Kɨpihac wê Pol kɨvuu vô tɨbii Lom ge 9:4 - Patep

⁴ Ên xomxo Islel ge, Anutu vɨnoo he nêb i nue, dɨ xêkɨzêc hɨxôn xêseac wê Anutu vông ge lam le seac vô he mɨ he yê, dɨ Anutu hɨlu kɨyang vô he dɨ vông xolac vô he, dɨ nêl môp wê he ob si daa dɨ kɨtaa vô Anutu ge, dɨ hɨlu kɨyang ya hɨxôn vô he,

Kɨpihac wê Pol kɨvuu vô tɨbii Lom ge 9:4 ပူးပေါင်းရင်းမြစ်များ

Matyu 21:33

“Xam ngô kɨyang pɨlepacên ngwe. Xomxo ti bin yuac levac wê i vông ge dɨ xin wain vac dɨ ku xenac kɨsuu lec, dɨ yev lôva ti wê xomxo ob gig wain nôn vac ge dɨ lox xumac wê xomxo ob dô vac dɨ yê yuac xôn ge. Om vông yuac tige vac tɨbii ya vɨgê ên nêb he i viac. Pyap dêc xomxo tyo la dô vac vɨgwe teva ngwe.

Yesu Kɨlisi xolac nivɨha wê Jon kɨvuu ge 1:17

Ilage Anutu nêl xolac vô Moses mɨ i nêl vô xomxo, lêc xêyaa vin lecên hɨxôn kɨyang nôn, Yesu Kɨlisi vaci kô mɨ lam.

Yesu Kɨlisi xolac nivɨha wê Jon kɨvuu ge 1:47

Mêd Yesu yê wê Nataniel val vô i ge, om nêl lec i ên nêbê, “Wê, ge xomxo Islel nivɨha ti, wê kɨyang kɨtyooên ti o yêp vac i nɨlô ge lêm.”

Sinale 2:39

Ên Anutu hɨlu kɨyang pyap ilage nêb ob vông Myakɨlôhô Ngɨbua vô xam hɨxôn xam nume dɨ xomxo wê dô teva ge hɨxôn, om ob vông vô he vɨhati wê il Apumtau Anutu tyuc he nêb he i lam vô i ge.”

Kɨpihac wê Pol kɨvuu vô tɨbii Lom ge 3:2

Xam wê. Yuda tulec vɨzid levac luu xomxo baba ge vêl. Vɨzid taxlee bêga nêbê Anutu vɨnoo he dɨ nêl i xolac vô he nêb he i viac.

Kɨpihac wê Pol kɨvuu vô tɨbii Lom ge 8:15

Ên Anutu o vông Myakɨlôhô Ngɨbua vô il ên nêb il dô i tɨyi xocbê xomxo wê nipaên hôm he xôn dɨ he xona ge lêm. Nge, Myakɨlôhô Ngɨbua wê Anutu vông vô il ge vông il tu Anutu nue nôn, dɨ xêkɨzêc wê Myakɨlôhô Ngɨbua vông ge vông il keac vô Anutu ên il nêbê, “Mag.”

Kɨpihac wê Pol kɨvuu vô tɨbii Lom ge 9:6

Vɨxôhɨlôg, xomxo Islel vô nɨmi vô Anutu kɨyang, lêc kɨyang wê Anutu hɨlu vô he ge o tɨyi wê ob sea he ge lêm. Ên kɨyang tige obêc vô nôn lec vô he Islel nôn. Lêc xomxo wê kô lê Islel ge, he ya o tu Anutu nue Islel nôn lêm.

2 Kolin 11:22

Xomxo ti obêc nêb i Hiblu ge od a êno, a Hiblu. Dɨ ti obêc nêb i Islel ge od a êno a Islel. Dɨ ti obêc nêb i kehe Eblaham ge od a êno kehe yêp vac Eblaham.

Galesia 3:16

Kɨyang tige tɨyi xocbê Anutu hɨlu vô Eblaham ên nêb ob vông vô i hɨxôn i bue tɨmuên ti ge. Kɨyang tige, Anutu o nêl ên nêb ob vông vô Eblaham bue vɨhati lêm. Nge, ob vông vô bu tɨmuên tibed. Ge nêl lec Yesu Kɨlisi.

Epesas 2:12

Vɨxôhɨlôg, ilage xam le teva ên Kɨlisi, dɨ xam dô nɨnya ên xe Islel. Dɨ Anutu hɨlu kɨyang ên nêb obêc vông vɨzid nivɨha vô xe Yuda, lêc o nêl bêga vô xam tɨbii ba hɨxôn lêm. Xam dô kɨbun ga, lêc xam o dô bin susu nivɨha ti wê ob val vô xam tɨmuên ge lêm, dɨ xam lungên Anutu.

Hiblu 9:1

A ob nêl kɨtong lec môp tɨkwê wê Anutu vông vô Moses ge. Anutu hɨlung môp wê he Islel ob vông lɨlo vô i ge, dɨ nêl kɨyang vô he ên nêbê he i lox xumac lɨlo sel ti i le kɨbun ga.

Hiblu 9:10

Dɨ môp wê he vông ge xocbê môp yaên yuu mia numên dɨ mia lipacên, môp tigee ngɨdu ninɨvi pɨleva xôn. Lêc Anutu vông môp tigee vô he ên nêb he i tɨmu vô, dɨ i loc tyip lec buc tɨmuên wê ici va obêc vông môp paha ge.

Hiblu 9:3

Mêd he yu nivɨmihi levac yux kɨsuu xumac nɨlô ngwe wê yêp tɨmuên ge lec. Dɨ he nêl ên nêbê xumac nɨlô ngwe wê yêp tɨmuên ge xumac nɨlô ngɨbua wê ngɨbua nôn.

Hiblu 9:5

Mêd he sev xax xocbê angela ge yuu dɨ lipac gol lec dɨ lax yuu le lec kɨlong tige kɨsii dɨ yuule vɨlu vɨlu dɨ vɨnihi wê yuu vông ge tɨdii mɨ la le kɨsii. Yuu tɨxuu lec xêseac wê Anutu vông ge. Vac angela yuu mahɨgun ge Hetplis mi hɨvip bwoc hi la lec kɨlong kɨsii ên nipaên wê he Islel vông ge. Susu mangwe yêp vac xumac lɨlo sel tige hɨxôn, lêc a ob nêl kɨyang dia lec susu vɨhati lêm.

Hiblu 9:6

Susu wê he vông vac xumac lɨlo sel ge a nêl gwêbaga. Om a ob nêl kɨyang lec xomxo wê mi vông yuac daa siên ge. He mi la vac xumac lɨlo sel nɨlô ngwe wê yêp tax ge dɨ vông he yuac tɨyi xocbê xolac wê Anutu vông vô Moses ge.