Kɨpihac wê Pol kɨvuu vô tɨbii Lom ge 2:14 - Patep

¹⁴ Tɨbii madɨluhu o xovô Moses xolac lêm, lêc heche va pɨyôp vɨnoo kɨyang ya tɨyi xocbê kɨyang wê yêp vac Moses xolac ge, om kɨyang tige tɨyi xocbê heche va xolac wê yêp vô he ge.

Kɨpihac wê Pol kɨvuu vô tɨbii Lom ge 2:14 ပူးပေါင်းရင်းမြစ်များ

Sinale 10:35

Om xomxo vac vɨgwe vɨhati gee, ti obêc xona ên Anutu dɨ vông môp wê nivɨha ge od Anutu obêc yê i nivɨha.

Sinale 14:16

Vɨxôhɨlôg, vô buc ilage xomxo vac vɨgwe vɨhati vông i tɨyi xovôên wê heche va vông ge, dɨ Anutu o le vac xôn lêm.

Sinale 17:30

Ilage xomxo o xovô Anutu lêm, lêc Anutu o nêl kɨyang ti lec he lêm. Lêc gwêbaga Anutu nêl kɨyang vô xomxo vac vɨgwe vɨhati ên nêbê he i pɨlepac he.

Kɨpihac wê Pol kɨvuu vô tɨbii Lom ge 1:32

Xomxo tigee xovô kɨyang wê Anutu nêl ên nêbê xomxo obêc vông môp nipaên tibêgee ge od tɨyi wê he ob yib lec nipaên wê he vông ge. He xovô kɨyang tige lê, lêc he o sea môp nipaên wê he mi vông ge lêm, dɨ he nên nipaên ti yêp hɨxôn bêga nêbê he pɨmil xomxo wê vông nipaên gee hɨxôn.

Kɨpihac wê Pol kɨvuu vô tɨbii Lom ge 2:12

Tɨbii madɨluhu wê lungên Moses xolac ge, he obêc vông nipaên ge od Anutu ob tɨtô he nên kɨyang ya Moses xolac lêm. Nge, heche va obêc yib vɨdaaên lec nipaên wê he vông ge. Dɨ Yuda wê he xovô Moses xolac ge, he obêc vông nipaên ge od Anutu ob tɨtô he ya Moses xolac wê he mi ngô ge.

Kɨpihac wê Pol kɨvuu vô tɨbii Lom ge 2:15

Om môp wê he vông ge nêl kɨtong ên nêbê xolac wê Anutu vông vô Moses ge yêp vac he nɨlô êno, dɨ heche va nɨlô le yaxên môp vɨlu vɨlu, om môp ya he nêbê nivɨha dɨ ya he nêbê nipaên. Om môp tige nêl kɨtong hɨxôn ên nêbê xolac yêp vac he nɨlô.

Kɨpihac wê Pol kɨvuu vô tɨbii Lom ge 2:27

Xam Yuda, Anutu xolac yêp vac kɨpihac wê xam vông ge om xam gôl nimnɨvi tɨyi, lêc xam o vông xolac tyo vô nôn lec lêm. Mêgem tɨbii wê ninɨvi gôlên ma ge obêc tɨmu vô Anutu xolac ge od môp wê he vông ge obêc nêl xam kɨtong seac bêga bê xam tɨbii nipaên.

1 Kolin 11:14

Môp wê il mi vông ge nêl kɨtong vô il bêga nêbê vux ti bazub lihi obêc dia ge od o tɨyi lêm.

1 Kolin 9:21

Dɨ a obêc dô hɨxôn xomxo ba wê o xovô Moses xolac lêm ge, od a dô tɨyi xocbê he dô ge, ên a nêb a ob dɨdii he mɨ lôm vô Kɨlisi. Lêc a o sea Anutu xolac lêm. Nge, a hôm Kɨlisi xolac xôn pɨlihi.

Epesas 2:12

Vɨxôhɨlôg, ilage xam le teva ên Kɨlisi, dɨ xam dô nɨnya ên xe Islel. Dɨ Anutu hɨlu kɨyang ên nêb obêc vông vɨzid nivɨha vô xe Yuda, lêc o nêl bêga vô xam tɨbii ba hɨxôn lêm. Xam dô kɨbun ga, lêc xam o dô bin susu nivɨha ti wê ob val vô xam tɨmuên ge lêm, dɨ xam lungên Anutu.

Epesas 2:3

Ilage il vɨhati dô tɨyi xocbê xomxo tibêgee dɨ tɨmu vô môp nipaên kɨbun ga, dɨ vông môp nipaên tɨyi xocbê il nɨlôd kɨdu il ên nêb il vông ge, dɨ il vông môp nipaên tɨyi xocbê il nidnɨvi yuu pɨyôp xovô ên nêb il vông ge. Om Anutu xêyaa vô myavɨnê vô il hɨxôn xomxo nipaên vɨhati ên nêb obêc kɨtya il vêl.

Pilipai 4:8

Xam lige, a ob nêl kɨyang ngwe vô xam i tii vac nang. Xam xovô môp tigae bêga bê môp wê nôn ge, dɨ môp wê pɨyôp nivɨha vông ge, dɨ môp wê bôbac ge, dɨ môp wê o ningeac lêm ge, dɨ môp wê xêseac ge, dɨ môp wê xam lêm ob yêp nivɨha ge, dɨ môp wê vông xomxo vô nivɨha ge, dɨ môp vɨhati wê il xovô ên il nêbê nivɨha ge. Môp tigee vɨhati xam xovô i luu vêl dɨ hôm xôn mɨ i yêp vac xam nɨlôm.