Kɨpihac wê Pol kɨvuu vô tɨbii Lom ge 4:11 - Patep

¹¹ Ên buc wê ninɨvi gôlên gên ma ge od Eblaham vông i vin Anutu tax dɨ Anutu yê nêb i xomxo nivɨha. Pyap dêc gôl ninɨvi tɨmuên ên nêbê môp ninɨvi gôlên i nêl kɨtong bê Anutu yê Eblaham nêb i xomxo nivɨha ên wê vông i vin ge. Mêgem tɨbii wê ninɨvi gôlên ma gee, lêc he vông i vin Anutu dɨ Anutu yê he nivɨha, om Eblaham tɨyi xocbê he bu.

Kɨpihac wê Pol kɨvuu vô tɨbii Lom ge 4:11 ပူးပေါင်းရင်းမြစ်များ

Matyu 16:16

Om Saimon Pita nêl lax vô i ên nêbê, “Ông Kɨlisi, Anutu mavɨha nu ông.”

Matyu 8:11

“A nêl vô xam bêga bê tɨbii tɨbeac ob kɨdi vac vɨgwe wê hɨyôv tyip lam ge dɨ vɨgwe wê hɨyôv hoo la ge dɨ la dô mɨ ya hɨxôn Eblaham yuu Aisak yon Jekop vac Anutu ben lag puunê.

Yesu Kɨlisi xolac wê Luk kɨvuu ge 19:9

Mêgem Yesu nêl vô i ên nêbê, “Gwêbaga Anutu kɨtya xam xumac tiga nêm nipaên vêl dɨ xam tu Anutu nue, ên ông ge, ông Eblaham tɨvae ti êno.

Yesu Kɨlisi xolac nivɨha wê Jon kɨvuu ge 3:33

Lêc xomxo wê ngô dɨ vông i vin kɨyang wê i nêl ge, vông vinên wê he vông ge nêl kɨtong nêbê Anutu ge xomxo kɨyang nôn.

Yesu Kɨlisi xolac nivɨha wê Jon kɨvuu ge 3:36

Xomxo ti obêc vông i vin Anutu nu ge od ob dô mavɨha luta lêc luta, lêc xomxo ti obêc hɨngoo nu tuc vya ge, od ob dô mavɨha luta lêm, ên xêyaa myavɨnê wê Anutu vông ge hɨvun i xôn pyap.

Yesu Kɨlisi xolac nivɨha wê Jon kɨvuu ge 6:35

Om Yesu nêl vô he ên nêbê, “Aca va ga, a yaên wê ob vông xomxo dô mavɨha ge. Xomxo ti obêc lam vô a ge od vip obêc den i tii vac nang lêm, dɨ xomxo ti obêc vông i vin a ge od obêc xo mia ti i tii vac lêm.

Yesu Kɨlisi xolac nivɨha wê Jon kɨvuu ge 6:40

Ên Mag nêl kɨyang yêp bêga nêbê xomxo wê yê nu tuc dɨ vông i vin ge, he vɨhati obêc dô mavɨha luta lêc luta, dɨ a obêc tɨpi vô he kɨdi lec vô buc tɨmuên.”

Yesu Kɨlisi xolac nivɨha wê Jon kɨvuu ge 6:47

A nêl hɨxôn nôn vô xam bê xomxo wê vông i vin ge obêc dô mavɨha luta lêc luta.

Yesu Kɨlisi xolac nivɨha wê Jon kɨvuu ge 8:33

Lêc he nêl vô Yesu ên nêbê, “Xe ga Eblaham bue, om xe o la vac xomxo ti kwa ngɨbi ila mɨ tu he nue yuac lêm. Lêc bêna lêc ông nêl ên ông nêbê kɨyang tige obêc pɨwelac xe vêl ên tɨbii levac wê viac xe ge?”

Kɨpihac wê Pol kɨvuu vô tɨbii Lom ge 10:11

Dɨ kɨyang ti yêp vac xolac bêga nêbê, “Xomxo ti obêc vông i vin Yesu ge od vông vinên wê i vông ge obêc pɨleva lêm. Nge, ob vô nivɨha vô i.”

Kɨpihac wê Pol kɨvuu vô tɨbii Lom ge 10:4

Lêc Kɨlisi hi xolac wê Moses vông ge tip la vêl, om gwêbaga xomxo obêc vông i vin Kɨlisi ge od Anutu ob yê he nêb he xomxo nivɨha.

Kɨpihac wê Pol kɨvuu vô tɨbii Lom ge 10:6

Lêc môp wê Anutu ob yê xomxo nêb he xomxo nivɨha lec vông vinên ge o bêge lêm. Ên kɨyang yêp bêga nêbê, “Le i lêc xo vac nɨlô bêga bê, ‘Letya ob lec mɨ la lag puunê?’, dɨ le i lêc nêl bê, ‘Letya ob la vac vɨgwe yibênê?’” Le i lêc nêl bêge lêm, ên Kɨlisi lop mɨ lam kɨbun pyap dɨ kɨdi lec vac yibên pyap.

Kɨpihac wê Pol kɨvuu vô tɨbii Lom ge 3:22

Môp yêp bêga ên nêbê xomxo ti obêc vông i vin Yesu Kɨlisi ge od Anutu ob yê nêb i xomxo nivɨha wê nipaên ti o yêp vô i ge lêm. Dɨ Anutu ob vông vô xomxo wê vông i vin ge vɨhati tɨyima, ên xomxo ngwe o bangwe dɨ ngwe bangwe lêm.

Kɨpihac wê Pol kɨvuu vô tɨbii Lom ge 3:26

Lêc gwêbaga Anutu kɨtya il nêd nipaên vêl lec Yesu Kɨlisi, om il ob xovô bê Anutu ge xêseac pɨleva dɨ nivɨha kehe, dɨ xomxo wê vông i vin Yesu ge Anutu ob yê he tɨyi xocbê xomxo nivɨha.

Kɨpihac wê Pol kɨvuu vô tɨbii Lom ge 3:30

Vɨxôhɨlôg nôn, Anutu tibed, om tɨbii Yuda wê ninɨvi gôlên ge obêc vông i vin ge od Anutu ob yê he nivɨha, dɨ tɨbii baba wê gôlên ninɨvi ma gee obêc vông i vin ge od Anutu ob yê he nivɨha êno.

Kɨpihac wê Pol kɨvuu vô tɨbii Lom ge 4:10

Om xam xovô lê. Vô buc tina Anutu yê Eblaham nêbê i xomxo nivɨha? Ge nêl vô buc wê Eblaham gôl ninɨvi pyap ge, me nêl vô buc wê ninɨvi gôlên gên ma ge? Ge nêl vô buc wê Eblaham gôlên ninɨvi gên ma ge.

Kɨpihac wê Pol kɨvuu vô tɨbii Lom ge 9:30

Om il ob nêl bêna? Il ob xovô bêga bê xomxo wê o Islel lêm gee, he nɨlô yen o myag môp nivɨha wê Anutu ob yê nêb he xomxo nivɨha ge lêm, lêc he vông i vin Kɨlisi om Anutu yê he nêb he xomxo nivɨha.

Kɨpihac wê Pol kɨvuu vô tɨbii Lom ge 9:33

tɨyi xocbê kɨyang wê yêp vac xolac bêga nêbê, “Xam wê lê. Vac vɨgwe Saion a ob lax ngɨdax ti wê xomxo obêc vɨnux vɨxa lec dɨ tɨlii ge. Lêc xomxo ti obêc vông i vin ngɨdax tige ge od vông vinên wê i vông ge obêc pɨleva lêm. Nge, ob vô nivɨha vô i.”

Kɨpihac wê Pol kɨvuu vô tɨbii Lom ge 9:6

Vɨxôhɨlôg, xomxo Islel vô nɨmi vô Anutu kɨyang, lêc kɨyang wê Anutu hɨlu vô he ge o tɨyi wê ob sea he ge lêm. Ên kɨyang tige obêc vô nôn lec vô he Islel nôn. Lêc xomxo wê kô lê Islel ge, he ya o tu Anutu nue Islel nôn lêm.

2 Kolin 1:22

dɨ vông Myakɨlôhô Ngɨbua lam dô vac il nɨlôd tɨyi xocbê il dô vac xenac tɨbit wê byêxên dop kɨsuu il lec ge, ên nêb il tu i nue pyap. Anutu vông Myakɨlôhô Ngɨbua tɨyi xocbê vông vɨzid taxlee, ên nêb il xovô bê obêc vông vɨzid vɨhati vô il tɨmuên.

Galesia 3:22

Lêc o bêge lêm, ên xolac nêl bêga nêbê nipaên hɨvun xomxo vɨhati xôn tɨyi xocbê he dô vac kalabuhu ge. Môp yêp bêge, ên Anutu nêb xomxo obêc vông i vin Yesu Kɨlisi ge od ob kô nôn nivɨha wê Anutu hɨlu pyap nêb obêc vông vô he wê vông vinên ge.

Galesia 3:29

Xam tu Kɨlisi xe, mêgem xam tɨyi xocbê Eblaham nue bue wê xam obêc kô vɨzid nivɨha wê Anutu hɨlu vô Eblaham ge.

Galesia 3:7

Mêgem xam xovô bêga bê xomxo wê vông i vin Anutu ge, ge wê tu Eblaham nue bue nôn.

Galesia 5:5

Lêc il ga, il vông i vin ya xêkɨzêc wê Myakɨlôhô Ngɨbua vông ge, om il dô bin wê Anutu ob yê il nêb il xomxo nivɨha ge.

Galesia 6:16

Om xam wê xam vông i vin kɨyang tiga ge, kɨyang malehe yuu xêyaa vin lecên i hɨvun xam xôn, hɨxôn he Islele wê Anutu nue nôn ge.

Epesas 1:13

Xam êno, xam ngô Anutu kɨyang nôn. Kɨyang tige kɨyang nivɨha wê nêl bêga ên nêbê Kɨlisi vô il vêl ên il nêd nipaên. Xam ngô dɨ vông i vin Kɨlisi dɨ tu i nue, om Anutu vông i tɨyi kɨyang wê hɨlu pyap ilage dɨ vông Myakɨlôhô Ngɨbua lam dô vac xam nɨlôm tɨyi xocbê Anutu vɨnoo xam pyap.

Epesas 4:30

Le i lêc vông vɨyin vô Myakɨlôhô Ngɨbua wê Anutu vông ge lêm, ên Myakɨlôhô Ngɨbua lam dô vac il nɨlôd tɨyi xocbê il tu Anutu nue om vông xovôên vô il bêga nêbê il ob la dô hɨxôn Anutu tɨmuên.

Pilipai 3:9

dɨ dô hɨxôn i. Ilage a xo bêga ên a nêb Moses xolac wê a mi tɨmu vô ge ob vông Anutu yê a nivɨha dɨ nêl bê a xomxo bôbac ti. Lêc gwêbaga a o xo bêge lêm. Nge, a xo ên a nêbê Anutu ob yê a nivɨha dɨ nêl bê a xomxo bôbac ên wê a vông i vin Kɨlisi ge. Om môp tibed wê Anutu ob yê xomxo nivɨha ge, ge môp vông vinên.

Hiblu 11:7

Nôa vông i vin Anutu, om ngô kɨyang wê Anutu nêl vô i lec lun wê obêc val tɨmuên ge. Nôa xovôên buc tige ma, lêc vông i tɨyi wê Anutu nêl vô i ge, om lox sip levac ti dɨ he vɨnê nue la dô nivɨha vac sip nɨlô. Om vông vinên wê Nôa vông ge nêl xomxo kɨbun ga nên nipaên kɨtong, dɨ Anutu yê Nôa nivɨha ên wê vông i vin ge, om nêl ên nêbê Nôa ge xomxo nivɨha.

2 Pita 1:1

A, Saimon Pita, a ga Yesu Kɨlisi nu yuac dɨ a tu sinale ti. A kɨvuu kɨpihac tiga loc vô xam wê xam vông i vin Anutu tɨyi xocbê xe vông i vin ge. Môp vông vinên tige nivɨha. Il vông i vin lec môp nivɨha wê Kɨlisi vông ge. Yesu Kɨlisi ge il Anutu i wê vô il vêl ên il nêd nipaên.

Levelesen 9:4

Mêdêc kɨyang la vô hɨveac bêga ên nêbê, “Xam o lêc vông nita yuu xax hɨxôn susu wê tyip lec kɨbun ge i vô nipaên lêm. Nge, xam loc vô xomxo wê Anutu mak o yêp lec he manôn lêm ge, dɨ xam loc vông he i vô nipaên.