Kɨpihac wê Pol kɨvuu vô tɨbii Lom ge 2:4 - Patep

⁴ Anutu vông môp nivɨha vô xam luu vêl, om dô bin xam buc xuhu dia dɨ o vông myavɨwen ti vô xam lutibed lêm. Lêc mêd xam wê Anutu môp nivɨha tige xocbê kɨyang pɨleva ti? Anutu vông nivɨha vô xam ên nêb xam xovô dɨ pɨlepac xam, lêc mêd xam o xovô lêm?

Kɨpihac wê Pol kɨvuu vô tɨbii Lom ge 2:4 ပူးပေါင်းရင်းမြစ်များ

Kɨpihac wê Pol kɨvuu vô tɨbii Lom ge 10:12

Kɨyang tige nêl lec xomxo vɨhati yang, ên Anutu ob yê xomxo Yuda hɨxôn tɨbii ba vɨhati tɨyima, ên Apumtau ge xomxo vɨhati yang, he Apumtau, om obêc vông vɨzid nivɨha vô xomxo vɨhati wê he kɨyag vya lec i ge.

Kɨpihac wê Pol kɨvuu vô tɨbii Lom ge 11:22

Om xam wê lê. Anutu ge wê ob vông vɨzid vô xomxo dɨ obêc vông myavɨwen nipaên vô xomxo êno. Om xomxo wê vông môp nipaên ge, Anutu ob vông myavɨwen nipaên vô he, lêc xam mô ge, Anutu vông vɨzid vô xam. Om xam dô vac vɨzid tige nɨlô, ên xam obêc sea ge od Anutu obêc xoo xam vêl.

Kɨpihac wê Pol kɨvuu vô tɨbii Lom ge 11:33

Pɨyôp yuu xovôên wê Anutu vông ge, levac mabu luu vêl. Xomxo ti o tɨyi wê ob xovô pɨyôp wê Anutu vông ge kehe lêm, dɨ ti o tɨyi wê ob xovô môp wê i vông ge kehe êno lêm.

Kɨpihac wê Pol kɨvuu vô tɨbii Lom ge 3:25

Anutu vông Yesu lam yib mɨ kɨpyax i hi sea ên nêbê xomxo i vông i vin Yesu, ge od Anutu obêc kɨtya he nên nipaên vêl. Anutu vông Yesu lam ên nêb môp wê ob yê xomxo nêb nivɨha ge i yêp seac vô xomxo, ên ilage Anutu yê nipaên wê xomxo vông ge, lêc o vông myavɨwen vô he lêm. Nge, hôm xôn mɨ i yêp.

Kɨpihac wê Pol kɨvuu vô tɨbii Lom ge 6:1

A nêl gwêba ên a nêbê vɨzid wê Anutu vông ge luu nipaên wê il vông ge vêl, om il ob nêl kɨyang bêna? Il ob vông môp nipaên i luu vêl êdêc Anutu xêyaa i vin lec il luu vêl dɨ i kɨtya il nêd nipaên vêl, me?

Kɨpihac wê Pol kɨvuu vô tɨbii Lom ge 6:15

Il o dô vac Moses xolac kwa ngɨbi lêm. Nge, il dô vac vɨzid wê Anutu vông ge. Om il obêc nêb va lec môp tige? Tɨyi wê il ob vông môp wê nipaên ge, me? Ma vêl.

2 Kolin 8:2

Vɨyin levac tulec he tɨyi buc vɨhati, lêc he kɨlê vɨyin hɨxôn xêyaa nivɨha. Dɨ he nên susu ma, lêc he vông nɨlô la vô môp wê ob ngɨdu xomxo wê susu ma ên he ge xôn.

Epesas 1:18

A kɨtaa ên a nêb Anutu i vông xam pɨyôp i yêp seac ên xam xovô nôn nivɨha wê Anutu nêl ên nêb obêc vông vô xam ge, dɨ xam xovô vɨzid nivɨha vɨhati wê Anutu nêl xam lêm lec pyap mɨ i dô bin xam wê xam tu i nue ge.

Epesas 1:7

Anutu xo vɨgwe pɨsiv ên il luu vêl, om vô il vêl ên il nêd nipaên ya Yesu hi dɨ kɨtya il nêd nipaên vêl.

Epesas 2:4

Ilage môp nipaên wê il vông ge vông il dô teva ên Anutu tɨyi xocbê il xib. Lêc Anutu xo vɨgwe pɨsiv ên il luu vêl, dɨ xêyaa vin lec il luu il nêd nipaên vêl, om vông il dô madvɨha hɨxôn Kɨlisi. Môp tibed wê Anutu xo vɨgwe pɨsiv ên il ge, ge wê vô il vêl ên il nêd nipaên.

Epesas 2:7

Anutu vông bêge ên nêb xomxo vɨhati wê dô gwêbaga hɨxôn he wê obêc dô tɨmuên ge, he i xovô bêga bê Anutu vông vɨzid nivɨha vô il. Vɨzid nivɨha tige bêga nêbê Anutu xo vɨgwe pɨsiv ên il dɨ vông Yesu Kɨlisi lam vô il vêl ên il nêd nipaên. Om vɨzid nivɨha tige luu vɨzid vɨhati yang vêl.

Epesas 3:16

Om a kɨtaa vô Anutu bêga bê xêseac nivɨha wê yêp vô i ge i lam ngɨdu xam xôn, dɨ i vông Myakɨlôhô Ngɨbua wê i vông ge i dô vac xam nɨlôm dɨ xam le xêkɨzêc ta.

Epesas 3:8

A ga, a o levac lêm. Nge, Anutu nue vɨhati ge ngɨnoo a vêl. Mêlêc Anutu vông vɨzid nivɨha vô a bêga nêbê a loc nêl xolac vô xam tɨbii ba. Xolac tige nêl vɨzid nivɨha vɨhati wê Kɨlisi vông ge kɨtong. Lêc il pɨyôp o tɨyi wê il ob xovô vɨhati ge lêm.

Pilipai 4:19

Il nêd Anutu ge tu susu nivɨha vɨhati yang kehe. Om xam susu ti obêc ma ge od Anutu ob vông vô xam i tɨyi wê xam nêb xam ob kô ge, ên wê xam tu Yesu Kɨlisi xe ge.

Kolosi 1:27

Anutu nêb ob nêl kɨtong vô il ên il xovô bêga bê kɨyang wê yêp xôpacên ilage ge kɨyang nivɨha yang tɨyi wê obêc ngɨdu xomxo vɨhati ge xôn. Om nêl kɨyang tige kɨtong vô xam wê xam o Yuda lêm gee êno. Kɨyang xôpacên tige nêl ên nêbê Kɨlisi dô hɨxôn xam, om xam dô bin buc wê Kɨlisi obêc tung xam la dô vac xêseac wê i vông ge.

Kolosi 2:2

Om a vông yuac levac ên a nêb xam nɨlôm i vô nivɨha dɨ xam xêmyaa i vin lecma, dɨ xam kô xovôên levac ên xovôên tige i vông xam le xêkɨzêc vac vông vinên dɨ i vô nôn nivɨha vô xam. Dɨ a nêb xam xovô Anutu kɨyang wê yêp xôpacên ge kehe, ên kehe ge Kɨlisi vaci.

1 Timoti 1:16

Lêc Yesu xo vɨgwe pɨsiv ên a ên nêb xomxo nipaên vɨhati he i yê dɨ xovô bê a ga xomxo nipaên nôn, lêc Yesu o kɨtya a vêl lutibed lêm. Nge, xo vɨgwe pɨsiv ên a. Om he ob yê dɨ vông i vin Yesu dɨ dô mavɨha luta lêc luta.

1 Timoti 6:17

Ông nêl vô he wê susu tɨbeac ge bêga bê he i o kô he lec vô xomxo ên susu tɨbeac wê he vông ge lêm, dɨ he i o vông nɨlô i loc vô susu wê ob vô nipaên lutibed ge lêm. Nge, he i vông he nɨlô i loc vô Anutu, ên Anutu vông susu nivɨha vɨhati vô il ên nêb i vông il xêdyaa i vô nivɨha yang.

2 Pita 1:11

dɨ Anutu obêc tax vuayen ên xam dɨ xam la vac Yesu Kɨlisi ben dɨ Anutu obêc hi vɨxa pec ên xam dɨ viac xam dô luta lêc luta. Yesu Kɨlisi ge il Apumtau wê vô il vêl ên il nêd nipaên.

2 Pita 3:15

Xam xovô bêga bê Apumtau venaên gên ma, ên dô bin xomxo vɨhati ên nêb he i pɨlepac he ên i kɨtya he nên nipaên vêl. Kɨyang tige tɨyi xocbê kɨyang wê Pol kɨvuu ge. Pol ge il lig wê il xêdyaa vin lec i ge. Anutu vông xovôên vô i,

2 Pita 3:3

Om xam lêc xovô taxlee bêga bê vô buc tɨmuên ge od tɨbii ya obêc val vô xam dɨ ob tɨmu vô môp wê he nɨlô kɨdu he ên nêb he ob vông ge, dɨ he ob so vya vô xam ên wê xam vông i vin Anutu ge, om he ob yax mang dɨ nêl vô xam bêga ên nêbê,

2 Pita 3:9

Om xomxo ya so ên he nêb mêd Apumtau vông yuac hɨyi hɨyi om kɨyang wê nêb ob vena ge gên o vô nôn lec lêm. Ge he so. Ên Apumtau o vông yuac hɨyi hɨyi lêm. Nge, bin xomxo wê vô nɨmi vô i ge ên nêb he i pɨlepac he vêl ên nipaên wê he vông ge, ên Apumtau xo ên nêbê xomxo ti i o lêc yib mɨ la vac nipaên lêm.

Levelesen 2:21

A vông buc ya vô vêx tige ên a nêb i pɨlepac i, lêc vêx tige nêb ob pɨlepac i vêl ên môp yôdac vêx yuu vux lêm.

Levelesen 3:20

Xam wê lê, a val le kwabo vô vuayen dɨ a hi vɨgêg lec xumac dɨ keac. Om xomxo ti obêc ngô a vyag dɨ lam tax xumac ge od a obêc la vac xumac lôma dɨ la dô hɨxôn i, dɨ xii xôn ob xa myam i yêp tibed.