Kɨpihac wê Pol kɨvuu vô tɨbii Lom ge 1:7 - Patep

⁷ Mêgem a kɨvuu kɨpihac ga vô xam tɨbii Lom wê Anutu xêyaa vin lec xam dɨ i tyuc xam nêbê xam tu i nue ge. Il Mag Anutu yuu Apumtau Yesu Kɨlisi, yuu i vông vɨzid hɨxôn kɨyang malehe i loc ngɨdu xam xôn.

Kɨpihac wê Pol kɨvuu vô tɨbii Lom ge 1:7 ပူးပေါင်းရင်းမြစ်များ

Matyu 5:16

Om xêseac wê xam vông ge i lêc linac vô xomxo vɨhati manôn êno bêge, ên he i yê môp nivɨha wê xam vông ge dɨ hi vɨxa i pec ên Mag Anutu wê dô lag puunê ge.

Yesu Kɨlisi xolac nivɨha wê Jon kɨvuu ge 20:17

Mêd Yesu nêl vô i ên nêbê, “Le i lêc vyax vɨgê lec a lêm, ên a gên o lec mɨ lax vô Mag lêm. Om ông lôc vô a lige dɨ nêl vô he bê a ob lec mɨ lax vô a Mag dɨ xam Mam, dɨ a ob lax vô a Anutu dɨ xam Anutu.”

Sinale 15:23

Yuu kô kɨpihac wê Yesu nue ngɨvihi hɨxôn gyovɨxa kɨvuu bêga nêbê, “Yesu nue ngɨvihi hɨxôn gyovɨxa kɨvuu kɨpihac tiga dɨ vông i loc vô xam tɨbii Antiok yuu Silia dɨ Silisia wê xam vông i vin Yesu gee.

Sinale 9:13

Lêc Ananaias nêl ên nêbê, “Apumtau, a ngô wê xomxo tɨbeac nêl kɨyang lec xomxo tige nêbê mi vông nipaên tɨbeac vô ông nume vông vinên gê Jelusalem,

Kɨpihac wê Pol kɨvuu vô tɨbii Lom ge 1:6

Dɨ xam êno, Anutu tyuc xam ên nêb xam tu Yesu Kɨlisi xe.

Kɨpihac wê Pol kɨvuu vô tɨbii Lom ge 5:1

Il vông i vin Yesu om Anutu yê nêb il xomxo nivɨha, mêgem il lig Apumtau Yesu Kɨlisi vông Anutu xêyaa myavɨnê tip la dɨ tung il la dô vac xêyaa vin lecên wê Anutu vông ge.

Kɨpihac wê Pol kɨvuu vô tɨbii Lom ge 5:5

Dɨ il obêc vông i vin mɨ yaxên vɨzid tige ge od vông vinên wê il vông ge obêc vɨdaaên lêm, ên Anutu obêc vông i vô nôn lec tɨmuên. Il xovô bêge, ên Myakɨlôhô Ngɨbua wê Anutu vông i lam vô il ge vông xêyaa vin lecên wê Anutu vông ge lam hɨvun il xôn.

Kɨpihac wê Pol kɨvuu vô tɨbii Lom ge 8:28

Il xovô ên il nêbê il wê il xêdyaa vin lec Anutu ge, nivɨha yuu xôn vɨyin obêc tulec il, lêc Anutu obêc vông vɨhati i vô nôn nivɨha vô il, ên il ga wê Anutu xovô pyap nêb ob kô il ge, om tyuc il lam.

Kɨpihac wê Pol kɨvuu vô tɨbii Lom ge 8:39

dɨ susu wê dô vac lag hɨxôn susu wê dô lec kɨbun, dɨ susu yaya hɨxôn, susu tigee vɨhati o tɨyi wê ob vô il vêl ên xêyaa vin lecên wê Anutu vông ge lêm. Ên il dô vac xêyaa vin lecên wê Anutu vông ge lec yuac wê il lig Apumtau Yesu Kɨlisi vông ge.

Kɨpihac wê Pol kɨvuu vô tɨbii Lom ge 9:25

Tɨyi xocbê Anutu vya wê yêp vac kɨpihac wê plopet Hosea kɨvuu ge bêga nêbê, “Xomxo wê he o tu a nuge ilage lêm ge, od a ob nêl bê a nuge he hɨxôn, dɨ xomxo wê a xêgyaa o vin lec he ilage lêm ge od a xêgyaa ob vin lec he hɨxôn.

1 Kolin 1:24

Lêc il wê Anutu tyuc il ge, Yuda hɨxôn tɨbii baba ge, il xovô ên il nêbê Kɨlisi ge xêkɨzêc yuu xovôên wê Anutu vông ge.

1 Kolin 16:23

Xêyaa vin lecên yuu vɨzid wê Apumtau Yesu vông ge i viac xam.

Galesia 6:18

Xam lige, vɨzid nivɨha yuu xêyaa vin lecên wê il Apumtau Yesu Kɨlisi vông ge i viac xam. Kɨyang nôn.

Epesas 1:2

Mag Anutu yuu Apumtau Yesu Kɨlisi, yuu i vông vɨzid nivɨha hɨxôn kɨyang malehe i lam dô hɨxôn xam.

Epesas 6:23

Mag Anutu yuu Apumtau Yesu Kɨlisi, yuu i vông kɨyang malehe hɨxôn xêyaa vin lecên dɨ vông vinên nôn i loc vô xam wê a lige ge.

Pilipai 1:2

Il Mag Anutu hɨxôn Apumtau Yesu Kɨlisi yuu i vông vɨzid nivɨha hɨxôn kɨyang malehe i hɨvun xam xôn.

Pilipai 4:13

Kɨlisi vông xêkɨzêc wê i vông ge vô a, om a tɨyi wê a ob le xêkɨzêc vac vɨyin yuu xôn nivɨha dɨ vông yuac wê i vông vô a ge vɨhati.

Pilipai 4:20

Om il ob pɨmil il Mag Anutu i yêp luta lêc luta. Kɨyang nôn.

Pilipai 4:23

Vɨzid nivɨha wê Apumtau Yesu Kɨlisi vông ge i viac xam vɨhati.

Kolosi 1:2

dɨ xii kɨvuu kɨpihac tiga vô xam Kolosi wê xam tu Anutu nue ge. Xam ge xii lige wê xam vông i vin Kɨlisi. Il Mag Anutu i vông vɨzid nivɨha hɨxôn kɨyang malehe i lam hɨvun xam xôn.

Kolosi 3:12

Anutu vɨnoo xam pyap ên nêb xam tu i nue, dɨ i xêyaa vin lec xam. Mêgem xam lêc tɨmu vô môp nivɨha bêga bê xam xo vɨgwe pɨsiv ên xomxo, dɨ vông nivɨha vô he, dɨ xam pɨlepac xam mɨ vô nipwo lec, dɨ xam lum nêl kɨyang malehe vô xomxo, dɨ le i lêc vông nipaên vac nipaên lêm.

Kolosi 3:15

Kɨlisi tyuc il ên nêb il tu nôn tibed dɨ dô vac kɨyang malehe nɨlô. Om xam vông kɨyang malehe wê Kɨlisi vông ge i yêp vac nɨlôm ên i viac xam, dɨ xam pɨmil Anutu i tɨyi buc vɨhati.

1 Tesalonaika 1:1

A, Pol, xen Sailas yuu Timoti, xen kɨvuu kɨyang ga vô xam Tesalonaika wê xam vông i vin Mag Anutu yuu Apumtau Yesu Kɨlisi ge. Vɨzid nivɨha dɨ kɨyang malehe i hɨvun xam xôn.

1 Tesalonaika 1:3

dɨ xe xovô môp nivɨha wê xam vông ge, om xe mi nêl xam kɨtong vô il Mag Anutu ên xe nêbê xam vông i vin nivɨha om xam mi vông yuac nivɨha, dɨ xam xêmyaa vin lec Yesu om xam mi vông yuac xêkɨzêc, dɨ xam mi vông i vin xêkɨzêc bêga ên nêbê Apumtau Yesu Kɨlisi ob lop mɨ lôm vô buc tɨmuên, om xam dɨyaxên buc tige.

1 Tesalonaika 1:4

Xam lige, xe xovô bêga ên xe nêbê Anutu xêyaa vin lec xam dɨ ici va vɨnoo xam ên nêb xam tu i xe,

1 Tesalonaika 4:7

ên Anutu o hɨlung môp ningeac tibêge vô il lêm. Nge, tyuc il ên nêb il tup vô môp nivɨha wê xêseac ge.

1 Tesalonaika 5:28

Vɨzid nivɨha wê il Apumtau Yesu Kɨlisi vông ge i hɨvun xam vɨhati xôn.

2 Tesalonaika 1:2

Mag Anutu yuu Apumtau Yesu Kɨlisi yuu i vông xam dô vac vɨzid nivɨha dɨ vông kɨyang malehe i hɨvun xam xôn.

2 Tesalonaika 3:16

Apumtau vaci wê kɨyang malehe kehe ge i vông xam nɨlôm i vô malehe lec i tɨyi buc vɨhati, buc vɨyin hɨxôn buc nivɨha. Apumtau i dô hɨxôn xam vɨhati.

2 Tesalonaika 3:18

Vɨzid nivɨha wê il nêd Apumtau Yesu Kɨlisi vông ge i loc dô hɨxôn xam vɨhati.

1 Timoti 1:2

Timoti, ông ge a nug vông vinên nôn. A kɨvuu kɨpihac ga loc vô ông. Mag Anutu hɨxôn Apumtau Yesu Kɨlisi, yuu i vông vɨzid nivɨha i loc vô ông, dɨ xo vɨgwe pɨsiv ên ông, dɨ vông kɨyang malehe i hɨvun ông xôn.

1 Timoti 6:2

Xam wê xam vông yuac vɨdaaên vô tɨbii wê vông i vin ge, xam ya mi nêl bêga ên xam nêbê, “Tɨbii wê viac a ge a lig vông vinên ti om xii tɨyima, om a ob la vac i kɨyang kwa ngɨbi lêm.” Kɨyang bêge o nivɨha lêm. Om xam nêl bêga bê, “Tɨbii tige a lig vông vinên wê a xêgyaa vin lec i ge, om a ob ngô kɨyang wê i nêl ge dɨ vông yuac wê i vông vô a ge xêkɨzêc, ên yuac tige i vô nôn nivɨha vô i.” Timoti, ông tɨxuu xomxo ya kɨyang tibêge ên he i tɨmu vô.

2 Timoti 1:2

Timoti, a kɨvuu kɨpihac tiga vô ông. Ông ge a nug vông vinên wê a xêgyaa vin lec ông ge. Mag Anutu hɨxôn il lig Apumtau Yesu Kɨlisi, yuu i xo vɨgwe pɨsiv ên ông dɨ vông vɨzid nivɨha hɨxôn kɨyang malehe i loc vô ông.

2 Timoti 4:22

Apumtau i ngɨdu ông xôn, dɨ vɨzid nivɨha wê i vông ge i viac xam vɨhati.

Taitas 1:4

Taitas, a kɨvuu kɨpihac tiga vô ông. Ông ge a nug wê u xôn vông i vin ge. Mag Anutu yuu nu tuc Yesu Kɨlisi wê vô il vêl ên il nêd nipaên ge, yuu i vông vɨzid nivɨha hɨxôn kɨyang malehe i ngɨdu ông xôn.

Pailimon 1:25

Xêyaa vin lecên yuu vɨzid nivɨha wê Apumtau Yesu Kɨlisi vông ge i viac xam.

Pailimon 1:3

Vɨzid nivɨha yuu kɨyang malehe wê il mag Anutu yuu Apumtau Yesu Kɨlisi vông ge i hɨvun xam xôn.

Jems 1:1

A Jems, a ga Anutu yuu Apumtau Yesu Kɨlisi nu yuac a, om a kɨvuu kɨpihac tiga i loc vô xam Islele wê xam pum lec Jekop nue vɨgê yuu dɨ tô mɨ la yuu ge, lêc gwêbaga xam sea bom dɨ toto loc dô vac tɨbii vɨyang ba ben. A nêl vɨdiiên vô xam.

1 Pita 1:15

Anutu wê vɨnoo xam ge ici va xomxo ngɨbua. Om xam êno, xam tu xomxo ngɨbua dɨ tɨmu vô môp nivɨha.

1 Jon 3:1

Xame, Mag Anutu xêyaa vin lec il luu vêl, om nêl nêbê i nue il, om vɨxôhɨlôg il tu i nue nôn. Lêc xomxo nipaên kɨbun ga lungên il, dɨ kehe bêga bê he lungên Anutu, om lungên Anutu nue il.

2 Jon 1:3

Mag Anutu yuu nu tuc Yesu Kɨlisi ge, vɨzid nivɨha yuu xêyaa vin lecên dɨ kɨyang malehe wê yuu vông ge i hɨvun il xôn dɨ il dô vac kɨyang nôn yuu môp xêyaa vin lec maên.

Levelesen 2:1

Yesu nêl vô a, Jon, bêga ên nêbê, “Ông kɨvuu a kɨyang ga i loc vô xomxo wê tu konglegesen Epesas nên bazub ge bêga bê a ga wê a hôm pɨtua vɨgê vɨlu dɨ sec yuu vac vɨgêg hɨyôv, dɨ a vɨlee vac lam gol vɨgê vɨlu dɨ sec yuu gee mahɨgun.

Levelesen 2:12

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Pegamam nên bazub ge bêga bê a ga wê a hôm yipac levac wê xônên manôn vɨlu vɨlu ge.

Levelesen 2:18

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Taiataila nên bazub ge bêga bê Anutu nu tuc a wê a magngɨluhu linac tɨyi xocbê ngwax ge dɨ a vɨxag tɨyi xocbê ain wê xomxo si lec ngwax mɨ i vô hi ge.

Levelesen 2:29

“Xam nɨnyam obêc yêp ge od xam ngô kɨyang ga wê Myakɨlôhô Ngɨbua nêl vô xomxo vông vinên vac vɨgwe vɨhati gee.”

Levelesen 2:8

Nang dêc Yesu nêl vô a, Jon ên nêbê, “Ông kɨvuu a kɨyang ga i loc vô xomxo wê tu konglegesen Smena nên bazub ge bêga bê a xomxo mugên dɨ tɨmuên wê a xib lêc kɨdi lec magvɨha nang ge.

Levelesen 22:21

Vɨzid nivɨha wê Apumtau Yesu vông ge i loc viac xam vɨhati. Kɨyang nôn.

Levelesen 3:14

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Leodisia nên bazub ge bêga bê kɨyang nôn kehe a, dɨ a mi nêl Anutu kɨyang vɨhati ge yêp nivɨha, dɨ a o yax ti vun lêm, dɨ susu vɨhati wê Anutu tung ge a tu kehe ên.

Levelesen 3:22

“Xam nɨnyam obêc yêp ge om xam ngô kɨyang ga wê Myakɨlôhô Ngɨbua nêl vô xomxo vông vinên vac vɨgwe vɨhati gee.”

Levelesen 3:7

Nang dêc Yesu nêl vô a ên nêbê, “Ông kɨvuu a kɨyang ga i loc vô xomxo wê tu konglegesen Piladelpia nên bazub ge bêga bê a ga, a xomxo ngɨbua dɨ a kɨyang nôn kehe. A kô ki wê Devit vông ge. Om a obêc tax vuayen ge od ti o tɨyi wê ob tung lec ge lêm, dɨ a obêc tung lec ge od ti o tɨyi wê ob tax i tii vac ge lêm.