Kɨpihac wê Pol kɨvuu vô tɨbii Lom ge 9:5 - Patep

⁵ dɨ he ge wê he pum lec Eblaham yuu Aisak dɨ Jekop wê he bue taxlee ge, dɨ Yesu lam tu xomxo gê kɨbun ga ge od kehe yêp vac Islel. Kɨlisi ge Anutu, dɨ ici va tu susu vɨhati kehe, om il ob pɨmil i lê i vô levac dɨ i yêp luta lêc luta. Nôn.

Kɨpihac wê Pol kɨvuu vô tɨbii Lom ge 9:5 ပူးပေါင်းရင်းမြစ်များ

Matyu 28:20

Dɨ xam tɨxuu he ya kɨyang vɨhati wê a nêl vô xam ge ên he i tɨmu vô. Xam ngô lê. A obêc dô hɨxôn xam i tɨyi buc vɨhati dɨ i loc tyip lec buc wê lag yuu kɨbun myahɨpu obêc tɨyôô vac ge.”

Matyu 6:13

Ông o lêc dɨdii xe mɨ loc vac kɨyang wê ob yaxên xe ge lêm. Nge, ông vô xe vêl ên nipaên vɨhati. [Ông Apumtau, ông xêpɨlihi dɨ xêkɨzêc dɨ ông xêseac kehe dɨ luta lêc luta. Kɨyang nôn.]

Yesu Kɨlisi xolac wê Luk kɨvuu ge 20:44

Devit nêl ên nêbê Kɨlisi ge Apumtau, om bêna lêc xomxo nêl ên nêbê Kɨlisi ge Devit bue tɨmuên ti?”

Yesu Kɨlisi xolac nivɨha wê Jon kɨvuu ge 10:30

Xii xôn Mag, nôn tibed.”

Sinale 20:28

Om xam viac xam dɨ xam viac Anutu nue vɨhati, ên Myakɨlôhô Ngɨbua vɨnoo xam nêb xam viac he. Xam viac he i nivɨha, ên Apumtau kɨsuu he ya hi wê ici va vông ge.

Sinale 3:13

Anutu ti wê Eblaham yuu Aisak dɨ Jekop dɨ il buge he Anutu, ge wê vông i nu yuac Yesu lê vô levac. Lêc xomxo tyo ti wê xam vông i la vac Pailat vɨgê dɨ Pailat nêb ob pɨwelac i vêl, lêc xam yax i vun vô Pailat manôn.

Kɨpihac wê Pol kɨvuu vô tɨbii Lom ge 1:25

Xomxo tigee sea Anutu kɨyang nôn dɨ vông i vin kɨyang kɨtyooên. Mêd he sea Anutu wê tu susu vɨyang vɨyang ge kehe ge dɨ la yev vɨxa kɨtu vô dɨ kɨtaa vô susu wê Anutu tung ge. Lêc Anutu ge mavɨha kehe mêgem il ob pɨmil i lê i vô levac dɨ i yêp luta lêc luta. Nôn.

Kɨpihac wê Pol kɨvuu vô tɨbii Lom ge 1:3

Xolac tiga nêl lec Anutu nu Yesu wê lam tu xomxo gê kɨbun ga, vac hɨpu wê Devit vông ge,

Kɨpihac wê Pol kɨvuu vô tɨbii Lom ge 10:12

Kɨyang tige nêl lec xomxo vɨhati yang, ên Anutu ob yê xomxo Yuda hɨxôn tɨbii ba vɨhati tɨyima, ên Apumtau ge xomxo vɨhati yang, he Apumtau, om obêc vông vɨzid nivɨha vô xomxo vɨhati wê he kɨyag vya lec i ge.

Kɨpihac wê Pol kɨvuu vô tɨbii Lom ge 11:28

Xomxo Islel o vông i vin Yesu xolac lêm, om tɨyi xocbê he vông vevac vô Anutu dɨ Anutu yê he nipaên, om Anutu vông vɨzid loc vô xam wê tɨbii ba ge. Lêc Anutu xêyaa vin lec Islel ên wê vɨnoo he ilage, om xovô kɨyang wê hɨlu vô he bue ilage, dɨ o sea he lêm.

1 Kolin 14:16

Ên ông kɨnum vaci obêc pɨmil Anutu vac vya xôpacên ge od xomxo ti wê ngô kɨtaaên wê ông kɨtaa ge o tɨyi wê ob lee yuu hɨxôn ge lêm, ên o xovô kɨyang tige kehe lêm.

2 Kolin 11:31

Il lig Apumtau Yesu ma Anutu xovô pyap ên nêbê kɨyang wê a nêl ga, a o kɨtyoo lêm. Il ob pɨmil Anutu lê i vô levac dɨ i yêp luta lêc luta.

1 Timoti 3:16

Anutu kɨyang nôn ge kehe levac mabu, om xomxo ti o tɨyi wê ob yax vun bê xolac nôn maên ge lêm. Kɨyang tige kehe nêl bêga ên nêbê, Kɨlisi lam tu xomxo kɨbun ga mɨ xomxo yê i, dɨ Myakɨlôhô Ngɨbua nêl kɨtong ên nêbê Kɨlisi ge xomxo nivɨha. Angela yê i, dɨ xomxo la nêl i kɨtong vac vɨgwe vɨyang vɨyang, dɨ xomxo kɨbun ga vông i vin i, dɨ Anutu kô i mɨ lax mɨ la lag puunê.

1 Timoti 6:15

Buc wê Yesu ob lop mɨ lôm ge yêp vô Anutu vaci wê tu môp xêyaa nivɨha kehe, dɨ ici va tibed tu il nêd levac wê viac il ge. Anutu ge king vɨhati nên king, dɨ xomxo levac vɨhati nên levac,

2 Timoti 2:8

Ông xovô kɨyang lec Yesu Kɨlisi i tii vac. Yesu pum lec Devit dɨ yib dɨ kɨdi lec mavɨha vac yibên. Kɨyang tiga xolac nivɨha wê a mi nêl ge.

Hiblu 7:24

Lêc Yesu ge wê kô yuac Hetplis dɨ ob dô luta, om ob vông yuac Hetplis sox vac xomxo ngwe lêm.

1 Jon 5:20

Il xovô ên il nêbê Anutu nu tuc lam vông xovôên vô il ên nêb il xovô Anutu nôn. Mêd gwêbaga il dô vac Anutu yuu nu tuc Yesu Kɨlisi nɨlô. Dɨ Anutu ge, Anutu nôn vɨxôhɨlôg dɨ mavɨha kehe wê il ob dô madvɨha luta lêc luta ge.

Levelesen 1:18

dɨ a dô magvɨha. Ilage a xib, lêc a kɨdi lec magvɨha tii vac nang. Om wê lê, a obêc dô magvɨha luta lêc luta, dɨ a kô ki wê Seten ben hɨxôn yibên ge.

Levelesen 22:16

“A, Yesu, a vông a angela ti loc vô xam pyap ên a nêb i nêl kɨyang tiga kɨtong vô xomxo vông vinên vac konglegesen vɨhati. A kehe yêp vac Devit dɨ a tɨyi xocbê pɨtua wê linac vɨgwe vɨdiiên ge.”

Levelesen 22:20

Yesu wê nêl kɨyang tiga vɨhati kɨtong ge nêl gwêbaga ên nêbê, “Vɨxôhɨlôg nôn. A obêc vena lutibed.” A, Jon, a lee yuu ên a nêbê kɨyang nôn. Apumtau Yesu, ông lôm lam.

Levelesen 5:14

Dɨ lɨlii mavɨha yuudɨyuu ge nêl ên nêbê, “Nôn!” Mêdêc gyovɨxa vɨhati la yêp kɨpôm manôn vac kɨbun vô yuu dɨ pɨmil yuu.