Kɨpihac wê Pol kɨvuu vô tɨbii Lom ge 8:1 - Patep

¹ Mêgem il wê il vông i vin Yesu Kɨlisi ge, myavɨwen wê xomxo ob kô lec nên nipaên ge, ti ob tulec il lêm.

Kɨpihac wê Pol kɨvuu vô tɨbii Lom ge 8:1 ပူးပေါင်းရင်းမြစ်များ

Yesu Kɨlisi xolac nivɨha wê Jon kɨvuu ge 14:20

Obêc buc tige od xam obêc xovô bê a dô vac Mag nɨlô dɨ xam dô vac a nɨlôg, dɨ a dô vac xam nɨlôm.

Yesu Kɨlisi xolac nivɨha wê Jon kɨvuu ge 15:4

Xam dô vac a nɨlôg dɨ a ob dô vac xam nɨlôm. Ên xam obêc dô vac a nɨlôg lêm ge od xam ob vô nôn ti lêm, tɨyi xocbê xax ngen obêc kɨtiv lec xax yatôv lêm ge od ob vuac nôn ti lêm.

Yesu Kɨlisi xolac nivɨha wê Jon kɨvuu ge 5:24

“A nêl hɨxôn nôn vô xam bê xomxo wê ngô a kɨyang dɨ vông i vin xomxo ti wê vông a lam ge, xomxo tigee ob dô mavɨha luta lêc luta, dɨ he ob tulec myavɨwen nipaên ti lêm, ên Anutu xovô pyap nêb ob vô he vêl ên yibên dɨ vông he dô mavɨha luta lêc luta.

Kɨpihac wê Pol kɨvuu vô tɨbii Lom ge 16:3

Xam nêl vɨdiiên i loc vô Plisila yuu lɨya Akwila, wê xen xôn vông yuac wê Yesu Kɨlisi vông ge.

Kɨpihac wê Pol kɨvuu vô tɨbii Lom ge 16:7

Dɨ xam nêl vɨdiiên i loc vô Andlonikas yuu Junias. Yuu ge a lige Yuda wê xen xôn dô vac kalabuhu lec xolac wê xen mi nêl ge. Yuu vông i vin tax, dɨ a vông i vin tɨmuên, dɨ sinale vɨyang vɨyang xovô yuu nêb yuu xomxo nivɨha.

Kɨpihac wê Pol kɨvuu vô tɨbii Lom ge 5:1

Il vông i vin Yesu om Anutu yê nêb il xomxo nivɨha, mêgem il lig Apumtau Yesu Kɨlisi vông Anutu xêyaa myavɨnê tip la dɨ tung il la dô vac xêyaa vin lecên wê Anutu vông ge.

Kɨpihac wê Pol kɨvuu vô tɨbii Lom ge 5:16

Om vɨzid wê Anutu vông pɨleva vô il ge, nôn o tɨyi xocbê nôn wê yêp vac nipaên wê Adam vông ge lêm. Ên Adam vông môp nipaên om Anutu yaxên lêc nêbê xomxo ob yib mɨ la vac nipaên. Dom xomxo wê tɨmuên gee he pwoo Anutu kɨyang vac, lêc Anutu xo vɨgwe pɨsiv ên he dɨ vông vɨzid yuu malehe vô he bêga nêbê kɨtya he nên nipaên vêl dɨ yê nêb he xomxo nivɨha.

Kɨpihac wê Pol kɨvuu vô tɨbii Lom ge 7:17

Lêc ge aca va o vông môp nipaên ge lêm. Nge, nipaên wê yêp vac a nɨlôg ge môci vông.

Kɨpihac wê Pol kɨvuu vô tɨbii Lom ge 7:20

Om môp nipaên wê a vông ge, ge o aca va vông lêm. Nge, nipaên wê yêp vac a nɨlôg ge môci vông.

Kɨpihac wê Pol kɨvuu vô tɨbii Lom ge 8:11

Anutu tɨpi vô Yesu Kɨlisi kɨdi lec vac yibên, om Myakɨlôhô Ngɨbua wê Anutu vông ge obêc dô vac xam nɨlôm ge od Anutu obêc vông Myakɨlôhô Ngɨbua tɨpi vô xam nimnɨvi wê ob yib ge kɨdi lec mavɨha nang.

Kɨpihac wê Pol kɨvuu vô tɨbii Lom ge 8:14

Xomxo wê tɨmu vô môp wê Myakɨlôhô Ngɨbua vông ge, he tu Anutu nue.

Kɨpihac wê Pol kɨvuu vô tɨbii Lom ge 8:2

Ên ilage il dô vac môp nipaên yuu yibên, lêc Myakɨlôhô Ngɨbua vô il vêl dɨ vông il dô madvɨha hɨxôn Yesu Kɨlisi.

Kɨpihac wê Pol kɨvuu vô tɨbii Lom ge 8:34

Om letya ob nêl nêbê xomxo vông vinên ob kô myavɨwen nipaênê? Xomxo ti o tɨyi wê ob nêl ge lêm, ên Yesu Kɨlisi yib mɨ kɨdi lec mavɨha nang, dɨ lax dô vô Anutu vɨgê hɨyôv dɨ kɨtaa vô Anutu ên nêb i ngɨdu il xôn.

Kɨpihac wê Pol kɨvuu vô tɨbii Lom ge 8:39

dɨ susu wê dô vac lag hɨxôn susu wê dô lec kɨbun, dɨ susu yaya hɨxôn, susu tigee vɨhati o tɨyi wê ob vô il vêl ên xêyaa vin lecên wê Anutu vông ge lêm. Ên il dô vac xêyaa vin lecên wê Anutu vông ge lec yuac wê il lig Apumtau Yesu Kɨlisi vông ge.

Kɨpihac wê Pol kɨvuu vô tɨbii Lom ge 8:4

Anutu vông bêge, ên nêb il tɨmu vô môp nivɨha wê xolac nêl ge dɨ vông i vô nôn lec. Om il ob la vô môp nipaên wê yêp vô icil va ge lêm. Nge, il ob la vô môp wê Myakɨlôhô Ngɨbua vông ge.

Kɨpihac wê Pol kɨvuu vô tɨbii Lom ge 8:9

Lêc xam o dô vac môp nipaên kɨbun ga lêm. Nge, xam dô vac môp wê Myakɨlôhô Ngɨbua vông ge, ên Myakɨlôhô Ngɨbua dô vac xam nɨlôm. Lêc xomxo ti, Myakɨlôhô Ngɨbua wê Kɨlisi vông ge obêc dô vac i nɨlô lêm ge od ob tu Kɨlisi nu lêm.

1 Kolin 1:30

Anutu vông xam la dô hɨxôn Yesu Kɨlisi. Ên Kɨlisi ge wê hɨlung pɨyôp wê Anutu vông ge yêp seac vô il, dɨ Kɨlisi vaci vô il vêl ên il nêd nipaên, dɨ Anutu yê il nêb il xomxo nivɨha lec yuac wê Kɨlisi vông ge, dɨ Kɨlisi vông il dô vac môp vɨlu wê nivɨha ge.

1 Kolin 15:22

Ên xomxo wê pum lec Adam ge vɨhati obêc yib, dɨ xomxo wê vông i vin Kɨlisi ge vɨhati obêc kɨdi lec mavɨha.

2 Kolin 12:2

Xomxo wê vông i vin Kɨlisi ge ti dô, lêc Anutu kô i mɨ la lag puunê ti wê vông yon ge. Ge ilatɨkwê dɨ klismas vɨgê yuu dɨ tô mɨ la yuudɨyuu la vêl. Xomxo tige ninɨvi la, me ninɨvi dô dɨ kɨnu vaci la, ge a lungên. Anutu vaci yê.

2 Kolin 5:17

Xomxo ti obêc vông i vin dɨ tu Kɨlisi xe ge od Anutu obêc vông xomxo tige nɨlô vô paha lec. Xam ngô lê. Môp tɨkwê tip la, dɨ môp paha val gwêbaga.

Galesia 3:13

Moses xolac nêl kɨtong nêbê il ob kô myavɨwen lec nipaên wê il vông ge. Mêlêc Kɨlisi vô il vêl ên myavɨwen tige, ên ici va kô myavɨwen nipaên wê il vông ge, tɨyi xocbê kɨyang wê yêp vac Moses xolac bêga nêbê, “Xomxo wê yux lec xax ge, ge wê kô myavɨwen nipaên vô Anutu.”

Galesia 3:26

Xam vɨhati tu Anutu nue pyap ên wê xam vông i vin Yesu Kɨlisi ge.

Galesia 3:28

Dɨ xam vɨhati tu nôn tibed ên wê xam vông i vin Yesu Kɨlisi ge. Om il ob xê il i tɨyi xocbê kɨdu kɨdu lêm, xocbê Yuda yuu tɨbii ba, dɨ xomxo pɨleva yuu xomxo wê lê levac ge, dɨ vêx yuu vux toto ge lêm. Ên il vɨhati ga, il tɨyima.

Galesia 5:16

Mêgem a ob nêl vô xam bê xam tɨmu vô môp wê Myakɨlôhô Ngɨbua vông ge, dɨ xam o lêc tɨmu vô môp nipaên wê xacxam va xovô ên nêb xam ob vông ge lêm.

Galesia 5:25

Myakɨlôhô Ngɨbua vông il dô madvɨha, mêgem il ob tɨmu vô môp wê Myakɨlôhô Ngɨbua vaci vông ge.

Epesas 1:1

A, Pol wê Anutu vɨnoo a ya xovôên wê ici va vông ge ên nêb a tu Yesu Kɨlisi nu sinale ti. A kɨvuu kɨyang tiga vô xam Epesas wê xam tu Anutu nue dɨ xam vông i vin Yesu Kɨlisi ge.

Pilipai 3:9

dɨ dô hɨxôn i. Ilage a xo bêga ên a nêb Moses xolac wê a mi tɨmu vô ge ob vông Anutu yê a nivɨha dɨ nêl bê a xomxo bôbac ti. Lêc gwêbaga a o xo bêge lêm. Nge, a xo ên a nêbê Anutu ob yê a nivɨha dɨ nêl bê a xomxo bôbac ên wê a vông i vin Kɨlisi ge. Om môp tibed wê Anutu ob yê xomxo nivɨha ge, ge môp vông vinên.