Kɨpihac wê Pol kɨvuu vô tɨbii Lom ge 8:9 - Patep

⁹ Lêc xam o dô vac môp nipaên kɨbun ga lêm. Nge, xam dô vac môp wê Myakɨlôhô Ngɨbua vông ge, ên Myakɨlôhô Ngɨbua dô vac xam nɨlôm. Lêc xomxo ti, Myakɨlôhô Ngɨbua wê Kɨlisi vông ge obêc dô vac i nɨlô lêm ge od ob tu Kɨlisi nu lêm.

Kɨpihac wê Pol kɨvuu vô tɨbii Lom ge 8:9 ပူးပေါင်းရင်းမြစ်များ

Yesu Kɨlisi xolac wê Luk kɨvuu ge 11:13

Xam ga xomxo kɨbun nimpaên, lêc xam mi vông susu nivɨhavɨha vô nume, om xam xovô bêga bê il Mag Anutu lag puunê nêb ob vông susu nivɨhavɨha luu vêl vô il om ob vông Myakɨlôhô Ngɨbua vô xomxo wê kɨtaa i ge.”

Yesu Kɨlisi xolac nivɨha wê Jon kɨvuu ge 14:17

Ge Myakɨlôhô Ngɨbua wê ob nêl kɨyang nôn, lêc xomxo kɨbun ga o tɨyi wê ob kô i lec nivɨha ge lêm, ên he o xovô i lêm. Lêc xam xovô i pyap, ên mi dô hɨxôn xam dɨ obêc dô vac xam nɨlôm.

Yesu Kɨlisi xolac nivɨha wê Jon kɨvuu ge 14:23

Om Yesu luu i vya ên nêbê, “Xomxo ti xêyaa obêc vin lec a ge od obêc viac kɨyang wê a nêl ge nivɨha, dɨ Mag xêyaa obêc vin lec xomxo tige dɨ xii Mag ob la dô hɨxôn i.

Yesu Kɨlisi xolac nivɨha wê Jon kɨvuu ge 3:34

Xomxo ti wê Anutu vông i lam ge, nêl Anutu kɨyang, ên Anutu vông Myakɨlôhô Ngɨbua hɨvun i xôn.

Yesu Kɨlisi xolac nivɨha wê Jon kɨvuu ge 3:6

Xomxo kɨbun ga kô nue kɨbun ga, dom Myakɨlôhô Ngɨbua obêc vông xomxo vô paha lec ge, od vông he tu Anutu nue.

Sinale 16:7

Mêd he mɨla vɨgwe Misia dɨ xo nêb he ob la vɨgwe Bitinia, lêc Myakɨlôhô Ngɨbua wê Yesu vông ge le vac he xôn nêb he locên Bitinia i ma.

Kɨpihac wê Pol kɨvuu vô tɨbii Lom ge 7:5

Ilage il tɨmu vô môp tɨyi wê icil va xovô ge, lêc kɨyang wê yêp vac Moses xolac ge vông nipaên wê yêp vac il nɨlôd ge kɨdu il om il vông môp nipaên. Dɨ nipaên vông yuac vac il nidnɨvi om vông il tulec nôn wê yibên ge.

Kɨpihac wê Pol kɨvuu vô tɨbii Lom ge 8:1

Mêgem il wê il vông i vin Yesu Kɨlisi ge, myavɨwen wê xomxo ob kô lec nên nipaên ge, ti ob tulec il lêm.

Kɨpihac wê Pol kɨvuu vô tɨbii Lom ge 8:11

Anutu tɨpi vô Yesu Kɨlisi kɨdi lec vac yibên, om Myakɨlôhô Ngɨbua wê Anutu vông ge obêc dô vac xam nɨlôm ge od Anutu obêc vông Myakɨlôhô Ngɨbua tɨpi vô xam nimnɨvi wê ob yib ge kɨdi lec mavɨha nang.

Kɨpihac wê Pol kɨvuu vô tɨbii Lom ge 8:2

Ên ilage il dô vac môp nipaên yuu yibên, lêc Myakɨlôhô Ngɨbua vô il vêl dɨ vông il dô madvɨha hɨxôn Yesu Kɨlisi.

1 Kolin 15:23

Lêc xomxo vɨhati ge obêc kɨdi lec mavɨha lec he buc, ên Kɨlisi kɨdi lec tax, om il ob xovô bêga bê buc tɨmuên wê Kɨlisi obêc vena lec ge, od il wê il tu i nue ge il ob kɨdi lec nang.

1 Kolin 3:16

Xam ngô lê. Xam ge, Anutu xumac ngɨbua xam, dɨ Myakɨlôhô Ngɨbua dô vac xam nɨlôm. Lêc mêd xam lungên kɨyang tige?

1 Kolin 6:17

Lêc xomxo ti obêc vông i vin Apumtau ge od yuu xôn ob dô nôn tamaên tibed.

1 Kolin 6:19

Xam nimnɨvi ge tɨyi xocbê xumac ngɨbua wê Myakɨlôhô Ngɨbua ob dô vac ge, lêc mêd xam o xovô tige lêm? Anutu vông Myakɨlôhô Ngɨbua lam dô vac xam nɨlôm. Om xacxam va o tu xam kehe lêm,

2 Kolin 10:7

Xam xovô kɨyang wê yêp vô xam mamnôn ge lê. Xomxo ti obêc xovô nêb i tu Kɨlisi xe pyap ge od i xovô bêga bê xe êno tu Kɨlisi xe tɨyi xocbê i ge.

2 Kolin 6:16

Anutu xumac ngɨbua hɨxôn xumac wê anutu kɨtyooên vông ge, yuu xôn tɨyima, me? Xam xovô bê il tu xumac ngɨbua wê Anutu mavɨha vông ge, tɨyi xocbê kɨyang wê Anutu nêl mɨ i yêp bêga ên nêbê, “A ob dô vac he mahɨgun dɨ tup vac he, dɨ a ob tu he Anutu, dɨ he ob tu a nuge.”

Galesia 4:6

Il tu Anutu nue pyap, mêgem Anutu vông Myakɨlôhô Ngɨbua wê nu Yesu vông ge lam dô vac il nɨlôd om il keac ên il nêbê, “Mag.”

Galesia 5:24

Il wê il tu Yesu Kɨlisi xe ge, il hi nɨlôd yuu xovôên nipaên wê kɨdu il ge lec xax pola mɨ i yib mɨ la vêl.

Epesas 1:13

Xam êno, xam ngô Anutu kɨyang nôn. Kɨyang tige kɨyang nivɨha wê nêl bêga ên nêbê Kɨlisi vô il vêl ên il nêd nipaên. Xam ngô dɨ vông i vin Kɨlisi dɨ tu i nue, om Anutu vông i tɨyi kɨyang wê hɨlu pyap ilage dɨ vông Myakɨlôhô Ngɨbua lam dô vac xam nɨlôm tɨyi xocbê Anutu vɨnoo xam pyap.

Epesas 2:22

Xam êno vông i vin Yesu, om Anutu vɨlu vô il vɨhati dô tibed om il xôn vɨhati tu Anutu xumac ngɨbua wê Anutu hɨxôn Myakɨlôhô Ngɨbua ob dô vac ge.

Epesas 3:17

Dɨ a kɨtaa vô Anutu ên a nêbê i vông Kɨlisi i lam dô vac xam nɨlôm ên wê xam vông i vin i ge, dɨ i vông môp xêyaa vin lecên i vô levac vô xam ên xam le xêkɨzêc ya, i tɨyi xocbê xax ngɨlôhô la vac kɨbun dɨ hôm yatôv xôn dɨ i le pɨlihi ge.

Pilipai 1:19

Vɨxôhɨlôg, a nɨlôg vô nivɨha gwêbaga dɨ ob vô nivɨha tɨmuên hɨxôn, ên a xovô ên a nêbê xam mi kɨtaa lec a, dɨ Myakɨlôhô Ngɨbua wê Yesu Kɨlisi vông ge mi ngɨdu a xôn om ob vô a vêl ên vɨyin tiga.

2 Timoti 1:14

Myakɨlôhô Ngɨbua dô vac il nɨlôd, om ông viac kɨyang nôn wê Anutu vông vac ông vɨgêm ge i nivɨha ya xêkɨzêc wê Myakɨlôhô Ngɨbua vông ge.

1 Pita 1:11

Myakɨlôhô Ngɨbua wê Yesu Kɨlisi vông ge dô vac he plopete nɨlô dɨ nêl vô he bêga nêbê, “Obêc buc tɨmuên ge xomxo ti obêc lam kɨlê vɨyin toto pyap. Nang dêc obêc la kô xêseac yuu lê levac.” Myakɨlôhô Ngɨbua vông xovôên tibêge vô he dɨ he ngô, lêc he o xovô kehe lêm, om he kɨnêg ên nêbê, “Xomxo tyo obêc val lec buc tina dɨ ob val tibêna?”

1 Jon 3:24

Xomxo wê tup vô Anutu xolac ge, ge wê dô vac Anutu nɨlô dɨ Anutu dô vac he nɨlô. Dɨ Myakɨlôhô Ngɨbua wê Anutu vông vô il ge vông xovôên vô il ên nêbê Anutu dô vac il nɨlôd.

1 Jon 4:13

Anutu vông Myakɨlôhô Ngɨbua lam dô vac il nɨlôd, om vông xovôên vô il ên nêbê il dô vac Anutu nɨlô dɨ Anutu dô vac il nɨlôd.

1 Jon 4:4

Xam nuge, xam ge Anutu nue, om xam pwoo plopete kɨtyooên pec pyap, ên Myakɨlôhô Ngɨbua wê dô vac xam nɨlôm ge xêkɨzêc wê i vông ge luu xêkɨzêc wê dô vac xomxo kɨbun ga nɨlô ge vêl.

Levelesen 13:8

Om xomxo wê he lê o yêp vac Anutu kɨpihac lêm ge, he vɨhati ob yev vɨxa kɨtu vô bwoc vɨmen tige. Taxlee ilage wê Anutu gên o tung kɨbun hɨxôn susu vɨhati lêm ge od kɨvuu xomxo wê ob dô mavɨha luta lêc luta ge lê yêp vac kɨpihac wê bwoc Sipsip Nu vông ge, dɨ he tu i xe. Bwoc Sipsip Nu tige wê xomxo hi i yib ilage.

Levelesen 20:15

Anutu kɨtong kɨpihac ti wê he wê ob dô mavɨha ge lê yêp vac. Om xomxo ti va lê obêc ma ên kɨpihac tige ge od Anutu obêc nêx i la vac madia wê ngwax tum vac ge, dɨ i lê obêc yêp vac ge od ob dô mavɨha luta.