Kɨpihac wê Pol kɨvuu vô tɨbii Lom ge 15:7 - Patep

⁷ Xam hôm lime lec nivɨha i tɨyi xocbê Kɨlisi hôm il lec nivɨha ge, êdêc xam vông Anutu lê i vô levac.

Kɨpihac wê Pol kɨvuu vô tɨbii Lom ge 15:7 ပူးပေါင်းရင်းမြစ်များ

Matyu 10:40

“Xomxo ti obêc kô xam lec nivɨha ge od tɨyi xocbê kô a lec nivɨha êno. Dɨ xomxo ti obêc kô a lec nivɨha ge od tɨyi xocbê kô Anutu wê vông a lam ge lec nivɨha êno.

Yesu Kɨlisi xolac wê Mak kɨvuu ge 9:37

“Xomxo ti obêc hôm nipwo tibêga lec ên wê vông i vin a lêg ge od ge tɨyi xocbê hôm a lec êno, dɨ xomxo ti wê hôm a lec ge od o tɨyi xocbê hôm aca va lec lêm. Nge, hôm xomxo ti wê vông a lam ge lec hɨxôn êno.”

Yesu Kɨlisi xolac wê Luk kɨvuu ge 15:2

Lêc he Palisi yuu xomxo wê xovô Moses xolac gee yê dɨ vô mya nipaên vô dɨ nêl ên nêbê, “Xomxo tya ganê kô tɨbii nipaên lec dɨ ya mɨ dô hɨxôn he.”

Yesu Kɨlisi xolac wê Luk kɨvuu ge 9:48

dɨ nêl vô he ên nêbê, “Xomxo ti obêc hôm nipwo bêga lec ên wê vông i vin a lêg ge od ge tɨyi xocbê hôm a lec ge. Dɨ xomxo ti obêc hôm a lec ge od ge tɨyi xocbê hôm xomxo ti wê vông a lam ge lec hɨxôn. Ên xomxo wê dô nipwo vac xam mahɨgun ge, ge wê ob tu xam nêm levac.”

Yesu Kɨlisi xolac nivɨha wê Jon kɨvuu ge 13:34

A ob nêl xolac paha ti vô xam bêga bê xam xêmyaa i vin lecma. A xêgyaa vin lec xam om xam xêmyaa i vin lecma i tɨyi xocbê a xêgyaa vin lec xam ge.

Yesu Kɨlisi xolac nivɨha wê Jon kɨvuu ge 6:37

Xomxo wê Anutu vɨnoo nêb he i tu axe ge, vɨhati obêc lam vô a, dɨ xomxo ti obêc val vô a ge, od a obêc tii i lêm.

Kɨpihac wê Pol kɨvuu vô tɨbii Lom ge 15:9

Dɨ Kɨlisi nêb ob vông xomxo wê o Yuda lêm ge he êno i pɨmil Anutu ên wê i vông vɨzid vô he ge, tɨyi xocbê kɨyang wê yêp vac xolac bêga nêbê, “A ob pɨmil ông lêm vac tɨbii madɨluhu mahɨgun, dɨ a ob vông lɨlo dɨ hi vɨxag i pec ên ông.”

Kɨpihac wê Pol kɨvuu vô tɨbii Lom ge 5:2

Yesu vaci dɨdii il mɨ la tung vac vɨzid yuu malehe mɨ il dô vac gwêbaga, dɨ il vông i vin ên il nêbê obêc buc tɨmuên ge od il ob la dô vac xêseac hɨxôn Anutu, om gwêbaga il ob dô dɨ yaxên buc tige hɨxôn xêdyaa nivɨha.

Epesas 1:12

Anutu vông xolac mug lec xe Yuda taxlee dɨ vɨnoo xe ên nêb xe pɨmil Anutu wê xêseac kehe ge.

Epesas 1:18

A kɨtaa ên a nêb Anutu i vông xam pɨyôp i yêp seac ên xam xovô nôn nivɨha wê Anutu nêl ên nêb obêc vông vô xam ge, dɨ xam xovô vɨzid nivɨha vɨhati wê Anutu nêl xam lêm lec pyap mɨ i dô bin xam wê xam tu i nue ge.

Kolosi 3:13

Nge, lime ti obêc vông nipaên vô ông ge od ông kɨtya i nên nipaên vêl dɨ vông nivɨha vô i. Ên il Apumtau kɨtya xam nêm nipaên vêl, om xam êno, xam kɨtya lime nên nipaên vêl.