vêl ge lêm. Nge, il vông i vin om il obêc dô madvɨha luta.

Hiblu 12:25

Xam viac xam dɨ le i lêc vô nɨnyam kɨtu vô Anutu kɨyang wê nêl vô xam ge lêm. Ilage Moses nêl Anutu kɨyang kɨtong vô he Islel, lêc he ngôên ma, om Anutu vông myavɨwen vô he dɨ he o tɨyi wê he ob pec ên myavɨwen tige lêm. Dɨ gwêbaga Anutu dô lag puunê dɨ vông kɨyang lam vô il. Om xam obêc vô nɨnyam kɨtu vô kɨyang wê Anutu vaci vông ge od xam ob pec ên myavɨwen nipaên wê Anutu ob vông vô xam ge lêm. Nge, xam obêc kô myavɨwen luu wê xomxo ilage kô ge vêl.

Hiblu 2:3

Lêc Yesu lê ngɨnoo angela vêl dɨ Yesu vông vɨzid levac vô il ên wê vô il vêl ên il nêd nipaên ge. Om il obêc vô nɨmid vô vɨzid levac tige ge od il ob pec ên myavɨwen nipaên wê Anutu ob vông vô il ge tibêna? Apumtau Yesu nêl taxlee ên nêbê obêc kɨtya il nêd nipaên vêl, dɨ xomxo wê ngô Yesu vya ge nêl kɨtong vô il hɨxôn ên nêbê, “Kɨyang tige vɨxôhɨlôg nôn.”

Levelesen 13:8

Om xomxo wê he lê o yêp vac Anutu kɨpihac lêm ge, he vɨhati ob yev vɨxa kɨtu vô bwoc vɨmen tige. Taxlee ilage wê Anutu gên o tung kɨbun hɨxôn susu vɨhati lêm ge od kɨvuu xomxo wê ob dô mavɨha luta lêc luta ge lê yêp vac kɨpihac wê bwoc Sipsip Nu vông ge, dɨ he tu i xe. Bwoc Sipsip Nu tige wê xomxo hi i yib ilage.

Levelesen 20:15

Anutu kɨtong kɨpihac ti wê he wê ob dô mavɨha ge lê yêp vac. Om xomxo ti va lê obêc ma ên kɨpihac tige ge od Anutu obêc nêx i la vac madia wê ngwax tum vac ge, dɨ i lê obêc yêp vac ge od ob dô mavɨha luta.