Kɨpihac wê Pol kɨvuu vô tɨbii Lom ge 10:12 - Patep

¹² Kɨyang tige nêl lec xomxo vɨhati yang, ên Anutu ob yê xomxo Yuda hɨxôn tɨbii ba vɨhati tɨyima, ên Apumtau ge xomxo vɨhati yang, he Apumtau, om obêc vông vɨzid nivɨha vô xomxo vɨhati wê he kɨyag vya lec i ge.

Kɨpihac wê Pol kɨvuu vô tɨbii Lom ge 10:12 ပူးပေါင်းရင်းမြစ်များ

Pilipai 4:19

Il nêd Anutu ge tu susu nivɨha vɨhati yang kehe. Om xam susu ti obêc ma ge od Anutu ob vông vô xam i tɨyi wê xam nêb xam ob kô ge, ên wê xam tu Yesu Kɨlisi xe ge.

Levelesen 17:14

Mêdêc he ob vông vevac vô bwoc Sipsip Nu. Lêc bwoc Sipsip Nu obêc ngɨnoo he vêl, ên i tu xomxo levac vɨhati nên Apumtau, dɨ tu king vɨhati nên king. Dɨ xomxo wê dô hɨxôn i dɨ ngô i vya mɨ tɨmu vô i vɨxa, dɨ ici va vɨnoo he, dɨ he vông i vin xêkɨzêc ge, xomxo tigee vông vevac hɨxôn bwoc Sipsip Nu mɨ he ngɨnoo vêl.”

Kɨpihac wê Pol kɨvuu vô tɨbii Lom ge 3:22

Môp yêp bêga ên nêbê xomxo ti obêc vông i vin Yesu Kɨlisi ge od Anutu ob yê nêb i xomxo nivɨha wê nipaên ti o yêp vô i ge lêm. Dɨ Anutu ob vông vô xomxo wê vông i vin ge vɨhati tɨyima, ên xomxo ngwe o bangwe dɨ ngwe bangwe lêm.

Galesia 3:28

Dɨ xam vɨhati tu nôn tibed ên wê xam vông i vin Yesu Kɨlisi ge. Om il ob xê il i tɨyi xocbê kɨdu kɨdu lêm, xocbê Yuda yuu tɨbii ba, dɨ xomxo pɨleva yuu xomxo wê lê levac ge, dɨ vêx yuu vux toto ge lêm. Ên il vɨhati ga, il tɨyima.

Kolosi 3:11

Om xomxo Glik dɨ xomxo Yuda, dɨ he wê gôl ninɨvi ge, hɨxôn he wê o gôl ninɨvi lêm ge, dɨ tɨbii madɨluhu, dɨ xomxo vɨmen wê dô vac nita ge, dɨ xomxo wê vông yuac vɨdaaên vô xomxo ge, hɨxôn he wê viac heche va yuac ge, Kɨlisi yê il vɨhati tɨyima, ên Kɨlisi vaci wê tu il vɨhati kehe dɨ i dô hɨxôn xomxo vɨhati.

1 Timoti 2:5

Anutu nôn tibed, dɨ xomxo tibed wê vông kɨsoac mɨ le vac il Anutu mahɨgun. Xomxo tige Yesu Kɨlisi.

Pilipai 2:11

dɨ nêl kɨtong i yêp seac bêga bê, “Yesu Kɨlisi ge il nêd Apumtau.” Obêc bêge ge od Mag Anutu lê ob vô levac.

Epesas 3:6

Om kɨyang tige bêga nêbê Anutu kɨtuc xe hɨxôn xam tu nôn tibed pyap, om nôn nivɨha vɨhati wê Anutu nêb obêc vông vô xe Yuda ge od obêc vông vô xam êno hɨxôn. Dɨ kɨyang vɨhati wê Anutu hɨlu ilage ên nêb obêc vô nôn lec vô xe Yuda ge, od kɨyang tigee obêc vô nôn lec vô xam baba hɨxôn, ên xam vông i vin xolac nivɨha wê Yesu Kɨlisi vông ge.

Levelesen 19:16

Lê ti yêp lec xomxo tyo ngakwi yuu vɨxa pob bêga ên nêbê, “KING VƗHATI NÊN KING, DƗ XOMXO LEVAC VƗHATI NÊN LEVAC.”

Epesas 1:7

Anutu xo vɨgwe pɨsiv ên il luu vêl, om vô il vêl ên il nêd nipaên ya Yesu hi dɨ kɨtya il nêd nipaên vêl.

Kɨpihac wê Pol kɨvuu vô tɨbii Lom ge 14:9

Ên Kɨlisi yib dɨ kɨdi lec mavɨha om kehe bêga nêbê tu xomxo wê dô mavɨha hɨxôn he wê yib ge nên Apumtau.

Kɨpihac wê Pol kɨvuu vô tɨbii Lom ge 2:4

Anutu vông môp nivɨha vô xam luu vêl, om dô bin xam buc xuhu dia dɨ o vông myavɨwen ti vô xam lutibed lêm. Lêc mêd xam wê Anutu môp nivɨha tige xocbê kɨyang pɨleva ti? Anutu vông nivɨha vô xam ên nêb xam xovô dɨ pɨlepac xam, lêc mêd xam o xovô lêm?

Kolosi 1:27

Anutu nêb ob nêl kɨtong vô il ên il xovô bêga bê kɨyang wê yêp xôpacên ilage ge kɨyang nivɨha yang tɨyi wê obêc ngɨdu xomxo vɨhati ge xôn. Om nêl kɨyang tige kɨtong vô xam wê xam o Yuda lêm gee êno. Kɨyang xôpacên tige nêl ên nêbê Kɨlisi dô hɨxôn xam, om xam dô bin buc wê Kɨlisi obêc tung xam la dô vac xêseac wê i vông ge.

2 Kolin 8:9

Xam xovô vɨzid wê il lig Apumtau Yesu Kɨlisi vông ge pyap. Ên Yesu dô vac xêseac hɨxôn vɨzid vɨhati, lêc nêb ob ngɨdu il xôn om lam tu xocbê xomxo wê nên susu maên ge, ên nêb môp wê lam tu xocbê xomxo wê nên susu maên ge i vông il tulec vɨzid tɨbeac.

1 Kolin 15:47

Xomxo ngwe wê taxlee ge, xomxo kɨbun ga wê Anutu hôm kɨbun mɨ pɨtii ya ge, dɨ xomxo ngwe wê tɨmuên ge lam gê lag puunê.

1 Kolin 1:2

xii kɨvuu kɨpihac tiga vôxam wê xam tu Anutu nue vông vinên mɨ dô vac vɨgwe Kolin ge, ên Anutu vɨnoo xam ên nêb xam tu xomxo ngɨbua nôn lec yuac wê Yesu Kɨlisi vông ge dɨ xam tu i nue, hɨxôn xomxo vac vɨgwe vɨhati wê he kɨyag vya lec il Apumtau Yesu Kɨlisi ge, ên Yesu Kɨlisi ge xomxo levac wê he vông ge dɨ il êno vông ge hɨxôn.

Epesas 2:7

Anutu vông bêge ên nêb xomxo vɨhati wê dô gwêbaga hɨxôn he wê obêc dô tɨmuên ge, he i xovô bêga bê Anutu vông vɨzid nivɨha vô il. Vɨzid nivɨha tige bêga nêbê Anutu xo vɨgwe pɨsiv ên il dɨ vông Yesu Kɨlisi lam vô il vêl ên il nêd nipaên. Om vɨzid nivɨha tige luu vɨzid vɨhati yang vêl.

Epesas 2:4

Ilage môp nipaên wê il vông ge vông il dô teva ên Anutu tɨyi xocbê il xib. Lêc Anutu xo vɨgwe pɨsiv ên il luu vêl, dɨ xêyaa vin lec il luu il nêd nipaên vêl, om vông il dô madvɨha hɨxôn Kɨlisi. Môp tibed wê Anutu xo vɨgwe pɨsiv ên il ge, ge wê vô il vêl ên il nêd nipaên.

Kɨpihac wê Pol kɨvuu vô tɨbii Lom ge 15:12

Dɨ plopet Aisaia kɨvuu kɨyang ti lec Kɨlisi mɨ i yêp bêga nêbê, “Xomxo ti obêc val vac he kɨdu ti wê nêb Jesi bue ge, dɨ xomxo tige ob tu tɨbii baba nên king hɨxôn dɨ viac he, om he baba ob vông i vin dɨ dô bin buc wê xomxo tige ob vông he vô nivɨha lec ge.”

Sinale 9:14

dɨ xomxo daa siên nên levac tyuc lec xomxo tige nêb i lam vɨgwe ga dɨ lam hôm xomxo wê vông i vin ông ge xôn.”

Epesas 3:16

Om a kɨtaa vô Anutu bêga bê xêseac nivɨha wê yêp vô i ge i lam ngɨdu xam xôn, dɨ i vông Myakɨlôhô Ngɨbua wê i vông ge i dô vac xam nɨlôm dɨ xam le xêkɨzêc ta.

Epesas 3:8

A ga, a o levac lêm. Nge, Anutu nue vɨhati ge ngɨnoo a vêl. Mêlêc Anutu vông vɨzid nivɨha vô a bêga nêbê a loc nêl xolac vô xam tɨbii ba. Xolac tige nêl vɨzid nivɨha vɨhati wê Kɨlisi vông ge kɨtong. Lêc il pɨyôp o tɨyi wê il ob xovô vɨhati ge lêm.

Sinale 7:59

Mêd he nêx Stiven ya ngɨdax, lêc Stiven kɨtaa bêga nêbê, “Apumtau Yesu, ông hôm a myagkɨlôhô i loc vô ông.”