Kɨpihac wê Pol kɨvuu vô tɨbii Lom ge 14:9 - Patep

⁹ Ên Kɨlisi yib dɨ kɨdi lec mavɨha om kehe bêga nêbê tu xomxo wê dô mavɨha hɨxôn he wê yib ge nên Apumtau.

Kɨpihac wê Pol kɨvuu vô tɨbii Lom ge 14:9 ပူးပေါင်းရင်းမြစ်များ

Matyu 28:18

Mêdêc Yesu lam kwabo vô he dɨ lam nêl vô he ên nêbê, “Anutu vông xêkɨzêc lag yuu kɨbun vɨhati vô a pyap.

Yesu Kɨlisi xolac wê Luk kɨvuu ge 24:26

Ên kɨyang yêp bêga nêbê Kɨlisi wê Anutu nêb ob vông i lam ge obêc kô myavɨnê, pyap dêc obêc la dô vac xêseac dɨ kô lê levac, lêc mêd muu o xovô tige lêm?”

Yesu Kɨlisi xolac nivɨha wê Jon kɨvuu ge 12:24

A nêl hɨxôn nôn vô xam bê skom nôn ti obêc la vac kɨbun lêm ge od ob dô ya nôn tibed. Lêc obêc la dô vac kɨbun nɨlô ge od ob tyip mɨ vô nôn tɨbeac.

Sinale 10:36

Xam xovô xolac nivɨha pyap wê Anutu nêl vô xe Islel bêga ên nêbê Yesu Kɨlisi wê tu il vɨhati nêd Apumtau ge, ge wê vông il la dô tibed hɨxôn Anutu vac kɨyang malehe.

Sinale 10:42

Dɨ Yesu nêl vô xe ên nêbê xe nêl xolac vô xomxo dɨ nêl bêga bê Yesu ge wê Anutu vɨnoo pyap ên nêb i tɨtô xomxo yibên yuu mavɨha vɨhati nên kɨyang.

Kɨpihac wê Pol kɨvuu vô tɨbii Lom ge 10:9

Om xomxo ti obêc nêl Yesu kɨtong seac vac mya bêga ên nêbê, “Yesu ge Apumtau” dɨ obêc vông i vin nêbê Anutu tɨpi vô Yesu kɨdi lec vac yibên ge od Anutu obêc kɨtya i nên nipaên vêl.

2 Kolin 5:14

Ên Kɨlisi xêyaa vin lec xe, om xêyaa vin lecên tige kɨdu xe dɨ xe vông yuac, ên xe xovô ên xe nêbê xomxo tibed yib ên il vɨhati, om tɨyi xocbê il vɨhati xib hɨxôn.

1 Tesalonaika 4:14

Dom il ge, il vông i vin pyap ên il nêbê Yesu yib lêc kɨdi lec mavɨha vac yibên. Om il xovô ên il nêbê xomxo vông vinên wê yib ge, Anutu ob tɨpi vô he kɨdi lec ya xêkɨzêc wê Yesu vông ge dɨ dɨdii he mɨ lam hɨxôn Yesu.

1 Tesalonaika 5:10

Yesu yib lec il nêd nipaên ên nêb il yibên yuu xôn madvɨha ge il vɨhati ob dô madvɨha hɨxôn i.

2 Timoti 4:1

Yesu Kɨlisi obêc yaxên xomxo vɨhati nên kɨyang, he wê dô mavɨha hɨxôn he wê yib ge, dɨ Yesu Kɨlisi ob vena le seac dɨ tu xomxo vɨhati nên levac wê ob viac he luta ge. Om a le vô Anutu yuu Yesu Kɨlisi manôn dɨ a nêl vô ông bêga bê

Hiblu 12:2

Om il ob le madnôn i loc vô Yesu, ên Yesu ge tu vông vinên wê il vông ge kehe dɨ ici va ob vông môp vông vinên wê il vông ge vô nôn lec tɨmuên. Yesu xovô ên nêbê obêc tɨmuên ge od Anutu obêc vông i xêyaa vô nivɨha, om Yesu le xêkɨzêc dɨ kɨlê vɨyin dɨ yib lec xax tɨyi xocbê xomxo nipaên ti. Lêc ni o yoc ên wê xomxo yê i nipaên ge lêm. Om yib lec xax dɨ lax mɨ la dô vô Anutu vɨgê hɨyôv.

1 Pita 1:21

Yesu lam yib ên il nêd nipaên om il vông i vin Anutu. Anutu tɨpi vô Yesu kɨdi lec mavɨha vac yibên dɨ vông lê levac hɨxôn xêseac wê i vông ge vô i. Om xam vông i vin pyap dɨ bin nôn nivɨha wê Anutu obêc vông vô xam tɨmuên ge.

1 Pita 4:5

Lêc obêc buc tɨmuên ge od he obêc la le vô Anutu manôn dɨ nêl môp nipaên wê he mi vông ge kehe kɨtong vô i dɨ Anutu ob yaxên he. Anutu viac i pyap ên nêb obêc yaxên xomxo vɨhati yang nên kɨyang, he wê dô mavɨha hɨxôn he wê yib ge.

Levelesen 1:18

dɨ a dô magvɨha. Ilage a xib, lêc a kɨdi lec magvɨha tii vac nang. Om wê lê, a obêc dô magvɨha luta lêc luta, dɨ a kô ki wê Seten ben hɨxôn yibên ge.

Levelesen 2:8

Nang dêc Yesu nêl vô a, Jon ên nêbê, “Ông kɨvuu a kɨyang ga i loc vô xomxo wê tu konglegesen Smena nên bazub ge bêga bê a xomxo mugên dɨ tɨmuên wê a xib lêc kɨdi lec magvɨha nang ge.