Sinale 3:2 - Patep

² Lêc yuu mɨla vô xomxo ti wê ta kô i hɨxôn vɨxa nipaên ge. Xomxo tyo, lie mi ken i mɨ la tɨyi lec buc vɨhati mɨ la tung i vô xumac ngɨbua vuayen ti wê he nêl lê nêbê vuayen nivɨha, ên xomxo tige mi kɨtaa nên mone vô xomxo wê la vac xumac ngɨbua ge.

Sinale 3:2 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 16:20

Dêc xomxo susu maên ge ti dô lênêbê Lasalas, lêc mi yêp vô xomxo susu tɨbeac tyo vuayen, ên nêb ob ya yaên myapɨpu wê tô mɨ la vac tevol kwa ngɨbi ge, lêc kɨtyax dô lec Lasalas ninɨvi vɨhati om noo lam mi tep lec.

Yesu Kɨlisi xolac wê Luk kɨvuu ge 18:35

Yesu mɨla kwabo vô vɨgwe Jeliko, lêc xomxo ma tocên ti dô vô môp nɨnya dɨ kɨtaa susu vô tɨbii,

Yesu Kɨlisi xolac nivɨha wê Jon kɨvuu ge 9:8

Mêd xomxo tige lie vɨyangtôv hɨxôn xomxo wê yê wê mi kɨtaa mone vô xomxo ge, he nêl vôma ên nêbê, “Xomxo ti wê mi dô dɨ kɨtaa mone vô xomxo ge, ge mêd xomxo tyo tige mê, me?”

Sinale 10:31

dɨ nêl vô a ên nêbê, ‘Konilias, Anutu ngô wê ông mi kɨtaa ge dɨ xovô susu nivɨha wê ông mi vông vô xomxo wê nên susu maên gee,

Sinale 10:4

Mêd Konilias yê ma la angela tige dɨ xona mabu dɨ kɨnêg ên nêbê, “Xomxo levac, vatya?” Mêd angela tige nêl ên nêbê, “Anutu ngô wê ông mi kɨtaa ge dɨ yê wê ông vông susu vô he wê nên susu maên gee om xovô môp wê ông mi vông ge pyap.

Sinale 14:8

Xomxo vux ti dô vɨgwe Listla, lêc ta kô i dɨ vɨxa vô xêlehelehe dɨ o mi vɨlee ti lêm. Mi dô kɨzêc.

Sinale 3:10

dɨ he xovô ên nêbê ge xomxo ti wê mi dô vô xumac ngɨbua vuayen lê nêbê vuayen nivɨha ge dɨ mi kɨtaa susu vô xomxo ge om he yetac mabu dɨ nga vɨgê ên wê tyo vô nivɨha lec ge.

Sinale 4:22

Xomxo ti wê yuu vông i vô nivɨha lec ge, klismas wê i vông ge kehe yuu (40).